كرهت ....شخص اسمو ام زوجي

[أم عيد الله ولجين]

آآآآآآآآآآآآآآآآآآآمين بارك الله فيكن زوجي عارف يقولي اصبري واحيانا يسكت خلاص

[hanadi21]

ربي يهديكي اختي

[أم عيد الله ولجين]

المشاركة الأصلية كتبت بواسطة hanadi21

اولا ربي يهديها ويهديكي انتي تاني نورمالمو ما تكتبيش على ام زوجك هكدا مادا لو كانت زوجة اخوكي كتبت فالنت على والدتك


حاجة مهمة الناس عادت لايهمها سوى يفرغو قلوبهم فالنت لي هو انتاع العالم كامل يقراه يعني شكيتي للعالم كامل ام الزوج انتاعك ونسيتي بلي الشكوة لغير

الله مدلة

اختي اصبري في العالم يوجد من هم اكثر منكي ربي يهديكي والله غير غاضتني ام الزوج انتاعك بكل صراحة

ربي يهديكم اجمعين

والله والله والله لوجيتي مكاني كان يكون كلامك شيء آخر يقول الي يدو في النار مش كيما ليدو في الماء ومايحس بالجمرة غير لكواتو
ومش رح نتمنالك تفوتي بتجربتي لكن الله لا يوريك وش راني نحس وحسبي الله ونعم الوكيل هذا اولا
وثانيا انا لم اسبها ولم ادعو لها بالشر ولم امسها في شخصها لكن التجإت لهذا المنتدى لأجد فيه من ينصحني ويواسيني والله على ما اقول شهيد
والدليل على ذلك كلامي في الاخير اعيدي القراءة اختي

[أم عيد الله ولجين]

بارك الله فيكن حبيباتي في الله والله كلامكن هداني واثلج صدري وتعرفون الكلمة الطيبة صدقة جزاكن الله خيرا

[naamane3]

اذكار الصباح والمساء تعيد الاستقرار لحياتك
فلا تدعيها ابدا

[loufa]

اذا زاد الشيء عن حده انقلب الى ضده
راجلك ساكت واهلك واش قالو وانتي هل طالبت ببيت مستقل ام لا هذا من حقك والا ستجنين قريبا لانه من كلامك لحقتي درجة كبيرة من الضغط حذاري ليجيك انهيار عصبي حاولي تلقاي حل والزمي الاستغفار وادعي ربي يفرج عليك وحطي في بالك ان الكثيرات منا مروا ومازالو يمرون بهذا الشيء
رديت عليك اول رد وبقيت نخمم فيك ورجعت حتى اطمئن عليك وربي يوفقك

[AMINA.Z]

الزوج ما يقدر دير والو هادي امو مفتاح جنتو

ربي يعطيك الصبر بدلي عقليتك حتى تلقايك اللي تريحك معاها

[أم عيد الله ولجين]

المشاركة الأصلية كتبت بواسطة hanadi21

ربي يهديكي اختي

آآآآآآآآآآآآآآآآآآآآآآآآآمين واياك

[أم عيد الله ولجين]

المشاركة الأصلية كتبت بواسطة amina.z

الزوج ما يقدر دير والو هادي امو مفتاح جنتو

ربي يعطيك الصبر بدلي عقليتك حتى تلقايك اللي تريحك معاها

كيف نبدل عقليتي
؟!!!!!!! ندير الصح وتقلي خطأ وش ندير مايعجبهاش لو نفرشلها لحرير
يعني في رايك كي تقلي خطأ ولو صح نقلها كيما تشوفي !!!!!!

[حياتي باستغفاري]

شوفي سمطيها ما تخليهاش تفقدك الثقة بنفسك اياك اياك كي ديرلك حاجة واجهيها لكن بلين بينيلها بلي غالطة رايحة تعاود الهدرة مع روحها و قادرة تندم اكيد ليها مفتاح و المهم راجلك معاك نعرف وحايد رجالتهم ضدهم الله لا يشوفك احمدي ربي و ربي يهنيك ما تخليهاش تفقدك الثقة بالنفس و تتحكم بمزاجك و الله اعصابنا نحتاجوها لولادنا و مستقبلنا ربي يهدي الجايز اللي قلبهم معمر شر و المشكلة ما يخلوش ولادهم يفيقو بنواياهم الخببثة و هي الغيرة تخدم فيهم ياما فرقو بين ازواج مهنببن مع بعض ربي يهدىهم برك ماكانش قد كل واحد و دارو

[حياتي باستغفاري]

بالنسبة لبعض العضوات راكم ما جربتوش ظلم العجايز

[حياتي باستغفاري]

مفتاح جنتو نعم لكن لا طاعة لمخلوق في معصية الخالق الظلم صعيب و الله نحطوهم في عينينا و فوق رواسينا كون يديرونا كي بناتهم

[كاميلا]

اختي ان اردت تتواصلي معايا لايوجد مشكلة رح ندلك على احسن حل باش تتجاوزي هاد الهم لا حول ولا قوة الا بالله

[أم عيد الله ولجين]

المشاركة الأصلية كتبت بواسطة loufa

اذا زاد الشيء عن حده انقلب الى ضده
راجلك ساكت واهلك واش قالو وانتي هل طالبت ببيت مستقل ام لا هذا من حقك والا ستجنين قريبا لانه من كلامك لحقتي درجة كبيرة من الضغط حذاري ليجيك انهيار عصبي حاولي تلقاي حل والزمي الاستغفار وادعي ربي يفرج عليك وحطي في بالك ان الكثيرات منا مروا ومازالو يمرون بهذا الشيء
رديت عليك اول رد وبقيت نخمم فيك ورجعت حتى اطمئن عليك وربي يوفقك

اختي في الله الله يدفع عنك كل بلاء بقدر طيبة قلبك والله حسيتك اختي صح
اهلي قليل وين نقلهم انا يتمة الاب وامي المتكلفة الوحيد بالعايلة منيش حابه نزيد عليها مسكينة رباتنا صغار ومازال وحنا كبار نحملوها مشاكلنا بزاف عليها
لم اطلب بيت لاني اعرف ردة فعله لا يحب لكن سافتح معه الموضوع حتى ولو نسكن بجنبها ونجيها نخدمها ونروح لبيتي ربما يتفهم

[كاميلا]

المشاركة الأصلية كتبت بواسطة حياتي باستغفاري

بالنسبة لبعض العضوات راكم ما جربتوش ظلم العجايز

صحيح وحدة مجربت وغير يهدروا وساعات يردوك خارجة من الملة نهار بصح كي يجربوا يوليو يندبوا بالقرداش ايه يا اختي كاين شي عجايز وخاصة اللي مازالت على ديدانها يعني ماهيش عجوزة كبيرة ومريضة رح توريلك النجوم في عز الظهر تولي تشوفي في دار باباك ومشاكلكم نعيم والله تندمك على النهار اللي زوجتي فيه خاصة النوع من العجايز الكذاب والمنافق اخطر نوع