الجزء 48 من واش طيبتو اليوم ؟؟كل عام وأنتم بألف خير - الصفحة 92

إلهام07 · 2014-01-06, 12:05

ههههههههه أم محمد تاج يعطيك الربح قتلك فهميني على ام إبراهيم
اما وصفة القراتان سقسيني انا نقلك وين تلقايها ههههههههه راني نسختها كيما نهار كتبتيها بعد
بصح شوفي صورة البيضات 2 هذوك راهي تحرقت حلي عينك تعاودي جيبيم هوما بعد المرة الجاية لا 2 اخرين وكيما هذو هههه مانحبش الصفار ناشف خخخخخخخ

هيه حقة شكون فيكم تعرف تخدم المشلوش تحطهولنا موضوع مافهمتش كيفاش يخدموه بعد مايطيبو المسمن كي سقسيت كل وحدة كيفاش تقولي

هيه وزيد ثاني مافهمتش الرشتة كيفاش يخدموها يعني كيفاش يفورها ويعاودوها وكيفاش يجمروها

إلهام07 · 2014-01-06, 12:10

حبيبتي ليزابال كي عدتي تعرفيني مليح على بالك مانقولش واش بيها هذي تهدر معايا هاك :d:d:d:d
على العموم ربي يهنيك حبيبتي بصح انا كي يجيني ولد الحلال رايحة نمرضكم ماش نفرحكم كل وحدة واش تحكم :
ام محمد تاج ديرلي المسمن خخخخخخخخخخخخخ
ياسو وام ماجد يحكمولي البرم :d:d:d
فايزة ديرلي الصابلي
ام اماني ديرلي المخبز
بشرى2008 ديرلي شوية قاطوات الصباح تموت على هذاك الراي :d:d:d:d
أمنياتي ديرلي الحريرة
البناويت : ليدي وطومة ووووووووووو هذوك الماعن والسربانية :d:d:d:d
المهم راهم مازالو بزاف المهام وراني نفكر في الاخوات اللي بقاو شوماج واش نعطيهم يديرو :d:d:d:d:d:d:d
واش تحسبو جايين تاكلو وتشطحو :d:d:d:d:d

tokio hotel · 2014-01-06, 12:11

علاه تليكيدى فيا الى تجربيه و تقولى مليح نجربو و الا ما عجبتنيش ما شى مشكل عادى بالعكس فيقتينى لشحال من وصفة و الحمد لله النتيجة رائعة ربى يجعلها فى مزان حسناتك رانى صايمة خديت رايك ودرت موضوع على التوست بالعجينة اليبانية و وصفة اخرى يعنى 2وصفات احلى من بعض و احشمت نحطهم الصور شوية مكان مكان بالمقارنة بمواضيعكم وااااااااااااااااااااااااااااااااااااااااااااااااا ااع نتخبى و ما نوريش وجهى

أم محمد تاج · 2014-01-06, 12:13

ههههههههههههه لهاليبو راح تعودي فحلة خخخخخخخخخ
شوفي لمشلوش تاع لقسنطسنية حنونتي كي طيبي المسمن تاعك تروليه سيقار وتقطعيه ويخرج كيما لمقطعة طويل وماهو خشين وماهو رقيق ومبعد تفوريه بالحليب ولا ماء الزهر ولا الماء كيما تحبي كي يولي طري في قدرة ذوبي الزبدة والعسل تاعك وحطي فيهم الجوز لازم تكثري ولوحي لملوش تاعك يتشرب الزبدة والعسل ونحيه من النار وبهيه بالجوز والسكر قلاصي
أما فيما يخص الرشتة فتدخل ام أنووووسة وتفهمك راهي عادت تخدمها فوووووووور

ليزابال تعيشي حنونتي والله عويناتك لي ملالالالالاح وراني شكرت كل وحدة باركتلي يعطيكم الصحة نشالله ومرحبا بيك بيناتنا مواااااااح

أم محمد تاج · 2014-01-06, 12:14

لهاليبو وراسك أم أنوووسة البسبوسة واش ديرلك في عرسك؟؟؟؟

أم إناس · 2014-01-06, 12:16

صح غداكم اخواتي درت سلاطه مع لازانيا تاع البارح والحمدولله

اللهم ادمها نعمة يارب

الأمنيات · 2014-01-06, 12:16

اقتباس:

المشاركة الأصلية كتبت بواسطة إلهام07

الأمنيات انت ثاني ماعجبوكش وردات السميد ؟ وسقيتيهم كيما أنا ولالالا ؟ والله يا جماعة دات منهم اختي للصيدلية وين تخدم طارو بيهم وطلبو كامل الوصفة

اهلا الهام انا عجبوني تاع السميد وما سقيتهمش ما عقلتش بلي قلتي سقيتهم لو كان سقيتهم
من بعد نعاودهم ونسقيهم يهبلوا

أم محمد تاج · 2014-01-06, 12:17

بصحتكم أم أنوووسة وتبعي معانا لهاليبو راهي توزع في المهام خخخخخخخخ

أم محمد تاج · 2014-01-06, 12:18

أم أنووسة حبيبتي هاذوك لحشاوش لي تذرذريهم على ماكلتك واشي هوما؟؟ زعيترة ولا لي زاغب دو بخوفونس؟؟؟

الأمنيات · 2014-01-06, 12:21

اقتباس:

المشاركة الأصلية كتبت بواسطة tokio hotel

علاه تليكيدى فيا الى تجربيه و تقولى مليح نجربو و الا ما عجبتنيش ما شى مشكل عادى بالعكس فيقتينى لشحال من وصفة و الحمد لله النتيجة رائعة ربى يجعلها فى مزان حسناتك رانى صايمة خديت رايك ودرت موضوع على التوست بالعجينة اليبانية و وصفة اخرى يعنى 2وصفات احلى من بعض و احشمت نحطهم الصور شوية مكان مكان بالمقارنة بمواضيعكم وااااااااااااااااااااااااااااااااااااااااااااااااا ااع نتخبى و ما نوريش وجهى

اعلاه تقولي هاك رانا كامل نتعلموا اختي حطي الموضوع باش نستفادو حتى ومافيش صور المهم فايدة
ما تحتقريش روحك كل وحده وميزتها وطيابها حتى ولو بيضة طيب

أم إناس · 2014-01-06, 12:24

ريحان يالحنانه ام محمد تاج والبيضات امممممم انا من عشاق البيض كي ندير ريحيم يهبط 5 في الا سبوع
وشكون رايح تتزوج
ولهام معلقتيش على تاع السيدة كرمين

المعتزة بديني · 2014-01-06, 12:26

اقتباس:

المشاركة الأصلية كتبت بواسطة أم إناس

صح غداكم اخواتي درت سلاطه مع لازانيا تاع البارح والحمدولله

اللهم ادمها نعمة يارب

امممممممممممممممممممم بصحتكم حبيبة ماكلتك تشهي

tokio hotel · 2014-01-06, 12:27

شكرا اختى امنيات شجعتينى نحط على وجهى بابيى المنيوم و نحطحولكم فى اقرب وقت ممكن انشاء الله صيامك فى الجنة اختى

أم محمد تاج · 2014-01-06, 12:27

ممممممممممممم حنونتي تعيشي موااااااح
ولهاليبو راهي توزع في المهام باش نشالله كي تتزوج كل وحدة تعرف خدمتها هههههههه
والسيدة كرمين قالت هنا في هاذ القسم ماتخيلتش الموضوع بهاذ الرووووعة ولهاليبو مافهمتهاش وعمبالي بغات دير النش وماصلحتلهاش خخخخخخ

أم إناس · 2014-01-06, 12:29

لهاليبو مش هنيا رحت تجيبو من لغاليغو العريس
المعتزة بديني الله يحفظك حنونة وصح ليك الغداء