صابلي البيضة راااائع شكلا وذوقا بالخطوات المصورة

[ام اماني77]

بسم الله الرحمان الرحيم

السلام عليكم اخواتي

صابلي البيضة حلوى اقتصادية وساهلة وتذوب في الفم ملائمة للمناسبات والافراح هذا شكلها

://




المقادير:
250غ مرقرين بحرارة الغرفة
60غ سكر رطب
100غ نشا
بيضة+صفار بيضة
فاني
نصف م ص خميرة مانكثروش حتى الحلوى تحافظ على شكلها
فرينة
للحشو:
انا استعملت حلوة الترك ممكن نعمل نواد كوكومرحي ونلمه بالمعجون ونضيفله ملون اصفر حتى ياخذ لون مح البيضة.
الطلية:

سكر رطب من النوع الجيد انا استعملت المرجان
ماء معدني
ماء الزهر
عصير ليمونة
كمية من النيسكافيه مذوبة في الماء
ملون برتقالي

نحتاج ايضا الى
ملمع فضي
ورق الطهي لصنع عش البيضة

الطريقة:

نحضر عجينة الصابلي
نخلط المرقرين مع السكر بالخلاط ثم نضيف البيضة وصفار البيضة ونحرك ثم الخميرة والفاني والنشاء ونلم



بالفرينة بلا مانعجن حتى نتحصل على عجينة متماسكة ماتكون طرية ماتكون يابسة هكذا

https://


نشكل كويرات من العجينة بحجم 30غ ولي حابة حجم صغير تعمل 25غ نحشيها بشوية من حلوة الترك نعاود نغلقها ونكورها

https://

لتشكيل هذا الحلوى يلزمنا هذا النوع من لي مول راه متوفر في السوق ولي ما عندهاش ممكن تعوضه بعلبة بيضة شكولة كيندر

https://


نحط داخله كيس بلاستيكي حتى يسهل نزع الحلوى بسهولة

https://

نحط الكويرات المحشية داخل المول ونضغط عليها حتى تاخذ شكل البيضة

https://نحطها في الصينية

https://

ندخلها للفرن تطيب على 180د وهذا شكلها بعد ماطابت

https://نخليها تبرد تماما من بعد نحضر الطلية

الان نقوم بتحضير الطلية
هذا المرة عملت الطلية بدون بياض بيض لان كيما سبق وخبرتكم ان هو لي يخليها تبس بالخف

في اناء نحط السكر الرطب يكون مغربل ونضيفلو ماء الزهر حتى نتحصل على عجينة نعجنها شوية باليد

https://


نضيف عليها عصير ليمونة ونحرك باليد

https://

نضيف شوية من الماء المعدني حتى نتوصل للقوام المناسب

https://

بعدها نضيفلها كمية من النسكافيه المذابة في القليل من الماء وشوية ملون برتقالي حتى نتوصل للون المناسب للبيضة هكذا

https://في هذا النوع من الحلوى لي يذوب في الفم من الاحسن ناخذ مشبك ونحط داخل صينية نحط حبات الحلوى فوق المشبك ونهز الطلية بالملعقة ونحطها فوق الحلوى ونحرك المشبك حتى تهبط كمية الطلية الزائدة طبعا نعاود نستعملها مرة اخرى

https://

نترك الحلوى تنشف تماما من بعد نلمعها بالقليل من الملمع الفضي
حتى نزيد من جمالية الحلوى وتظهر وكانها بيضة حقيقية نعملها اعشاش
ناخذ ورق الطهي ونفوته في الماشينة في جهة الرشتة هكذا
https://

نحط الحلوى في ليكيسات ناخذ كمية من الورق لي حضرنا نلفه حول نفسه من بعد نحط ساير داير على البيضة ونقدمها بالصحة والهناء

https://

https://

ذوق حلوة الترك مع النيسكافيه راااائع وهذا شكلها عن قرب

https://
https://

https://

نتمنى تعجبكم الحلوى وتجربوها
ولا تنسوني من صالح دعائكن

في امان الله