شارك في اختيار الملكة قبل انتهاء التصويت

[فريولة ابتسام]

المشاركة الأصلية كتبت بواسطة stayfiya

وووونسوااااغ لبناات كيراكم واش فريولة قريب ديري اعلان في التيليفيزيون هههههههه ندية راكي حاطة فيها لييد و لبنات لخرين وينهم غير يدخلو يطلو برك

مساء لخير اختي سطايفية
كيما راكي تشوفي ديري اعلان ولا اقعدي يا لوكان نطبطب عليهم للدار ومايسمعوش واش تديري اختي هذا واش اعطى ربي
على كل انا اخذت قراري بلي مانزيد ندخل حتى مسابقة بالاك انا فالي ماشي مليح والتاج راني مضمونة100في100بلي ماشي مكتوبي واش ندير

[stayfiya]

ياخيتي لاااه هذا غير على التصوييت و مكانش تفاعل ؟؟؟ وراسك لعزيز اصبري على السطايفية واش ديير في خاطركم نتي و لبنات تعبكم ماراحش يروح باطل

[نور المستقبل]

مساء الخير على الجميع
ومساء النور على طاقم اللجنة
من مشرف وحكام ووضيفتنا العزيزة
بالنسبة لرقي بالمنتدى
لي افكار دائما تراودني
1 لماذا لايوجد قسم لطلبات الاعضاء
2شيئ لايعجبني بل امقته بشدة اذا فتح موضوع كموضوع طلبات الاعضاء مثلا
لا تجد النضام فيه بتاتا كل واحد ة تجيب مديلات معقدة وتطلب باترون
دائما نسأل نفسي هل يقدرو ينفذوهم ؟هل يملكون كفاءة لذالك ؟وان كانو كذالك لماذا لا نراهم في المساعدة؟ انا في الاول كنت اعتقد موضوع طلبات يعني اطلب شيئ انا في امس الحاجة اليه مثلا خياطة مبتدئة كي تسأل عمق الرقبة تستاهل الاجابة من اصحاب المعرفة انا يبانلي بهذة الطريقة تقدر كل وحدة متقدرش تروح لتكوين تابع وتتعلم من خلال المنتدى زد على ذالك تولي تعتمد على نفسها ويزول الخوف لانها عندا اللي يساعدوها
اما واحدة تروح وتقلب صفحات النت وتخير لمودال على كيفها ويقولو اذللاخت كرونو وسطايفية جابونا دبرو ريسانكم راهي معاكم خاتم سليماء
والله غير تغيضني كرونو وسطايفية يعملو مجهود كبير وكل وحدة عندها مسؤولياتها خارج المنتدى واللي يحيرني اكثر يحب الاجابة ثم ثم لا اقول الكل ولكن اعني بها البعض واكيد لمستم ذلك رأي قلته لايهمني من سيوط لي اعلم انه سينعكس عليا ولكن ازحت به مافي نفسي
3لماذا لا تعمل عملية فرز الخياطات توجد المحترفة وتوجدوالمتوسطة وتوجد تحت المتوسطة مثلا اللي عندها قاعدة في الخياطة والي متعرفش عن الخياطة سوى اسمها وفي نفسها تتعلم لكن الضروف لم تسعفها
عندنا 4فيئات وعملية الفرز تكون كالتالي
اللي متعرفش تخيط تتعلم من الفئة اللي عندها قاعدة
والفئة اللت تملك قاعدة تستلمها اللي عندهم خبرة متوسطة
اما المتوسطة اكيد راح تمشي للاحتراف من هنا كونا مدرسة فيها ابتدايئ ومتوسط وثنى والى التخرج من غير مايتعب المعلم ومن غير يكره المتعلم ويترجع من بداية الطريق
راح بهذه الطرقة تجلب زوار اكثر واعصاء جدد والاعصاء القدم راح يتمتو بنفس قوية ويكثرو في العطاء لانهم في ذاكرتهم دائما لولا المساعدات لما وصلو لهذ المستوى

[فريولة ابتسام]

المشاركة الأصلية كتبت بواسطة stayfiya

ياخيتي لاااه هذا غير على التصوييت و مكانش تفاعل ؟؟؟ وراسك لعزيز اصبري على السطايفية واش ديير في خاطركم نتي و لبنات تعبكم ماراحش يروح باطل

انا مارانيش زعفانة كي ماصوتوش عليا بصح غاضني الحال كي ماقيموش الموضوع

[stayfiya]

برافووووو نور ياو صحا عرسك ويراهي البشيشة فريولة المرة الجاين ندخل غير انا وياك في مسابقة ههههههه

[stayfiya]

اسمعو نتوما راكم ماجاوبتونيش على اسئلتي في الصفحة لي قبل لي فاتت هه طيحولي بالاجوبة ضك

[نور المستقبل]

المشاركة الأصلية كتبت بواسطة stayfiya

اسمعو نتوما راكم ماجاوبتونيش على اسئلتي في الصفحة لي قبل لي فاتت هه طيحولي بالاجوبة ضك

حاضرة يالالا حنا حسبناك نسيتي قلنا تهنينا بصح انت الله يبارك مافوتكش حاجة خليني نروح نرقد ذرك باش نفيق اصباح ناشطة ونجاوبك ادمع تمنياتي لك الفريولة وندية احلام سعيدة

[stayfiya]

بالسلامة حبيبتي احلام سعيدة

[فريولة ابتسام]

المشاركة الأصلية كتبت بواسطة stayfiya

برافووووو نور ياو صحا عرسك ويراهي البشيشة فريولة المرة الجاين ندخل غير انا وياك في مسابقة ههههههه

واش بيك هكذا واحد مايشوف فيا راهي شعبيتك بزاف كبيرة الله يبارك
انا لوكان تتنظم مسابقة نشارك فيها غير انا ومانربحش ههههههههه

[فريولة ابتسام]

سطوفة راني خيطت مونتو يهبل واحدة مالبساتوش من تصميمي الخاص في الاطلالة الجاية نشارك بيه ان شاء الله يعجبك

[stayfiya]

ههههههه لاه هدا والله راكي توب و المونتو واشمن كتان درتيلو اني نيماجيني يخرج تحفة عندك لامان الله يباارك

[فريولة ابتسام]

المشاركة الأصلية كتبت بواسطة stayfiya

في انتظار ليونة جبت من راسي شوي اسئلة نبدلو جو و نتعرفو من خلالها على شخصية كل وحدة و الاجابات راح تكون عفويه اكييد
واااش هي اول حاجة تخمي تحضريها كي تعرضي ضياف للدار
تخمي واش طيبيلهم و كيفاش تصنعي طابلتك و تفكري في تسلسل المينيو يعني مقبلات وشوربة و سلاد و...!! و تشوفي واش تحتاجي. باش تبداي تشري ..؟

نخمم على حساب الضيف اللي عرضتو اواش يبغي ياكل مثلا كي نعرض جدتي الله يرحمها نطيب لها الكسكس

ولا تخمي تروحي للاكوافيز و واش تلبسي باش تكوني بريزونطابل و كيفاش تكون طلتك هذاك اليوم

على حساب سبب العرضة اذا كانت سبوع ولا وعدة نخمم في روحي شوية واذا كانت عرضة عشاء عادي نكون كي البونيشة

ولا تفرزي الدار و تغسلي الحالة و تجبدي ماعن جدد و تركبي ريدوات و فراش محدد و نظيف و باهي
و لا ماتعرضي ماتكسري راسك و ماتستقبليهمش و يادار مادخلك شر ههه؟؟؟

اذا عرضتهم لازم عليا نتحف الدار بصح لوكان تولي ليا مانعرض مانتعب


كيما تعرفو كاين اختلاف كبير بين.الاجيال السابقة و الجيل الحالي
حسب رايكم ويناه الجيل لي عاش مليح اذكريلنا لحوايج لي يعجبوك و لي ما يعجبوكش بين بكري و ضك و انتي لوكان خيروك بينهم واش من جيل تحبي تعيشي فيه جيل زمان ولا جيل الآيفون و الآيباد (انا عن نفسي مخظرمة هههه)

لوكان كنت في الزمان تاع بكري ماراني عرفتك ايا هنا ونحبسو تشرفت بمعريفتك مانخيرش بكري


كل واحد فينا عندو اهل و صحاب و حباب لي يوقفو معاه وقت الشدة هو مايخليهم و هوما ديما يساندوه و يتحداو كلشي علاجالو كل وحدة تسميلنا 4 أشخاص او اقل لي مانساتش وقفتهم معاها و تقول هل الاصدقاء هم الاقرب ام الاهل و واش فايدة وجودهم في حياتها

ماعندي حتى واحد وصدقيني راني نقول الصح انا نعاني من الوحدة حتى لقيت منتدى الجلفة


كل وحدة تقوللنا مستواها الدراسي !!...

انا ثانوي


و هل انت مع او ضد المرأة المتزوجة والعاملة في نفس الوقت و لاكنتي مع قوليلي رايك في التنسيق بين الاولويات يعني كي تزوج من الافضل تخدم ولا تقعد في بيتها و تربي ولادها

انا نحب كي نتزوج نتفرغ لداري وولادي اذا كتب ربي

اكيد كل واحد فينا عندو هوايات كثيرة ممكن ماتكونش واظحة او مانعطيوهاش اهمية ممكن لضيق الوقت او لعدم توفر الامكانيات كل واحد يذكر اكثر حاجة تستهويه و يحب يمارسها وقت الفراغ بغض النظر لكان الهوايات هاذو عندهم عوائد مربحة كالحرف مثل خياطة او حلاقة او لكروشي او حياكة الزرابي ...إلخ او هواية ترفيهية و تثقيفية . كالرياضة بكل انواعها او القراءة
او السفر او...الخ

انا عندي موهبة في اللرسم وتقريبا العائلة كلها ومعظم وقتي في الرسم نتذكر كي كنت نقرا من الابتدائى حتى الثانوي ماكاش مسابقة نشارك فيها ومانديش انا المرتبة الاولى وشاركت حتى في زوج قناوات تيلفزيونية لبنانية وانا اللي اديت الجائزة الاولى وراني محتفظة بالجائزة الى يومنا هذا ولكن ظرك راهم يقولو الرسم حرام ابتعدت عنو قدر المستطاع ولكن مانكذبش اعليك الى حد الان كي نشد القلم باه نكتب اي حاجة تلقاي هذيك الورقة مزوقة بالرسم
وهوايت الاخرى ايضا موهبة موروثة من عائلتي وهي الخياطة كل حاجة نشوفها نقدر نخيطها ولو بدون باترون

لاكنتي من المهتمين بالحرف قوليلي واش درتي بهوايتك طورتيها معناه زدتي قريتي و ديتي ديبلوم و اتقنتي جميع جوانبها و اثبتي روحك فيها و راكي تفيدي الناس بيها و لا دفنتيها و خليتيها بينك بين روحك
الرسم قريت فن الرسم التشكيلي بصح ماكملتش كي حرام

الخياطة عندي ديبلوم بمعدل 18

جربتي مرة تروحي لملجأ ولا دار ايتام ولا دار عجزة ولا مكز رعاية مسعفة و شفتي احوال الاشخاص ثما و جربتي تقدميلهم مساعدات وزياراتك بشكل دوري و لا جامي خممتي في الفكرة هاذي أصلاً

اناعندي عائلة يتامى نزورهم لوكان تشوفيهم تحزني عليهم الاب والام ميتين العائلة متكونة من 5 بنات و2ذكور كلهم كبار ولكن 3بنات وواحد من هذان الشابان مرضى عقليا يخدم عليهم الاخ الاصغر عند الناس يعني نهار خدام وشهر عاطل اتخيلي لمعيشة

المرا بطبيعتها جميلة و تهتم بكل شي داير بيها و تحبو يكون مليح سواء دارها ولا لبستها ولا شعرها و لا شكلها و لاااا قرب عرس في لافامي و لا عيد تلقاها تجري ورا الماكياج و لي ماسك و الخياطة الجديدة و ااخر ما توصل اليه العلم (عِلم الحطة والمطة)
قوليلي واش تنصحي لبنات بحاجة جربتيها ونجحت معاك يعني كان عندك مشكل و عالجاتولك ممكن نوع ماسك للشعر او كريم للوجه

انا عندي شعر طويل جدا كي نقعد حتى انحيه باه مانقعدش فوقو والسيشوار انتاعو من عند ربي يعني حرير نغسلو بارخس انواع الشامبو زوج غسلات خلاصت القرعة هههههههههه والماكياج عمري مادرتو اما لباسي حجابي تاج راسي

و قوليلي راي الناس فيك يهمك ؟ يعني هوما يشوفوك مليحة ولا لالا وانتي ايه نتي واش يعجبك في شخصيتك (وعلابالنا الجمال جمال الروووووووح)

مادامني مقتنعة بروحي مايهمنيش رايهم بصح كي نلبش حاجة والناس اجمعو بلي ماشي مليحة اناحيها باه منلفتش الانتباه
و لي يحكم على الناس من المظهر
واش تقوليلو ايروح يداوي روحو

راني جاوبتك

[فريولة ابتسام]

المشاركة الأصلية كتبت بواسطة stayfiya

ههههههه لاه هدا والله راكي توب و المونتو واشمن كتان درتيلو اني نيماجيني يخرج تحفة عندك لامان الله يباارك

درتو بالكاشمير قوليلي عجباتك الروبة اللي خيطتها

[stayfiya]

والله غير تهبل تبان مشرية والله اني ندير في موضوع ورش جديدة ضك نخلصو

[فريولة ابتسام]

راني جاوبتك على اسئلتك