ارووووع بان كيك على الاطلاق من مطبخي

[ام اماني77]

بسم الله الرحمان الرحيم

السلام عليكم اخواتي الغاليات
كيف حالكن ان شاء الله الجميع بصحة وعافية.
وصفة اليوم البان كيك وصفة سهلة بسيطة واقتصادية والاهم ان ذوقها هايل
صراحة جربت عدة وصفات حتى لقيت الوصفة المثالية ذوقها مثل الكيك لكن هي تجي رقيقة ،يقدم مع العسل او النوتيلا اوصوص الشكولة وممكن المعجون المهم كل واحد كيفاه يحبه انا شخصيا نفضله بنوتيلا اممممم ولا اروووووع.

المقادير:

3 بيضات
70 غ سكر عادي
50مل زيت
170مل حليب
فاني
باكي خميرة
رشة ملح
200غ فرينة

الطريقة:
بالنسبة للطريقة سهلة فقط نخلط المكونات بالمضرب اليدوي
نخلط البيض مع السكر ثم نضيف الزيت والحليب ونخلط ثم الفاني ورشة ملح واخيرا نضيف الخميرة والفرينة لي نكون غربلتهم قبل مع بعض راح نتحصل على خليط ثقيل شوية يشبه الى حد ما خليط الكيك

https://


ناخذ مقلاة تيفال نحطها تسخن ناخذ كمية من الخليط ونحط يطيب في المقلة بسرعة نشكل دائرة واذا كانت الاخت مبتدئة في المطبخ كي تجي تفرغ الخليط تهز المقلة من على النار حتى تعطيها الشكل من بعد ترجعها تطيب والنار لازم تكزن ناقصة لان البان كيك فيه السكر راح يتحمر بسرعة

https://

راح تبدا تظهر الفقاعات لاحظو

https://

نخلوها تتثقب حتى تولي كيما البغرير هنا نقلبها

https://
لاحظو لونها

https://

على الوجه الاخر نخليها زوج دقائق لا اكثر راح نتحصل على هذا اللون

https://

نحطها على مشبك تبرد ونكمل باقي الخليط هذا الكمية تعملي حوالي من 9 الى 10 قطعة على حسب الحجم

هذا شكلهم بعد ماطابو

https://

هما قدمتهم بصلصة الشكولة

https://

هنا اضفت للخليط كمية من حبيبات الشكولة وقدمتهم بالعسل

https://
ممكن نقدمها مع نوتيلا اممممم وممكن مع كريم شانتيي وكمية من الفواكه يعني كل اخت وذوقها

هذا شكلهم من الداخل

https://

صدقوني ذوقهم رااااائع راح يعجبو الكبار والصغار
في انتظار تطبيقاتكم



في امان الله

[omhadil]

ام امانى يسعدنى ان اكون اول وحدة ترد عليك
بالرغم انا الصور ماخلجوليش بصح اكيد كل ماتقدميه رائع واروع منو مافيش
شكرا

[أم ياسين الزهراء]

هايل يعطيك الصحة

[ام ماريا هاجر]

روعة يعطيك الصحة دائما متألقة ام اماني ان شاء الله نجربها مشكورة

[omhadil]

الان شفت الصور
امممممممممممم روعة

[أم أولادي*]

مميززززززززززززززة كعااااااااااااااااااااادتك شكرااااااااااااااااا

[ام اماني77]

شكراااا غالياتي نورتو الموضوع
ام هديل مازال عندي مشكل الصور نحط الموضوع من بعد نعمل تعديل ونحط الصور
الحمد لله ان الصور عجبوك

[زهرة كل يوم]

[ادرارية]

والله رووووووووووووعة بعطيك الصحة اختي ام اماني ياريت لو تحطينا وصفة قاطو المحقن اللي شفتو في واش طيبتي اليوم

[لينا11]

خرجلك تحفة حنونة مممممم
سخفتيني فيه

[om inas]

تحححححححححححفة

[مقدسية]

الله عليك ياام اماني بمنتهى الروعة والجمال واكيد المذاق
ربي عطيك ويغنيك ويحفظك واهل بيتك
اللهم امين

[natacabell]

هايل يعطيك الصحة راح نجربو ان شاء الله شكرا لكي على كل شيئ

[ام اماني77]

شكرااااااا غالياتي نورتو الموضوع

[Oum Aness Bba]

هاااايا أختي بارك الله فيك.. أسأل الله العظيم رب العرش العظيم ان يشفيك شفاءا لا يغادر سقما