ساعدوني بنتي راهي تعاني من كرشها

[aminabil]

السلام عليكم لبنات حبيت نسقسيكم على بنتي عندها يومين و كرشها جارية تقولي عين تاع ماء هي عندها عام و شهرين و انا نقول هاذي لا دياري تاع الاسنان درتلها كلش الما تاع الروز عطيتلها البنا ن و الشيكولا و واحد السيرو يسموه فراجيلا مع الاملاح و ما نفع والو ارجوكم اللي عنده تجربة تفيدني

[زهرة الشرف]

والله يا اختي انا ابني عنده نفس السن تاع بنتك وراه في اسبوع يعاني من نفس المشكل جربي دري سيرو اسمهnifazid ويوجد وحد الساشيات يقولولهم turfel وانشاء الله الشفاء العاجل وكثري من الماء

[**افنان**]

اختي ربي يشفي بنتك
كاين ساشيات تيورفان tiorfan 10 mg
اختي حتى وان كانت الاسهال تاع الاسنان لازم العلاج من الاحسن تشوفي الطبيب هو الذي يفهم سبب المرض

[ام رفيق]

ديريلها كاس ماء فيه 6 مغارف صغار مايزينة وربي يشفيها

[سَلْسَبِيّلْ]

اختي النشا مجربة 100 100 حلحليها في نصف كوب ما وشربيهالها باذن الله تشفى

[aminabil]

شكرا لكن اخواتي على الاجابة راني ديتها لطبيب و عطاني نفس الادوية اللي عطيتوهملي و عطاني تاني حليب خاص بالسهال يجي ثقيبل شوية صحيتو بزاف بزاف

[**افنان**]

ربي يشفيها

[ساندريلا]

ربي يشفيها اختي
لما حدث لابني نفس الشي اعطاه الطبيب سميكتا نعطيه نصف ساشي بالاضافة للأملاح و غدوا اصبح لاباس عليه و الحمد لله