المبدعة ام ايوب تسا عدك لتتعلمي اسرار صنع الحلويات

[لينا11]

اهلا عسولات
ام ايوب قريت وحدة كتبت وصفة ناوية نجربها لطارق هاي ليك نقلتهالك كيما كتبتها مولاتها

السلام عليكم ورحمة الله تعالى وبركاته


حبيبات قلبي واش راكم ان شاء الله كلكن بخير

اليوم جبتلكم وصفة سيرو طبيعي مفيد خير من سيرو الصيدلية نصحني بيه طبيب اطفال وهو خاص لسعال الاطفال وحساسية الصدر والزكام

وخاصة للسعال عن تجربة من نهار جربتو ولقيتو مفيد جدا رجع دايما عندي بالثلاجة لا استغني عنه ابدا

ما نطولش عليكم بزاف نخليكم مع الوصفة

تاخدي الزعتر تغليه فالماء او تعمليه منقوع ومنبعد تصفيه وتكيلي كاس من تيزانة الزعتر+كاس سكر وتحطيه على نار هادية حتى يولي كيما السيرو ما تقيل بزاف ما هو خفيف تخليه يبرد وتفرغيه في قارورة تاع الزجاج تكون معقمة وتحتفظي بيه فالثلاجة وكل مايمرضو الاطفال اعطيهم منو بمغرف صغيرة كيما السيرو تاع الصيدلية ثلاث مرات في اليوم ورايحة تشوفي النتيجة هايلة

نتمنى تجربوها وتستفادو منها وما تنسونيش من صالح دعاءكم