موضوع مميز الجزءالـــ33 من واش طيبتي اليوم؟؟ - الصفحة 67

حلم جميل · 2013-10-24, 08:50

اقتباس:

المشاركة الأصلية كتبت بواسطة islam1aya

ماشاء الله تبارك الله مالقيتش واش نقول كل حاجة بالطبع

من الكبش الواعر للحلويات للعصبانات للسلطات للزيتونات ههه

شكرا حبوبة على الثقة تسلمي راه باين جاك روووعة ومقطع هايل
ارواحي اللهنا راني حكمتك واحد المرة حطيتي وصفة تع الرفيس بصح ماشفيتش عليه اذا امكن تحطيلي طريقتك من فضلك انا انتضر الرد

hgsb3 4gd-3
السلام عليكم
الله يسلمك ام اسلام
راهي حطتلك ام ابراهيم الوصفة الله يسترها هناتني مكنتش علابالي بلي حطتها منمن

لازم الدقيق يكون سخووووون باه يذوب الزبدة وتجيك الخدمة ساهلة

بلاك نسيت مقلتش على الملح ديري شوية يبنن

كانت اممنياتي طلبت نصايح على قاطوك انا درت 500غ مرغرين و زدت في عبار السكر عجبتني عجينتو تجي رطبة وساهلة للهزان

انا كنت ندير وصفة تاعي قديمة فيها كاس حليب راهي فمواضيعي لقديمة بصح تعب شوي فالخدمة

امنياتي البلاطو درت 40على40 ديري نص لعبار برك خاطر زاكي الله يبارك

islam1aya · 2013-10-24, 08:52

ام تاج راكي كما انا تالفتلك معليش
حقة يوم الثلاثاء رحنا اخطبنا لاخي الصغير وشاف البنت وعجباتو وربي يكمل بخير وعقوبة لاخواتكم وخوتكم
ودعو لاخي الاكبر يلقى بنت الحلال لانه جاز بتجربة زواج فاشلة
المهم حطلنا واحد الخفاف خفيف ويشهي وطلبت الوصفة اذا جربتها ونجحلي نحط الصور واذا جاني عجب ماتعرفوني مانعرفكم ههههه

ام ساجد · 2013-10-24, 08:52

صباح الخيرات ام نجم خلاص دركة عرفنا نقطة ضعفك هههههههههه

حتى انا جربت عدة طرق وكلها ناجحة والحمد لله وش يعجبك في المادلان كيما دريه يخرج 4444444 وهشوش

ام محمد تاج العفو حنونتي هذا واجب

ساندي 28 · 2013-10-24, 08:53

ام تاج انا لازم نسيق اولا ومن بعد نبخر الدار هكدا الريحه تبقى وكي تبخرى اغلقي النافذه هكدا تبقى مده طويله وتاني ندير واحد المعطر يهبل تقولي بخور وريحتو تمد لبعيد حتى نمسح بيها الزجاج المرايا تولي تبرق وتطول ريحتها
شويه هاك ونصورو
من فضلك اعطيني نشوف الرابط نتاعك عندي هبرات كبار نجربهم زوجي كره من المرقه هههههه راني ندير في الخفيف برك

حلم جميل · 2013-10-24, 08:55

درت كباب ابيض راه يطيب

لبارح لعشا درت بيتزا تاع ام سراج الدين جات هايلة خفيفة و مقرمشة شوية المهم هو عجباااتو

نسيت نقولكم فقاطو ام اسلام درت معجون الكرطوس خدمتو عندي منو بزاف جا ذوق مميز

نروح نكمل الصوف تاع خروفي يعطيكم الصحة بناويت

اسماء47 · 2013-10-24, 08:56

صباح الخير
شهيتوني مع الصباح و انا راني نتوحم
حلم جميل و فائزة 444 اطباقكم رائعة
باتيلا واش راكي اتوحشتك

أم محمد تاج · 2013-10-24, 09:00

أم نجمووووووووووووو على تعطير البيت أعطيني الأسامي ولا الصور مافهمتش من هدرتك واش تستعملي؟؟؟؟ يعني الماركة هل بخوور خليجي وفي البخارة فهميني حنونة وشكر ليك
والمفور تاعي هو رابي بصلة كبيرة وراس ثوم كبير وزوج طماطمات والملح والفلفل الأسود والدواوات ونص مغرف زنجبيل مرحي ورند وعصير قارصة ولا زوج مغارف خل وشوي هريسة ممممممم ونص مغرف فلفل أحمر مرحي حار خلطيهم مليح وحطي اللحم تاعك يطول في التتبيلة كل ما يطول كل ما يتشرب التتبيلة تاعو ومبعد قطعي الألومنيوم تاعك وفرشي عليه مغرف تتبيلة وحطي اللحم تاعك وزيدي عليه التتبيلة وورقة رند في كل سهمة وأغلقي الألومينيوم وحطيه يفوووور مدة ساعتين ومبعد مممممممممممممممممم تبهرك النتيجة لحم زبدة وماوي وناشف رووووعة

islam1aya · 2013-10-24, 09:01

حلم حبيبتي صباحك بالخييير شكرا على الثقة مليح كعجبكم شفتي شحال هايل ويقطع بزاف شكرا على الرفيس يهبل رايحة نجربو في اقرب وقت

ام تاج ان شاء الله اختي تعرفي راه تعقد من الزواج لكن لازم تستمر الحياة ووالدتي كبرت وتعبت ولات ماتقدرش على المسؤولية انتاعهم لازم يتزوجو ويبنو بيوتهم

دعواتكن حبيباتي لاخي ربي يسر امورو

islam1aya · 2013-10-24, 09:04

ام نجم اعطيني طريقتك في تبخير وتعطير البيت واذا امكن الصور حبيبتي

ام اسماء ربي يطلعك على خير حبيبتي ماتدخليش هنا خير
ام تاج ومع واش تقدميه حبيبتيهل مع ارز او بطاطا

حلم جميل · 2013-10-24, 09:04

وليت نسقسي ام محمد شفت ذكا وصفتها تاع النوقة

مفيهاش لفرينة ؟؟راني نحوس على وصفات مفيهمش الفرينة و الحليب والخميرة خاطر عندي سلفي عندو مرض حساسية القمح نديرلو القاطو

عندي فرينة تاعهم بصح قاطوها يجي شاااايح و فيه شوي ريحة

اللي عندها وصفات مجربة تعطيني تعيشو

ساندي 28 · 2013-10-24, 09:06

ام اسلام روحي لقسم التطبيقات .ومبروك الخطبه لعقوبه للي مزالو ورانا نستناو في الوصفه جربت كل انواع الخفاف ومجاوش كيما ليتباعو .
ام تاج القاطو خلاصلي قدام العيد خخخخخخ خدمتو قدام الوقت وعاودت درت صابلي ام اسلام خلاص في نها رالعيد ههههه

وهدا بعثتولي جارتي شو ف الناس الي تخدم مش كي حالتي ههه بصح يابس شويه نضن كوموندي من مده

oum ibrahim · 2013-10-24, 09:06

يا صباح الانوار على ام نجمو النحلة النشيطة هههههه يعطيك الصحة يا الفحلة وينك يا ام كوثر تشوفي الحراير وحدة تطيب الغدا ووحدة تسيق و تبخر امممممممم ووحدة تغسل الصوف الله يبارك عليكم يا الشاطرات
ام نجمو اليوم رايحة ندير قاتو المعجون نتاع ام اسلام والقائمة راهي معمرة حابة ندير حلوة التاج و صابلي النيسلي و جينواز ام كوثر و و و و هههههه و بلاك كشما يجي الجديد بيناتهم نديرو بربي ان شاء الله و الحلوة نتاع العيد بححححححححح ديتها كل لعجوزتي باه نزيد نخدم هههههه
ام اسلام الف مبروك لخوك الصغير و لعقوبة للكبير في انتظار السفنج اممممممممم سخفتينا

islam1aya · 2013-10-24, 09:08

شكرا ام نجم حبيبتي رايحة نشوف في بروفايلك يا الزين وماتنسايش طريقة التعطير والتبخير

islam1aya · 2013-10-24, 09:09

شكرا ام ابراهيم ربي يحفظا

انا الصوف اغسلتها وراه نشفت بصح اخرج قلبي ههههه

أم محمد تاج · 2013-10-24, 09:11

حبيبتي حلم جميل وصفتي تاع النوقة مافيهاش فرينة وتجي روووعة حنونة وراهي في الصفحة 15 من وصفات الحراير وضرك نحوسلك كاشمة نلقالك لي قاطووو بلا الفرينة
أم اسلالالام اللحم لمفور قدميه مع واش تحبي بطاطا ولا رووووز حبة بحبة ولا معجنات انت وابداعك وذوقك
وربي يعينكم على الذراري ويهنيهم ويطول في عمر الوالدة