موضوع مميز الجزءالـــ33 من واش طيبتي اليوم؟؟ - الصفحة 74

الأمنيات · 2013-10-24, 14:02

اقتباس:

المشاركة الأصلية كتبت بواسطة ام لقمان02

صباح الانوار ويوم مبارك سعيد

اليوم درت لفطور لسلفتي زيدة انهار قبل الوقفة درتله العيش بالدجاج والرفيس تاع الزعتر ضروك ادهوله الزعيم

والفطور تاعي درت بطاطا بالبيض وكاين شوي شربة تاع البارح وسلطة

ربي يجازيك على الي تفكرتي سلفتك .........كي داير رفيس تاع الزعتر هادا
يعطيك الصحة

الأمنيات · 2013-10-24, 14:04

اقتباس:

المشاركة الأصلية كتبت بواسطة المبتدئة

صباح الخير يا حلوين
ام كوثر كلش متحوف وقمة الاتقان تقول خادمتهم ماشينة ربي يحفضك
ام ساجد المادلان هايل فكرتيني فيه
ام اسلام مرحبا ماتغيبيش متعينا باطباقك والمايدة تاعك دايما حاضرة بوسيلي اية غاضتني كي بكات على الكبش
جبتلكم بتي فور الغالية ام انس ربي يذكرها بالخير لكن طاحلي فالفرن واقيلا جريت العجينة خدمتو بلابوش البنة امممممممم هشوش

راه يبان مليح ........انا عندي لبوش صغيرة يجيني فيها ولا لازم كبيره ما لقيتهاش هنا كيما تاع ام ماجد

فايزة44 · 2013-10-24, 14:06

اقتباس:

المشاركة الأصلية كتبت بواسطة فريال88

اممممممممممممممممممممممممم فيوزة ماشاء الله فنانة و الله الوصفة لو سمحت برووووووووووووووقة اللمبوط رائع ممكن الوصفة و الباقي صح فطوركم موائدكم كلها تشهي

شكرررررررررررررررررررررررا فريالوووووووووووووو ربي يحفظك حبيبتي انشاء الله نحطللك الوصفة قريبا

اقتباس:

المشاركة الأصلية كتبت بواسطة أم إناس

ماشاء الله روووووعه يعطيك الصحه

شكررا ام اناس ربي يحفظك حبيبتي الغالية هذا من لطفك

اقتباس:

المشاركة الأصلية كتبت بواسطة ام ساجد

اواااااااااااه فايزة انا شاكة فيك تقراي ديكور هههههههههه

الله يبارك عليك ويعطيك الصحة يا سعد لي يديك تبقي غير تزينيلو ادوخيه المخلوق

وصفة كريات الارز من فضلك

ههه والله خجلتيني حبيبتي الغالية ام ساجد والله نجتهد من عندي فقط والحمد لله كي عجبك وشكررا حبيبتي على المجاملة ربي يبارك فيك وفي اهلك وسدد الله خطاك وراي شويا هك نكتب الوصفة ليك وللاخت فريال بكل فرح وسررررررررررررررررور

ladymillion · 2013-10-24, 14:12

صح غداكم كامل لحراير
ماشاء الله أطباق في القمة
م كوثر مقروض يشهي الله الله يعطيك الصحة
بروقة بصحتكم قاطو المحقن جاك تحفة 4444
فيوزة فنانتنا الله يبارك فحلة ماشاء الله ممكن طريقة كريات الأرز حبيبتي

ام ساجد · 2013-10-24, 14:13

اقتباس:

المشاركة الأصلية كتبت بواسطة ilbeldelmondo

امين و شكرًا ام اناس حبيبتي
حبة سكر فاجئيه لكن بالشوي لديريلو التخمة هههههه ربي يكملك اختي
بروقة هذاك الكروكي يشهي يبان مرسوم بصحتكم

يعطيك الربح طومة قتلتيني بالضحك

بصحتكم شربة الفرميسال وربي يخليلكم الوالدة الكريمة

*أم كوثر* · 2013-10-24, 14:16

اقتباس:

المشاركة الأصلية كتبت بواسطة islam1aya

ام اناس الله يبارك طيابك هايل وطريقة التقديم روووعة اعطيني من فضلك طريقتك في الكروك موسيو الخبز المي اشريتيه ولا طيبتيه في البيت

ام كوثر يا رائعة صور المقروط رايحة تنطق واووو اي وصفة تع ام رامي راكي قريب ادريلو شعر ملحون

قوليلي من فضلك ام كوثر واش درت فوق الغربية معجون ولونتيه

الروعة كلها في كلامك لي يطلع الواحد فووووووق ههههههه
لالا درت وصفتي وكالعادة بالتفصيل الممل هي

كاس سمن طري بحرارة الغرفة
نص كاس زيت
صفار بيضة

خبطيهم مليح بالباتوغ حتى تولي كريمة بيضاء
ضيفي عليها من 4 الى 4ونص كؤوس دقيق احرش تع المقروط وممكن حتى 5 حسب نوع الدقيق
وخلطي عادي مشش لازمبرؤوس الاصابع لانو مايصروالو والو ومايتعجنش

حطي الملح عينك ميانك وبلي بماء ومازهر
وخليه يرتاح شوي

الحشو
بكري كنت ندير قرفة وقرنل نفوح بيهم دك استغنيت عليهم تماما
كاين وحد لكستري تع الجيرانيوم عندو وحد الريحة هباااااااال تنسم المقروط روووعة من بعد نصور القرعة
في كيلو غرس نحط قطرتين فقط
ونرش بماء زهر وشوية زبدة ونعجن مليح حتى يطرى
نشكل عادي

الطياب ككما الغريبيه
انا نحبو ذهبي
نسخن الفرن مليح
من بعد نقص الى 160,,,,150ونحطو يطيب في الرف العلوي
كي يصفار من تحت معنتها طاب
التعسيل عند التقديم
والله كل من يدوقه يطلب وصفته

اقتباس:

المشاركة الأصلية كتبت بواسطة mimaselma

ام كوثر اعطيني الوصفة تاع البطاطا سوتيه و طاجين اللحم و البطاطا و قلولي كيفاه نطيبو في الطاجين
ويعطيك الصحة

الله يسلمك
الطاجين ادا اول مرة طيبي فيه غلي فيه شوية حليب
ديري بصلة شرائح وتوم وشويزيت ويتقلاو مليح ولازم النار هاااادية
ديري ملح وتوابل لي تحبي وورقة رند وطراف لحم وغطي
يتقلاو مليح وضيفي نص الى كاس ماءوغطي
لما يطيب اللحم ضيفي البطاطا دي غوندال وخليها تطيب وتتجمر حتى تنشف شوية وقدميه مع رشة معدنوس

اقتباس:

المشاركة الأصلية كتبت بواسطة ام ساجد

السلام عليكم مع الدخلة لقيت الخيرات تاع ام كوثر يعطيك الصحة ربي يبارك ويزيد

المقروض مالقري ما نحبوش بصح سخفني بصحتكم والغريبة ما كان لاه نهدر تحفة

حقا ام كوثلر قوليلي وين يتباع الطابع تاع الغريبة في عنابة نوصي بنت عمي تشري هولي

برووووووقة عسلامتك وين الغيبة وصح عيدك وكانش طيبات جدد

انا اليوم ملي شفت الجلبانة تاع فايزة راح تخرج فيا يقولش نتوحم واااااااااااااع

راني طيبتها كيما مالفة وزينتها على طريقة فايزة ايا قولولي رايكم جبتها ولا لالا

وسلاطة ومطلوع وتفاح ورمان والحمد لله على النعم

الله يسلمك وبصحتكم الجلبانةممممممممم
الطابع راه في ود الحانوت مقابل لgاغ
عندو كل لوازم الحلويات

اقتباس:

المشاركة الأصلية كتبت بواسطة mimaselma

تقول منكلهاش هاد لغريبية و نبقى نغصر فيها الله الله يرحم والديكم اعطونا الوصفة بالشرح الممل

راهم حطولك لبنات الرابط

اقتباس:

المشاركة الأصلية كتبت بواسطة ilbeldelmondo

حبة سكر طاجين الشواء راهو مايتشبعش جربي جربي اختي و شكرًا على الثقة
ام كوثر ابدعتي في المقروظ راح تاكليه وحدك؟؟؟؟؟؟
غدانا اليوم من أيادي أمي جاري تاع vermicelle

لاهههههههه طومة والله قريب نقضي عليه راني رايحة جاية
لوكان جيتي قريبة نديرلك ليك سبيسيال

اقتباس:

المشاركة الأصلية كتبت بواسطة بريق الامل&

درت لامبوط لقهوة لعشية

هديل تفضلي الدار حلوة بك بالاخوات ربي يحفظك

اهلا اهلا بمولاة الدار بصحتك العيدلهيه ولمبوطك يسخف

اقتباس:

المشاركة الأصلية كتبت بواسطة oum ibrahim

ماشاء الله عليكم يا الفحلات يعطيكم الصحة
ام كوثر ماشاء الله لاقوة الا بالله هذاك فن يسلم ايديك
ام ساجد امممممممم نحيتي السخفة نتاع الجلبانة ههههههه بصحتكم
ام اناس امممممم سخفتيني هذا ريجيم ؟؟؟؟؟؟
طومة الزينة امممممم على الفارميسال تشهييييي يعطيها الصحة الماما
برووووووووقة اين كنت ؟؟؟؟؟ صح عيدك و على سلامتك يعطيك الصحة على اللمبوط رووووووووعة متقون الله يبارك هذا اي وصفة ؟؟؟

الله يسلمك وربي يخليك كلك ذوق

اقتباس:

المشاركة الأصلية كتبت بواسطة فايزة44

صح غداكم كلكم موائئئئئئدكم تشهييييييييييييييي ربي يديم النعم

ام كوثر المقروووووط يهبل والغريبية اممممممممممم

بروووووووقة اللمبوط رايح ينطق واش من وصفة درتي

طومة ربي يحفظ الوالدة وربي يديم النعم اممممممممممممممممم

غدانا لابيري وسلطة بكريات الارز بالماييز والطون اممممممممممممممممم

الله يسلمك وبصحتكم انا اعطيني السلطة ممممممممم

اقتباس:

المشاركة الأصلية كتبت بواسطة الأمنيات

دايا بركوكس بالعصبان

راني مغمضة عيني بصحتكم

ام ساجد · 2013-10-24, 14:20

الف شكر ام كوثر على الرد ربي يخليك لينا ويعطيك الصحة

الأمنيات · 2013-10-24, 14:22

هههههههههههههههههه ام كوثر اعلاه مغمضه عينك ارواحي تاكلي ما تخليهش في خاطرك
صح شرحي لي هادي **كاين وحد لكستري تع الجيرانيوم عندو وحد الريحة هباااااااال**
عجبتني طريقتك في المقروض راح نعاندك ههههههههههههههه المهم شرحي لي باش نديره غدوة

*أم كوثر* · 2013-10-24, 14:24

يسلمك ام ساجد وبلامزية اختي

الامنيات والله الصراحة اكلك يشهيني منعرف علاه هههههههههه
دك نصورلك لكستري ونرجع

الأمنيات · 2013-10-24, 14:29

اقتباس:

المشاركة الأصلية كتبت بواسطة *أم كوثر*

يسلمك ام ساجد وبلامزية اختي

الامنيات والله الصراحة اكلك يشهيني منعرف علاه هههههههههه
دك نصورلك لكستري ونرجع

الله يسلمك يا زينه هاتي لي هاد الشيئ نشوفوه الديكوجال ما لقيتهش هنا وصيت عليه في وهران يجيبوه

omhadil · 2013-10-24, 14:31

اقتباس:

المشاركة الأصلية كتبت بواسطة الأمنيات

دايا بركوكس بالعصبان

الامنيات البركوكس راه يشهى بصحتك اختى

الأمنيات · 2013-10-24, 14:34

الله يسلمك ام هديل
واش راكم دايرين مع القهوة انا قاطو اللمبوط تاع بروقه سخفني امممممممممممم نحب قاطو ساك

فايزة44 · 2013-10-24, 14:34

ايييييييمنو الغالية انت الفنانة والمبدعة راني نسرق من عندك اهههههههههههه واكييييييد ضرك نحط الوصفة انتظرييييييييني

ام كوثر شكرر تفضلي السلطة بصحتك

*أم كوثر* · 2013-10-24, 14:39

تفضلي الامنيات

اكستري الجيرانيوم
عبارة عن محلول مركز من نبتة الجيرانيوم
عندو ريحة تهبل
وهو معطر للغرس عموما
في الكيلو تحطي قطرتين يرجع طعم وريحة الغرس واااااااااااااو
يستعمل للمقروط والنقاش والمبرجة ولكل حاجة فيها غرس
يمد اغياغ gو
يخليك تاكلي وتقولي اممممممممم
ان شاء الله تلقايه لايدعيو عليا اولادك هههههههه

عطرالذهب · 2013-10-24, 14:39

مساء الخير يا الغوالي
غدايا اليوم بطاطا ولحم في كيس الشواء جاو هايلين الله غالب ما رانيش نصور بورتابلي فسد راهو عند المصلح
ماشاءالله مواكلكم كامل تشهي يعطيكم الصحة
بروقة مرحبا بيك وصح عيدك وصح غداك