عرض المساعدة - الصفحة 11

ام الاء وسدن · 2013-12-11, 17:29

اقتباس:

المشاركة الأصلية كتبت بواسطة rajaa mstafa

شكرا لك أختي على مجهودك وكرمك أنا بغيت نسقسيك على العجينة المورقة شت هنا في المنتدى يخدموها بصح لقيت فيها المراحل بزاف بصح عجبتني باش ندير بيها الميلفاي فالدار وباغية نشريها واجدة
ادا تنباع وتعرفي سماها لأني قلت لمول الحانوت العجينة المورقة ومعرفهاش
الله ييخليك خبريني ولا ما تنباعش تانيك خبريني باش نقطع لياس ونسيي نخدمها فالدار ومشكوووووورة أختي عل مجهوداتك......

العفو .....
كاينة تنباع عند السيبيرات والا عند اللي يبيع الباتيسري قوليلو la pate feuillte
والا عجينة الميلفاي
وادا عندك الوقت حاولي جربي كمية صغيرة راهم الاخوات شارحينها بالتفصيل
وما تخلعكش بمجرد ما تتعودي عليها جيك ساهلة وما تحبيش تشريها

ام الاء وسدن · 2013-12-11, 17:31

اقتباس:

المشاركة الأصلية كتبت بواسطة cuisineshowdalatifa

مساء الخير دخلت اليوم لصفحتك , وشفتك غايبة إن شاء الله غير الخير

مساء الانوار راني هنا بصح راني عيانة وكرهانة الما ماراهوش يجي كل يوم
وزيد راني نخدم في الكروشي

ام الاء وسدن · 2013-12-11, 17:41

وصفة قلب اللوز الحقيقية
اولا حضري المقادير التالية
3عبارات سميد خشين خاص بقلب اللوز
2عبارات سكر احرش
عبار نصفه ماء ونصف ماء زهر
قرصة ملح وفاني
هادوخلطيهم في الليل وغطيهم بصاشي للصباح
مقادير الشاربات
4ماء
1 عبار سكر
عود قرفة
وعصرة قارص هادي مهمة بزاف
طيبيهم حتى يروح نص عبار ما
ومبعد زيدي عليه نص عبار ماء زهر وخليه يبرد
من الافضل طيبيه في الليل كي تخلطي العجينة
نجو للطياب هو تاني مهم
ادهني المول تاعك بالسمن او الزبدة وفرغي الخليط وما تهابيهش
سويه مليح بالمغرف من الفوق وادهنيه بشوية سمن او زبدة
تكوني سخنتي الفور على اعلى درجة وودخليه حتى تبداي تشمي ريحة الكرمال
ومبعد اشعلى الالفور من الفوق وخليه حتى يحمار هادا من بين اسرارو وكي تخرجيه وهو سخون شربيه بالشاربات
الباردة وغطيه بسنيوة اخرى وماتقطعيهش حتى لغدوة هادي مهمة
جربوه راهو يصلح من اول مرة
ادا تبعتو كامل الخطوات

يجي كيما هادا

رانيا لوك · 2013-12-11, 18:03

يارب يفرحك ويفرج همومك كيما راكي تفرحي فينا مشكورة
نريد تثبيت للموضوع من فضلكم

Tayr E'chamal · 2013-12-11, 21:12

السلام عليكم أختي ، بارك الله فيك و يحفظك لزوجك و لولادك، فقط حبيت نشكرك على عرضك و جهدك ،ان شاء الله نبقاو على اتصال من خلال منتدانا الرائع ، سلام

ام الاء وسدن · 2013-12-12, 17:34

اقتباس:

المشاركة الأصلية كتبت بواسطة tayr e'chamal

السلام عليكم أختي ، بارك الله فيك و يحفظك لزوجك و لولادك، فقط حبيت نشكرك على عرضك و جهدك ،ان شاء الله نبقاو على اتصال من خلال منتدانا الرائع ، سلام

وعليكم السلام وربي يحفظك على الدعوة الشابة نشا الله ربي يقدرني على خدمتكم

rajaa mstafa · 2013-12-12, 17:47

اقتباس:

المشاركة الأصلية كتبت بواسطة ام الاء وسدن

العفو .....
كاينة تنباع عند السيبيرات والا عند اللي يبيع الباتيسري قوليلو la pate feuillte
والا عجينة الميلفاي
وادا عندك الوقت حاولي جربي كمية صغيرة راهم الاخوات شارحينها بالتفصيل
وما تخلعكش بمجرد ما تتعودي عليها جيك ساهلة وما تحبيش تشريها

مشكووووورة اختي وان شاء الله يجازيك ربي كل خير

meriem beldjoudi · 2013-12-12, 20:31

اقتباس:

المشاركة الأصلية كتبت بواسطة ام الاء وسدن

pardent ختي والله غير صبحة كاملة وانا دايرة الماراطون مع الشغل درك رانا لتهيتلك
المشكلة
العجينة
4كيلات فرينة
1كيلة ليدام ذايبة وباردة
1م كسكر كريستاليزي حليها في الماء والمزهر
صفار بيضة
ملون ابيض
قرصة ملح
الحشو
1كيلة لوز وجوز وبيستاش
ربع كيلة سكر كريستاليزي
تبلل بعضمة مع م ك ماء زهر تخلطي وتضيفيها بالتدريج اذا خصك عاودي خلطي بيضة مع مغرف ماء زهر
تكون يابسة شوية باش تقدري تعملي بيها
وباش تسهلي العمل عليك وجديهم في زوج وخليهم يرتاحو

merci walah kharjatli la3jina hayla merci bcp basah kayna haja l hachaw majach matlasek yatfartet rabi ya3tik matatmanay

ام الاء وسدن · 2013-12-12, 20:51

اقتباس:

المشاركة الأصلية كتبت بواسطة رانيا لوك

يارب يفرحك ويفرج همومك كيما راكي تفرحي فينا مشكورة
نريد تثبيت للموضوع من فضلكم

شكرااااااااااااااااااااااااااااااااااااا

ام الاء وسدن · 2013-12-12, 20:56

اقتباس:

المشاركة الأصلية كتبت بواسطة meriem beldjoudi

merci walah kharjatli la3jina hayla merci bcp basah kayna haja l hachaw majach matlasek yatfartet rabi ya3tik matatmanay

كنت رايحة نضرب طلة ونروح نرقد بصح كي قريت la repanse تاعك قلت والله نرد عليها وما نخليهاش للصباح
ياك قتلك ادا جاك يابس بزاف زيدي له البيض جابلي ربي نت خليتيه بطى وشرب كامل البيض
احنا كي نديرو كميات كبيرة للاعراس دايما في الاخير نزيدو البيض للحشو لخاطر ينشف
والا بلاك خشنتي المكسرات

مليكة01 · 2013-12-14, 14:04

السلام عليكم

كيف حالك أختي
إن شاء الله تكوني بخير .

بارك الله فيك وربي يبارك في رزقك ...ما حبيتش الصفحة تروح للأرشيف

أنا متابعة لوصفاتك وكيما قلت للأخت أم أيوب من الخدمة مانلقاش الوقت للتجريب
غير كوبي كولي عمرت كراس بالوصفات ..... في العطلة نجرب البعض

ربي يخليكم ويعطيكم الصحة والعافية وما تحرموناش من نصائحكم و و صفاتكم

كل إحترامي لك

رانيا لوك · 2013-12-14, 19:04

انا كل ما ندير تارت او مسكوتة تجيني هابطة مع العلم ما نحلش خلاص كي نعود نطيب
اليوم درت مسكوتة طابت منبرة من داخل قعدت نية ما عرفتش علاه واش نديرلها

رانيا لوك · 2013-12-14, 19:06

هذا واش نديرو بيه انا عندي كيفو بصح مكتوبة كرام ديسار

kozate · 2013-12-14, 19:12

انا عندي كريم طازجة واش ممكن نخدم بها و جزاك الله الف خير

ام الاء وسدن · 2013-12-14, 20:07

اقتباس:

المشاركة الأصلية كتبت بواسطة رانيا لوك

انا كل ما ندير تارت او مسكوتة تجيني هابطة مع العلم ما نحلش خلاص كي نعود نطيب
اليوم درت مسكوتة طابت منبرة من داخل قعدت نية ما عرفتش علاه واش نديرلها

بالاك ما كترتيش الفرينة وتاني الفور تاعك باين بلي سخون بزاف لازم يكون متوسط الحرارة
التارت والموسكوتشو يطيبو على 180دزجة وتكوني سخنتيه من قبل 10دقايق على الاقل
شوفي كي تبداي توجدس باش ديري القاطو اشعليه ونقصيلو وخليه هاكا يسخن مع الوقت قدقد