الجزء 41 من واش طيبتي اليوم تحية لبنات بلادي الفحلات - الصفحة 62

*أم ثازيري* · 2013-11-25, 16:27

ريم الفلى ماتخافيش على ضمانتي ادا ماصلحتش قوليلي برك وانا نروح لإيمان نكشردها راهي جارتي ( ندير في السبه باه تشوفها هي و طومه هههه)

الأمنيات · 2013-11-25, 16:32

اقتباس:

المشاركة الأصلية كتبت بواسطة batila137

ياخاه على امنيات هاديك مقطعه او مقرطفه تخدمها بالعجينه و تقطيعها بالموس و ديريلها مرقه هادي سبي سيال للبرد و لاقريب
راهي كاينه الوصفه نتاعها في المنتدي تجي تهبببببببعل

ما بانتش لي بان ليغير حار مقطع ما تاكطليهش عندكي

ريم الفلى · 2013-11-25, 16:32

ههههه اوكي روحي ليها قوليلها جاتني فور كيما حطيتي الحمد لله هذي كي نجربها هههههههههههههه

oum ibrahim · 2013-11-25, 16:33

فعلا امنيات اليوم دار منيو مليح هو الحق كامل طيابو مليح

رياحين الجزائر · 2013-11-25, 16:33

باتيلا وليدي بصحتكم الرخسيس والمايوناز اتبان اتهبل

oum ibrahim · 2013-11-25, 16:35

بنات واش معولين للعشا انا راهي تالفتلي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

الأمنيات · 2013-11-25, 16:36

اختي نتقبل شوفي هي راها خلت شوي زيت غير باش تحطه من فوق العجين ويتشربه كي يخمر
وتقريبا الزيت 12 ملعقه ديري 10 وخلي 2معالق

natacabell · 2013-11-25, 16:37

اسرع تطبيق على الاطلاق مايونيز toma ف الحين

ريم الفلى · 2013-11-25, 16:38

انا معولة ندير تليتلي تاع ام انس عجبني بصح منعرف كي ندخل للدار ونشوف

الأمنيات · 2013-11-25, 16:39

اقتباس:

المشاركة الأصلية كتبت بواسطة natacabell

اسرع تطبيق على الاطلاق مايونيز toma ف الحين

انا قلت راكي مع العجين ونتي مع المايونيز شفتي ردي
خرجت هايله حتى انا نجربها غيرت منك

*أم ثازيري* · 2013-11-25, 16:39

اقتباس:

المشاركة الأصلية كتبت بواسطة natacabell

اسرع تطبيق على الاطلاق مايونيز toma ف الحين

هههههههههههههههههه الرقم القياسي مبروك دخولك كتاب غنيس نتاع المنتدى ههههههه

natacabell · 2013-11-25, 16:40

اقتباس:

المشاركة الأصلية كتبت بواسطة الأمنيات

اختي نتقبل شوفي هي راها خلت شوي زيت غير باش تحطه من فوق العجين ويتشربه كي يخمر
وتقريبا الزيت 12 ملعقه ديري 10 وخلي 2معالق

و الله يعطيك الصحة هي هاديك لي مفهمتهاش روح ضرك نديرها يا ربي توجدلي

ilbeldelmondo · 2013-11-25, 16:41

المطلوع هذا تقدري ديريه بالسميد او بالقمح الكامل و كل واحد و ذوقه اما تاع كسرة الشحمة انا استعملت السميد و الفرينة راهي لازمة

تقدري ماديريهاش طرية بزاف لكن الطرية يشيو فيها ثقب كي تاع البغرير و لي شادة روحها تجي أسفنجية أيضاً بثقوب صغيرة و كثيرة

خميرة الخبز تحب السخانة تعيش أيضاً في البرد لكن في الحرارة النمو يكون اسرع
إذن تقدري تحطيها قدام الحرارة مثل الفرن الفورنو الطابونة الشوفاج

اذا درتيها شادة روحها افرديها بالقلييييييل من الفرينة فقط
و اذا طرية ديري مثل الصورة

Cuvette احسن من انك تحطي عليها غطاء يثقلها و هكا تضمني وسط دافئ و فيه القليل فقط من الهواء لي تحتاجو طاطا الخميرة

طريقة الطياب كل واحد كيفاه انا ندير تاع المبتدئات

يمكن طيبيها في الطاجين او الفرن
و كي تنتفخ من مكان في الطاجين ارفعيه يدخل الهواء و تهبط التبويطة ههههه لا تثقبيها

بالنسبة لكسرة الشحمة
نقطع او نفرم البصل و الطماطم الثوم هريسة ملح فلفل اسود و كسبر و اي توابل تحبين و نضع الزيت في طنجرة و نطبخ الخليط بدون ماء مع القليل من الشحمة الغاوية حسب الرغبة و يمكن الاستغناء او استبدالها باللحم او الزيتون اي حاجة تحبيها
كي يطيب الخليط يجي كي تاع المحاجب خليه يبرد
اقسمي عجينة قرصة على ٢
افردي العجين و العجين مايكونش طري بزاف أفرديه بالفرينة او الزبدة شكل دائرة حطي الحشو على القرص ماعدا الجوانب و افردي القسم الثاني و اغلقي بيه الاول برؤوس الأصابع و خليها تتخمر
اما اذا خفتي تجيك صعيبة ديريها كي chausson كبيرة

شهية طيبة

ريم الفلى · 2013-11-25, 16:41

اقتباس:

المشاركة الأصلية كتبت بواسطة natacabell

اسرع تطبيق على الاطلاق مايونيز toma ف الحين

كالعادة سريع يا سريع جاااااااتك فووووووووووووور

*أم ثازيري* · 2013-11-25, 16:42

انا الغدا هو العشا
حقاا نسيت نقوللكم راني حرحرت باتيلو قتلتو مسكين بالهريسه و الفلفل و غطيتو و رقدتو
كي ناض دوش و ضرك خرج رأهو يبان صحصح و تنحاتلو الصفوريه نتاع المرض
و الله ناس بكري ماغلطوش في هاد الوصفه كي قالو ضربه بضربه لاgريب هههههه