خبزة السوافة حااااااااااااااااااارة حااااااااااااااارة من كوزينتي

دائمة الحمد · 2014-02-25, 23:06

خبزة السوافة

هذه الاكلة هي نوع من المعجنات لذيذة جدا الوصفة هذه انا معتمدتها منذ سنوات اخذتها من صديقة عزيزة عليا جدا اختها تسكن في سوف هي بدورها اخذتها منها وانا احتفظت بالوصفة كيما راهي لانها عجبتني ياسر وعجينتها هشوشة ولذيذة انا واهل بيتي سميناها خبزة السوافة وهي ماتجيش بلا حار

المكونات

العجينة

[url=https://www.gulfup.com/?HpTCjh]

[/url

6كيسان فرينة

2بيضات

2كيسان حليب دافئ

2مغارف كبارسكر

3مغارف كبارخميرة الخبز

ملح

كاس زيت

بيضة ندهنوا بيها

الحشو

كمية قليلة من اللحم المرحي ممكن تعوضيه بالطن انا ماجربتهاش بيه نعملها باللحم المرحي

كمية مليحة من البصل

راس ثوم

5او6حبات طماطم

ملعقة كبيرة طماطم مصبرة

ملعقة صغيرة هريسة

توابل

ملح

ملعقةصغيرة سكر

3او4حبات جزر سنارية او زرودية

5قرون فلفل2حلو و3حارين اوحسب ذوقك خاطرنحنا رانا جماعة حار

فرماج

الطريقة

اولا ابدي بالعجينةلانها لازمها ترتاح

خلطي كل المقادير الجافة+الزيت +الحليب

ولكان لقيتيها طرية ياسر زيدي ا لفرينة لانو كاين فرينة ماتشربش

لميها واعجنيها واعمليها 2قرصات

حطي كل قرصة في ساشية واقفليهم وغطيها مليح وخليها ترتاح من45د حتى لساعة

رابي البصل وحطيه يذبال مع الزيت +اللحم مرحي+الفلفل مقطع رقيق او ارحيه في الروبو وخليهم يذبالو على نارقليلة+الطمام ارحيها بقشرتها عادي+ثوم مرحي مع ا لتوابل+السكر

والملح والطماطم المصبرة والهرسة وخليها حتى تنشف وزيدي الجزر مرابي وخلطي وطفي النار

اقسمي عجينتك على4خبزات وخليها ترتاح قليلا

ادهني2بلاوات تاع فور وحلي 2 قرصات من العجينة بالقراص ورشي شوي فرينة كي تجي تحليها

وحطي كل قرصة في بلا وادهنيها اذاتحبي الحار بالهريسة الوصفة هكذا حارةتشوي

حطي طبقة من الحشو واذا حبيتي قطع فرماج

حلي الزوج قرصات لي بقوا وهزي كل وحدة وغطي بها الحشوواغلقي لجناب مليح

بفرشيطة اثقبيهاعدة مرات بالفرشيطة وادهنيها بالبيض وادهني مليح لجناب باش ماتتحلش كي تطيب خليها تطلع 15 د وحطيها تطيب

[SIZE=4][url=https://www.gulfup.com/?2HCUei[/SIZE]

]

[

/url

لما تبرد شوي اقسميها مربعات وشهية طيبة

ملاحظة هذي المقادير تعملك 2بلاوات تاع فور كيما لي عملت فيهم
تقدرو تعملو نصف المقادير
انا سي السيد يحبها ولازم يوكلو منها صحابو على هذيك نعمل بلا لينا وبلا ليهم

هدية مني اليكم

zamilio · 2014-02-25, 23:10

اختى للاسف مطلعوش الصور

دائمة الحمد · 2014-02-25, 23:17

راني مازلت عزيزتي ماكملتش الموضوع النت راهي تروح وتجي

lamiak1 · 2014-02-25, 23:30

Rani nestena fi baki el. Wasfa

ناهدوران · 2014-02-26, 00:16

دائمة الحمد ممتاز بربى نديرها

ادرارية · 2014-02-26, 00:20

هايل يعطيك الصحة فكرتيني بخبز الشحمة نتاع الكوشة مع الحرووووووووووووووووووور نموت عليه بصح زوجي ما يشريهش لي بحكم عندي المعدة وهو يكره الحرور اممممممممممممممممممممممممممممممممممممممممممممم وتمنيت لو ازور وادي سوف من البلدان التي بقيت لي لم ازرها

أم إناس · 2014-02-26, 00:44

اممممممممم داءمة الحمد حنونة انت ملكة الخبز بانواعيه. الله يعطيك الصحه
وان شاء الله نجربه. استنيني نشري الدقيقة والفرينه وتشوفي بإذن الرحمان
ولك مني كل الشكرا والتقدير وعيد ميلاد سعيدة والعافيه اممممممواح