الى وهرانيات بجاه ربي

تاج النور@ · 2013-08-01, 15:06

سلام عليكم ونهاركم مبروك
أرجو منك مساعتي خصوصا ناس الغرب وهران

زوجي طلب مني ان احضر له خبز بالزيتون الذي يباع في وهران

بصراحة لا اعرفه وكل من طلبت منها قالت لا اعرف
وانتم هل عرفتوه بجاه ربي متحشموني

الله افرحكم ويعطيكم ماتتمناوه
صح صيامكم

تاج النور@ · 2013-08-01, 20:10

أتسأل هل لهذه الدرجة ماشي معروف هذا الخبز

درة بيتي · 2013-08-01, 20:25

لحظة نصوره ونجيبلك شوفيه إذا هو ولا لا
انا منيش وهرانية بصح مذابيا نعاونك

درة بيتي · 2013-08-01, 20:36

شوفي هذا وقوليلي إذا هو ولا لا موالفة ندير فيه الزيتون اليوم مادرتش كنت مزروبة دهنته غير بالزيت كي طاب

muslimone · 2013-08-01, 21:31

هي عجينة عادية تقطعي فيها طراف الزيتون ولا ديري زيتون ايفيلي وتعجني وخلاص ضركا راهم يعجبوا قالخبز ويرمو فيه الفلفل اللحم مفروم الطماطم مجففة اكتبي في جوجل خبز بالزيتون لحورية المطبخ هي من الغرب وشوفي الطريقة راهي فاليوتوب والله يعاونك

ام طيري الجنة · 2013-08-01, 23:21

انا هذا وين شفت طلبك
انا من وهران بصح لا اظن ان هذا الخبز خاص بوهران بل الخبز راه على الانواع في كل مكان خاصة في رمضان
لا اعرف اذا كنت تقصدين نوعا خاصا لكن اظن تستطعين تحضير خبز عادي خبز الكوشة بالفرينة و تزيديله الزيتون مقطع وممكن تزيديله ايضا قليل من زيت الزيتون هذا ما اعرفه

الأمنيات · 2013-08-01, 23:27

انا من راي الاخت ام طيري لا يختص به اهل وهران انا من وهران صراحة لم اراه

ممكن فقط في رمضان ناس تعجب في الخبز هو عادي وفيه الزيتون يوجد وصفه هنا في المنتدى على ما اظن

ام طيري الجنة · 2013-08-01, 23:31

اليك هذه الوصفة اخذتها من احد المنتديات
خبز الزيتون الاسود

المقادير

4 كوب طحين
1 ملعقة كبيرة ريحان مجفف
1 ملعقة كبيرة بقدونس
1/2 كوب زيتون اسود مقطع
1 1/3 كوب ماء دافىء
1 رشة فلفل
1 ملعقة كبيرة اوريجانو
1/4 بهارات مشكلة
2 سكر
1 كلعقة كبيرة خميرة فورية
1/2 ملعقة بايكينج باودر
1 ملعقة صغيرة ملح
1 حبة بصل مفروم ناعم
2 فص ثوم
4 ملعقة كبيرة زيت زيتون
الطريقة

يوضع البصل - الثوم - الزيت في المقلاة ويحرك حتى يتشوح البصل بالزيت
نضع في العجانة 2 كوب طحين والخميرة والزعتر والبقدونس والريحان والبهار والسكر و البايكنج بودر
ومن ثم نضيف الزيتون الأسود و الملح و الفلفل الأسود و يخلط ثم يضاف خليط البصل و الزيت و الماء يضاف باقي الطحين تدريجيا حتى تتكون العجينة
تعجن قليلا على سطح مرشوش طحين و تشكل على شكل كرة و توضع في طبق مدهون و تدهن بالزيت
تغطى وتترك في مكان دافئ حتى يتخمرويتضاعف حجمها ثم تشكل على شكل قرص و تلم كل الأطراف على بعض
نرش صينية الخبز بطحين ثم يوضع فيها القرص و يرش طحين و يترك في مكان دافئ حتى يتضاعف حجمه
يخبز في فرن حرارته من 200 لمدة 40 دقيقة اة الى تخبز وتستوي الخبز

ام طيري الجنة · 2013-08-02, 01:03

كاين فكرة للخبز بالزيتون انك بعد ما توجدي العجين تسرحيه يشكل مستطيل و ترشيه بالزيتون المقطع و شوي زيت الزيتون ان اردت و ترولي العجين كيما القاطو غولي و تقصي حلقات و تبّسطيهم قليلا وتخلّيهم يخمرو و تخبزيهم وشهية طيبة

أم جهينة وقصي · 2013-08-16, 07:36

أنا نظن راه قاصد الخبز السوري تاع الزيتون وهو يتباع و متوفرفي جميع المحلات تاع الخبز السوري وهو شبيه بالصورة الاولى لوضعتها الاخت (الزيتون يجي غير من الفوق)

amina-31 · 2013-08-16, 12:58

hadak fougasse telkayah 3and choumicha dayratah 3la anwa3 ghi hawssi fi youtube

ريتاج الجلفة · 2013-08-16, 14:00

اقتباس:

المشاركة الأصلية كتبت بواسطة أم جهينة وقصي

أنا نظن راه قاصد الخبز السوري تاع الزيتون وهو يتباع و متوفرفي جميع المحلات تاع الخبز السوري وهو شبيه بالصورة الاولى لوضعتها الاخت (الزيتون يجي غير من الفوق)

انا من وهران وش قالت نيشان واه نيشان حبات من فوق
هو مطلوع بالفرينة ومرشوش بالسميد ومغروس فيه حبات زيتون خبز في حد ذاته بنين ولازم فرن درجة حرارة عالية متعبيش روحك قوليلوا منعرفش وديني لوهرن نحوس وناكلوا ماشي غير انت تاكل
هذا وش تتعلمي من الوهرنيات شطارة اللسان
حباباتي تحية لناس وهرن

تاج النور@ · 2014-01-28, 11:26

شكرا لكم أخواتي على كل الردود بارك الله فيكم وسهل عليكم كل صعيب

ميرة31 · 2014-01-28, 14:41

شكرا,,,,,,,,,,,,,,,,,,,,,,,,,شكرا