وصفة جديدة لتحضير المورانغ ناجحة ومضمونة من مطبخي

[ام اماني77]

بسم الله الرحمان الرحيم

الحمد لله فاتحة كل خير وتمام كل نعمة والصلاة والسلام على نبينا وحبيبنا محمد صلى الله عليه وسلم اما بعد......

الكثير منا يحب المورانغ لكن القليل لي ينجح في تحضيرها اليوم جبتلكم طريقة جديدة وباذن الله ناجحة من اول مرة .
اغلب الوصفات المتداولة يقولك بياض 2 بيض مثلا ويعطيك كمية السكر لكن كاين لي ماينجحش فيها رغم ان التزم بالخطوات هذا لان حجم البيض مختلف هذا لي يعمل الفرق
بالاضافة ان احيانا كي نعمل حلويات نحتاج فيها صفار البيض فقط راح نحتفظ بالبياض في المجمد وممكن ننسى حتى شحال من بياض بيضة احتفظت به ويكون سبب في ان ما نستغلش بياض البيض لي عندي ونعمل به الومرنغ
لذلك جبتلكم وصفة ساهلة ومضمونة وحتى اذا عندنا بياض بيض في المجمد نستعملوه عادي مهما كان حجم البيض صغير او كبير وهذا شكل المورانغ لي حضرت شوفو ما احلاه على فكرة من كثرة ماعجب لاولادي عاودتو 3مرات في اسبوع واحد
طلعتلهم السكر خخخخخ

https://


المقادير:
اولا اذا راح نستعمل بياض بيض كان في المجمد نجبده قبل حتى ياخذ حرارة المطبخ
نحتاج كمية من بياض البيض ونوزنها ونعمل ضعف وزنها سكر عادي راح نعطيكم مثال حتى تستوعبو الفكرة

مثلا:
ناخذ 3 بياض بيض ونوزنها راح نلقاه مثلا 150غ راح نعمل راح نعمل300غ سكر عادي ok

الطريقة:

اولا نشعل الفرن على100درجة مئوية
نحط بياض البيض لي وزناه مع ضعف وزنه من السكر في اناء معدني

https://
نحط الخليط فوق حمام مائي يعني ناخذ طنجرة مثلا ونحط فيها الماء بعد مايغلي نقص على النار ونحط خليط البيض والسكر ونحرك يدويا بالفووي هنا ما نستعملش الباتور
نحرك جيدا حتى يذوب السكر تماما حواي من 4الى 5د لا اكثر

هذا شكل الخليط بعد ماذاب السكر

https://

الان لي عندها البيتخا تستعملها ولي ما عندهاش تستعمل الباتور
نبقى نحرك في الخليط لمدة 10دقائق على اقصى سرعة حتى يبرد الخليط تماما ويطلع بياض البيض ويولي يبرق هنا نضيف شوية فاني

https://
ناخذ صينية الفرن ونحط فوقها ورق الزبدة ونثبت اطراف الورقة بشوية فقط من المورانغ من الاسفل
ناخذ لابوش ادوي ونشكل المورانغ بالشكل لي نفضلوه

https://

نخليها تطيب من ساعة ونصف الى ساعتين على حسب الفرن وحجم المورانغ المهم حتى تنشف من الداخل
نخرجها من الفرن ونقدمها بالصحة والهناء

https://

عن قرب



https://
://


شوفو لونها من الاسفل لازم يبقى ابيض

https://



ملاحظة:
هذا المورانغ يمكن استعمالها في تارت الليمون وصابلي المورانغ وكل الحلويات والتحليات لي فيها المورانغ والنتيجة رووووعة
هما عملت بها هذا التحلية







ان شاء الله تجربوها وتنجحو فيها ولاتنسوني من صالح دعائكن

في امان الله

[أم محمد تاج]

ام اماني حنونة راني منتابهة قلب ورب ههههههههه كملي وبارك الله فيك

[tong]

بارك الله فيك شاف

[جيجلية]

ما شاء الله روووووووعة

اختي ام اماني واللي ماعندوش الميزان كفاش يدير لو كان درتينا بالكيلة خير

ثاني قولينا شحال لازم تكون درجة حرارة الفرن

جزاك الله خيرا

دائما تتحفينا بوصفات رائعة مثلك

[ايمن14]

بارك الله فيك

[ام اماني77]

المشاركة الأصلية كتبت بواسطة أم محمد تاج

ام اماني حنونة راني منتابهة قلب ورب ههههههههه كملي وبارك الله فيك

يبارك فيك اختي ام محمد الغالية
مازال عندي مشكل في ادراج الصور نحط الموضوع من بعد نعمل تعديل نبدا نحط بالصورة
ان شاء الله المورانغ عجبك

[cuisineshowdalatifa]

خرج ناصح البياض و شباب تشكرين

[ام اماني77]

المشاركة الأصلية كتبت بواسطة جيجلية

ما شاء الله روووووووعة

اختي ام اماني واللي ماعندوش الميزان كفاش يدير لو كان درتينا بالكيلة خير

ثاني قولينا شحال لازم تكون درجة حرارة الفرن

جزاك الله خيرا

دائما تتحفينا بوصفات رائعة مثلك

اهلا غاليتي
الميزان ضروري جدا في المطبخ لان كاين وصفات تحتاج الميزان هكذا تضمني نجاح الوصفة حتى ماتخسري المكونات وفي الاخير الوصفة ماتنجحش
لذلك ننصحك تشري ميزان هكذا تجربي الوصفات وعينيك مغمضين
بالنسبة للفرن قلتلكم شعلوه على 100د قبل ماتبداو في تحضير المورانغ

[it's me]

يميييي ربي يخليك لينا استاذتنا الغالية

[أم إناس]

اممممممممم وصفه راءعة وخرجلك ماشاء الله رووووووووعه الله يعطيك الصحه وجزاك الله خيرا

[Nedjemet al bahr]

شكرا على الوصفات الأكثر من رائعة جعلها الله في ميزان حسناتك

[HAFSA IBNAT ELFAROUK]

ام امانى قلت نخليها اطيب من ساعة و نصف الى ساعتين اليس هدا وقت طويل

[ام اماني77]

[quote=hafsa ibnat elfarouk;1055613764]ام امانى قلت نخليها اطيب من ساعة و نصف الى ساعتين اليس هدا وقت طويل[/quot
فعلا المدة طويلة شوية لكن صدقني النتيجة مبهرة وراهي واضحة من الصورة
ماتخافيش انت حطيها تطيب وكملي شغالاتك مرة على مرة تفقديها لازم تنشف من الداخل ولونها يبقى ابيض
راني قلتلكم على حسب الفرن انا طيبتها2ساعات بالتمام وكانت هااااايلة

[ام اماني77]

شكراااا غالياتي نورتو الموضوع

[خديجة التقية]

ما شاء الله رائع ان امكن قربيلنا المقادير للي ما عندهاش ميزان بارك الله فيك