لي نتزوج بيها لازم تكون عندها مقياس ومحزمة تاع ذهب

[ما فهمت والو]

المشاركة الأصلية كتبت بواسطة نور2014

يشترط هذه الشروط لو كان ببيل غيتس تجي عليه

الرجل الطماع مش محل احترام عندي
عندنا في تلمسان اللي حاب الحلال والهناء يوجد الناس الطيبة سواء عريس او عروس
المهم يكونوا ناس ملاح وولاد عائلة

السلام عليكم ممكن اختي الكريمة
لكن نقولك حاجة هادي حتى عندنا في الاول يقولك المهم يكون ناس ملاح و ولد فاميليا مليحة منبعد تبدا الشروط تخسر اللي قدامك واللي وراك

[نور2014]

المشاركة الأصلية كتبت بواسطة ما فهمت والو

السلام عليكم ممكن اختي الكريمة
لكن نقولك حاجة هادي حتى عندنا في الاول يقولك المهم يكون ناس ملاح و ولد فاميليا مليحة منبعد تبدا الشروط تخسر اللي قدامك واللي وراك

وعليكم السلام اخي الكريم
في زمننا الحاضر اصبح العثور على الزوج او الزوجة الصالحة التي تكون اما وزوجة تشرف زوجها امام عائلته والعكس ضربا من الخيال لسبب بسيط معايير الاختيار ليست سليمة يوجد ناس يهمهم الاخلاق والقيم والنسب المشرف اكيد اي اب او ام يتمنى لبنته الاستقرار وان يكون زوجها عامل حتى لا تتعب في حياتها اما الترف والغنى والبدخ صدقني مش كل العائلات عندها هذا الرأي
نعرف ناس تزوجو بالذهب المزيف فقط حتى ما يحسوش ازواجهم بالنقص تقولك راجل طيب ومحترم ومهري هو يتقي الله فيا
ما زال الخير اخي الكريم لكن المنظار غائب ههههههههههههه عند الكثير من الرجال

[ما فهمت والو]

المشاركة الأصلية كتبت بواسطة نور2014

وعليكم السلام اخي الكريم
في زمننا الحاضر اصبح العثور على الزوج او الزوجة الصالحة التي تكون اما وزوجة تشرف زوجها امام عائلته والعكس ضربا من الخيال لسبب بسيط معايير الاختيار ليست سليمة يوجد ناس يهمهم الاخلاق والقيم والنسب المشرف اكيد اي اب او ام يتمنى لبنته الاستقرار وان يكون زوجها عامل حتى لا تتعب في حياتها اما الترف والغنى والبدخ صدقني مش كل العائلات عندها هذا الرأي
نعرف ناس تزوجو بالذهب المزيف فقط حتى ما يحسوش ازواجهم بالنقص تقولك راجل طيب ومحترم ومهري هو يتقي الله فيا
ما زال الخير اخي الكريم لكن المنظار غائب ههههههههههههه عند الكثير من الرجال

سلام
كلامك صحيح اختي الكريمة لكن انا نحكي لك على قصص واقعية ممكن حدثت معي و حدثت مع ناس نعرفهم في الاول يطلبو التربية و العقل و ولد فاميليا بعدها يثقلو كاهله بالشروط اللي تخليه يكره قبل مايبدا خلاص علابالي كاين ناس ماتهمهمش المادديات مي نادرين جدا جدا

[نور2014]

المشاركة الأصلية كتبت بواسطة ما فهمت والو

سلام
كلامك صحيح اختي الكريمة لكن انا نحكي لك على قصص واقعية ممكن حدثت معي و حدثت مع ناس نعرفهم في الاول يطلبو التربية و العقل و ولد فاميليا بعدها يثقلو كاهله بالشروط اللي تخليه يكره قبل مايبدا خلاص علابالي كاين ناس ماتهمهمش المادديات مي نادرين جدا جدا

في هذا الزمن يوجد كل شيئ
انا نحكيلك عن تجارب شخصية من عائلتي قريبة ليا اتزوجت من انسان ما دفع فيها ولا سنتيم لكن الحمد لله هي متزوجة من 4 سنوات وزوجها ابن ناس مع انه بسيط ومعيشته على قدره الحمد لله لكن مجرد ما تقعد معاه تحس بأنه راجل ونص كيما نقولو وكاين العكس يدفع فيها شيئ وشويات وفي الاخر تنقلب الحياة الى جحيم لمليون سبب
من وجهة نظري انا نحب انسان يكون على قدر المسؤولية الفقر مش عيب الانسان يسعى والرزق على الله المهم الصدق
ربنا يقرب لنا الخير وين ما كان

[الحلم الجميل]

السلام عليكم
فقط بعض التصحيح في نصك المطروح
قل اصبح الذكور و ليس اصبح الرجال لان هناك فرق كبين السماء و الارض..
و عن موضوعك الرجل لا يطلب شئ و انما زوجته هي من تعرض عليه اموالها و لكن كبرياؤه يمنعه اما الذكر
فمهنته انتهاز الفرص
ليس معناه الزوجة لا تساعده و لكن النية قبل الزواج كيف هي و ليست بعد الزواج..
..و ربما طرحت موضوعك لانك قابلت مجتمع يعيش للمظاهر و لكن هناك فتيات و الله رضو باقل من القليل رغم بساطة العيشة
و لكنهم تزوجوا برجال
سؤالي لك هل تقبل على نفسك ان تكون عالة على زوجتك يعني زواج تاع طمع
ان كان كذلك فالفرص موجودة كل وقت و في كل مكان

[رانيا لوك]

ههههههههههههههه زمن العجائب

[ما فهمت والو]

المشاركة الأصلية كتبت بواسطة نور2014

في هذا الزمن يوجد كل شيئ
انا نحكيلك عن تجارب شخصية من عائلتي قريبة ليا اتزوجت من انسان ما دفع فيها ولا سنتيم لكن الحمد لله هي متزوجة من 4 سنوات وزوجها ابن ناس مع انه بسيط ومعيشته على قدره الحمد لله لكن مجرد ما تقعد معاه تحس بأنه راجل ونص كيما نقولو وكاين العكس يدفع فيها شيئ وشويات وفي الاخر تنقلب الحياة الى جحيم لمليون سبب
من وجهة نظري انا نحب انسان يكون على قدر المسؤولية الفقر مش عيب الانسان يسعى والرزق على الله المهم الصدق
ربنا يقرب لنا الخير وين ما كان

نعم اختي كاين و كاين هي من المفروض التربية و انو يكون فحل هدا هو المهم لكن الله غالب هدا الوقت يحقرو الراجل ياسر يحبو الماديات للاسف

[raouf80]

غير نصيب برك وحدة كيما نحوس عليها انا وساهل كلش......تجيب قشها وتجي....ولا تخلي حتى قشها هههههههههههههههه

[نور2014]

المشاركة الأصلية كتبت بواسطة ما فهمت والو

نعم اختي كاين و كاين هي من المفروض التربية و انو يكون فحل هدا هو المهم لكن الله غالب هدا الوقت يحقرو الراجل ياسر يحبو الماديات للاسف

هههههههههههههههههه الرجال يقولو النساء حقرونا والنساء يقولو العكس
عندي حل نعملو حملة وطنية وكل الرجال اللي حابين يتزوجو ببنات فاميلية نتاع الصح ههههههه يقولو احنا واجدين نتزوجو المهم مش تشترطو علينا كثير وشوف شحال من بنت تجي وهكذا نعرف هل المجتمع كله مادي او لا
واش قلت؟؟؟؟؟؟؟؟؟؟؟؟؟؟؟؟؟؟؟

[mounaminou]

يا لطيف ...........اللي يديرها ماوش راجل خلاص خلاص و مافهش الريحة تاع الرجال .........

[أمة الله 12]

المشاركة الأصلية كتبت بواسطة مريم الصابرة

السلام عليكم
مليحة هذي اول مرة نسمع بيها توجدلو محزمة ومقياس وتستناه هو يجي يديهم علاه هذا كامل ياخي حالة وصلينا ليها بمعنى على جال العنوسة المرا طيح بروحها للدرجة هذي يولي هو يشرط برأي لو يشرط شروط تبني باللي هو راجل ماشي أحسن من إنو يشترط امور المرا هي تشرطهم لو المرا تطلبهم تقولو مادية لكن لما الراجل يشرطهم هذي جديدة لو عندنا يدي طريحة على كلمة جا يشرط وما عندناش محزمة عندنا 10 ملاين منهم كل شي والذهب يحب يشريلها عقد او عندو ماكانش عادي اما هو يشرط والله وانا يخر من الدارنا بالطبول يعينه زرق من الضرب هو واللي جابهم معاه
اما العاملة والله يا اخي في هذي صح نهار مدو علاوات جاراتي المعلمات تزوجو بالجملة الخطاب مدابزين هههههههههه ربي يهدينا شكرا

أضحك الله سنك يا مريم, عجبتني يخرج عينيه زرق هو و اللي جابهم معاه


و بخصوص الموضوع هاذي تاع يشرط عليها هو مقياس و محزمة قالتلهم اسكتو!!!!!!!!!!!!!!! بدون تعليق

و اللي يجي هو يشرط عليا الخدمة ما يحلمش بيا في منامو كون يضل عندي 60سنة و انا في دار بابا

و حتى اذا غلطت و قبلت بيه, المرأة ماتقدرش تصبر على راجل طماع, عندي دبلوم + و بفضل شرطه سيكون لدي شهادة خبرة, يخصني غير نطيرو من قدامي و نعيش حياتي مرتاحة, لأنو هكا و لا هكا أنا راجل الدار!!!!!!!!!!!!

ربي يفرجها من عندو, كرهت فكرة الزواج بسبب هذه النفوس المريضة

[الفهد11]

اضن ان الموضوع انحرف عن مساره

المغزى من موضوعي انه كثر في السنوات الاخير هته الظاهرة والمتمثلة في تجهيز الامهات لبناتهم منذ الصغر بالذهب من محزمة ومقياس.. واغفال العديد من الامور المهمة الاخرى ..والهدف من هذا في راي كان الام تقول غير ارواحو تخطبوا بنتي عندها كلش بهذا الشكل ترفع اسهم ابنتها وتضمن العديد من الخطاب في ظل ارتفاع نسبة العنوسة في اوساط الشباب خاصتا النساء

من جهة اخرى الرجل كي يلقا مراة عندها التجهيزة وتتوافق مع رغباتوا اي تربية واخلاق وغيرها من الصفات الحميدة ...ماش راح يقول لا لا زيادة الخير خيرين مقارنتا بامراة تتلائم مع رغباتو ولاتملك التجهيزة وبالتالي راح تزيد عليه والاكيد عندو الحق في ذلك

يعني خلاصة القول من كان الرجال سابقا في مركز ضعف اصبحو الان في مركز قوة نتيجة التشراط الزائد عن اللزوم لاغلب النساء

[mounaminou]

و كيفاه يعرف قبل الزواج بللي امها مجهزتلها الدهب ...........ماش لبنات كامل لي مجهزات يقولو الاغلبة ماتهدرش ف الامور هدي مام لقريباتها و صديقاتها و حتا لخطيبها........و حتا اللي عندها ماش معناتها ماتشرطش ....كاين بنات مجهزات من كلش و يزيدو يشرطو من parure لفوق ههههه.....يعني كيما تدير ماتسلكش .........
حبيت نقوللك تاني بللي الظاهرة هدي مايش جديدة كاينا من بكري و كانو يبداو يجهزولهم من عمر صغير يعني 15 سنة تكون واجدة ......

و الي ماعندوش باه يدير خاتم علاه يدي وحدة عندها bijouterie .......ماخممش بللي مارايحش يزيدلها حتا اضافة ???? و من الاحسن يدي وحدا تزيد عليه خير ملي يدي وحدا هو اللي يزيد عليها .....

[z.abdo]

سبحان الله من المفروض الناس تشترط الاخلاق والقيم والأصل وناس تشترط الذهب والزين و العمل و وووو..............
ضاع مجتمعنا

[سليسا]

انا حسب راي الذهب ما يهم واش هو المهم التربية والاخلاق والمودة فقطوالله كان الى عندهم ايجي وقت ويخسر كلش الدراه راهم يخلاصو المهم التربية والاخلاق