الجزء 48 من واش طيبتو اليوم ؟؟كل عام وأنتم بألف خير - الصفحة 90

touta2010 · 2014-01-06, 10:01

صباح الخير والمسرات للجميع
ام اناس الف الف مبروك تستاهلي كل خير

lyzzabel · 2014-01-06, 10:05

وصبااااحك أحلى وأزكى واملى بالنشااااط و الحيوية يا نشيطة يا خفيفة الدم يا حلوة يا ام محمد يا عسووووولة ،،،راني بَارَكْتَ لك على الدالة والعرضة الي درتيها في رد ساااابق ًًًًًًً ما شفتييييهش و صبااااح الخير والمحبة على بنات بلادي كاااامل et finalement درت حريرة و نزيد معاها فريت اوملات بالفرماج وسلاطة هاذا الي رآه عندي والحمد لله على النعم

دائمة الحمد · 2014-01-06, 10:08

الله يعزكم ويحميكم حبيباتي والله راكم نعم الاخوات
التحاليل النتيجة ان شاء الله نهار الخميس كل من دعاتلي بالشفاء ربي يهنيهم ويحفظهم
المازة الصفحة الي مافيهاش عضويتك اخرجي منها وما تزيدش ترجعي ليها
انا اداك لنهار قعدت نحاول حتى راحتلي كلمة المرور لقديمة وعطاوني وحدة جديدة

عطرالذهب · 2014-01-06, 10:15

دائمة الحمد ان شاءالله ما يكون غير الخير روحي لغرفة الدردشة نحكيو شوي

ام ملاك. · 2014-01-06, 10:16

صباح الخير عليكم
انا غذايا كاين من البارح طيبت بزاف كسكس وحصلت فيه ههههه

lyzzabel · 2014-01-06, 10:36

صباح الخير idrono مونية هااااتييي شوية بركوكس نعاونك فيييه هههههههه نبغيه بزاف أختي دائمة الحمد الله يسمعك و يسمعنا سماع الخيييير نشا لله

lyzzabel · 2014-01-06, 10:40

ااااه مونية أنتي كتبتي كسكس وأنا حسبته بركوكس ههههههه فيبالي قلبي رآه فالبركوكس ،،،ماعليش حتى الكسكس نبغيه هاااتي نعاونك

tokio hotel · 2014-01-06, 10:46

اقتباس:

المشاركة الأصلية كتبت بواسطة مونية ك

صباح الخير عليكم
انا غذايا كاين من البارح طيبت بزاف كسكس وحصلت فيه ههههه

صباح الخير عليكم كامل كامل الى امرض ربى يشفيه ةالى غايب ربى يرجعو و المحروم ربى يعطيه اختى مونية رانى هنا ابعتيلىنهنيك منو شفيتى عليا انا اى جربت اللوبيا انتاعك و ارجعت معتمدة عندى

الأمنيات · 2014-01-06, 10:52

السلام عليكم واسعد الله يومكم
غدايا شربه وشكشوكة راني صايمة

دائمة الحمد · 2014-01-06, 10:54

اقتباس:

المشاركة الأصلية كتبت بواسطة الأمنيات

السلام عليكم واسعد الله يومكم
غدايا شربه وشكشوكة راني صايمة

ربي يتقبل امنيات امانة ادعيلي بالشفاء

المعتزة بديني · 2014-01-06, 10:58

اقتباس:

المشاركة الأصلية كتبت بواسطة الأمنيات

السلام عليكم واسعد الله يومكم
غدايا شربه وشكشوكة راني صايمة

صيااامك فالجنة حبيبتي امااااااانة ادعيلي ربي يرزقني بولد حلفتك بالله متنسياااااينيش

الأمنيات · 2014-01-06, 11:00

اقتباس:

المشاركة الأصلية كتبت بواسطة دائمة الحمد

ربي يتقبل امنيات امانة ادعيلي بالشفاء

ان شاء الله اختي ربي يشفيك ويشفي جميع المسلمين

أم إناس · 2014-01-06, 11:03

توتة شكرًا لك حنونة
الامنيات صيامك في الجنة يارب والله يتقبل
وشكون لي تفتح الكوزينه الجديدة

إلهام07 · 2014-01-06, 11:06

صباح الخير طبوزاتي

أهلا بكل اللي شاركو معانا جدد واهلا بواحد الغايبة ( طوكيو ) مواح ليكم كااااامل

دائمة الحمد سألتيني على الكامومبير في الطياب هايل غير جربيه اللي يحبو واللي مايحبوش يعجبو راهي منين يشم ريحة السخانة برك يذوب ثم ثم ويجي بنة 444444444444

مونية طياباتك يهبلو يهبلو يعطيك الصحة يا خفاشة هذا تخفشيش ولا طيش ههههههههههههه

أم محمد تاج ماتهفيني لا بالجاج لا بالمادلان الصابلي نموت عليه ممممممممم
حقة ياخي خليتيلي صحن من البكبوكة لا نجيك نبكبكك
يعطيك الصحة هذلك المصيبة نتاع نهال رايحة تقنعني بالسيف بالشيفلور نتاع الكرام فراش
سلكي غرامة العدس ماتلعبيهالي صاحبتي ماوالو

أم امنية ربي يشافيك حنونة وإن شاء الله تكوني لاباس

ام الهضاب حبيبتي هذاك هو العادي نتاع المطلوع عندنا حنا اللي تسميه انت محروق خخخخ

ام فاطيمة يعطيك الصحة هذاك مقروظ المقلاة ؟

لينا11 التحلية تققققققتل ممممممممم

ام يوسف زكريا يعطيك الصحة حوالو عينيا من طياباتك
اهلا بيك معانا هذا وين فهمت بروقة منين جابت الفحالة

طمطومة أهلا بيك علاه تغيبي وتحرمينا من طياباتك يعطيك الصحة

فايزة قتلتينا بالصابلي واااااااااااااااااو لاتوجد كلمات تصف هذا الفن

نهال مرضتينا يا مدام شفلورة بصحتكم

ام إيناس قتلتينا طايحة فينا بالفرنجبان واللازانيا ممممممممممممم يعطيك الصحة عليها بسبوسة

نوال بصحتكم التليتلي نحبو كي يكون محمص

زهرة ماشاء الله طياباتك هايلين خاصة الموسكوتشو تقولها بسبوسة هشيشة تهبل

سميحة يعطيك الصحة والصابلي راهو

الأمنيات يعطيك الصحة سخفتني البسبوسة تهبل واش خلصتي طبقتي كل وصفات المنتدى دورتيها تستوردي في وصفات من إيران ههههههههههه

ألمازة المسروقة خرجت شهيتيني

أم التوام بصحتكم لي تارت خرجو يهبلو من يديك

السيدة كرمين نتشرفو بمشاركتك لنا وياريت تبعثيلي رابط المنتدى اللي حكيتي عليه

المعتزة بديني يعطيك الصحة الغرايف طيبتيه فوق الكارلاجة ؟

وسام أهلا بيك ويعطيك الصحة على الكباب

أم نبيل أهلا بيك ويعطيك الصحة طاجين الشفلور راهو من روائع ام رامي
التارت تهبل كون غير قرعجتيلنا واش فيها مكونات تهبل تهبل بصحتكم

أم آية يعطيك الصحة ، هذيك الاخيرة مافهمتهاش ؟ كيك مالح ؟

لهنة عيد ميلاد سعيد حبيبتي ول عام وأنت بالف خير

عطورة الف مبروك الأنوثة

أم نور وجمانة الترات تققققققتل بصحتكم واااو ممممممممممممممم

حقة سمعتك على الع............س

أم إناس · 2014-01-06, 11:10

الهام بسبوسه وشراكي السيدة كرمين راه تهدر على القسم تاعنا قالت كي دخلة لقات حاج اخر ههههههههههخخخخخخخخ