يا خويا نصيحة لوجه الله اذا راك غير قاعد و ما عندك والو روح فوت الجيش تاعك و تهنا و ان شاء الله ربي هوما يرجعوك
و الله يا خويا تضل هارب و تخسر من عمرك و تروح تدفع الدوسيات يقولك لالا و ممبع
تلقى روحك درت الروطار باطل
اتكل على ربي و خمل كابتك و سقسي مليح على الكازيرنة اللي ريلوك ليها خطرش كاين اللي تطلق اللي دخلو الاولين و كاين العكس وكل كازيرنة عندها عفسة
انا نقولك كنت نخمم كيما انت و نضل هارب لحقت الثالثة قلت الله ينعل بليس خملت كابتي رحت لبوسعادة جاب ربي الخير قعدت 24 يوم قالولي تربح
و درك راني مريح
انت اذا هو ربي كاتبلك تفوتهم والله غير تفوتهم و مانيش عارف واش اتدير و اذا ماهوش كاتبلك ربي تفوتهم و الله غير توصل ليهم و يرجعوك
اتكل على ربي و قيسوهم من ورا ظهرك
نصيحة اخوية
و عذرا على الدارجة
( تقرير عن مشاركة سيئة )، و الموجودة أسفل كل مشاركة .
2013-12-09, 14:49
العرض الشجري