موضوع مميز الجزءالـــ33 من واش طيبتي اليوم؟؟ - الصفحة 53

أم ماجد · 2013-10-23, 10:27

اقتباس:

المشاركة الأصلية كتبت بواسطة أم محمد تاج

واي واي أم انووووسة لحبيبة ماتشوفيش ليا أنا نحسب على مول الغريبية ياي راسي مسوطي
صح صح قلت على مول السيليكون تاع أم رامي وجربت المايزينة بصح لصقلي ورايحة نزيد نجرب فكرة الزيت
شكرا ليك يالحبيبة موااااااااااح

هههههههههههه ام محمد روحي سوجي وانا معاك رجعنا حديث فقط

هههههههههه

<نَجْمَاتْ> · 2013-10-23, 10:29

ام محمد تاج ربي يحفظك صوريلي المول اللي درتي بيه الغريبية باش نوريه لوليدي يروه يشريلي كيفو

tokio hotel · 2013-10-23, 10:29

حبيبتى ام ماجد عندى رية وحدها ام رامى عندها موضوع عنها باش نروح نشوفو

douniadiab4 · 2013-10-23, 10:30

صباحكم ورد وفل لفحلات بلادي
طياباتكم تشهي
قولولي لبنات واش ندير راني ماتقدرش نشم ريحة البصل والثوم كيفاه رايحة نطيب لحد الان لحم العيد ماطيبتش منو قلعدة غير نقلي دبروا عليا راه زوجي غير يشنف ماقدرش يحمل حالتي

oumjiji · 2013-10-23, 10:31

صباح الحب والود انا كغير نضت وشعلت الميكرو ولقيت خبر وفاة الاخت سندس1 والله العضيم تشوكيت ان للاه وان اليه راجعون كل نفس ذائقة الموت ريحة الشحمة وبوزلوف مدايرة حالة النشاط والهمة كاش قاطو نفطر بيه ولاوالوووووووووووووووووووووووووووووووووووووووووووو ووو

oum ibrahim · 2013-10-23, 10:31

صباح الفل ام اسلام و اخيرا طل القمر كيفك ان شاء الله لاباس
من فضلك حابة تقوليلي البلا الي درتي فيه حلوى المعجون شحال الطول و العرض ؟؟؟؟ عندي البلا نتاع الفور يحرقلي القاتو رايحة نديرها في بلا اخر بصح ظهرلي كبير راني نستنى نديرها درك وشكرا

فريال88 · 2013-10-23, 10:32

صباح النور اخواتي و الله عاملين جو حلو كثير ربي يدوم المحبة و موائدكم كلها تشهي

اهلا الشاف ام رامي منورة راكي صورتي للاخت فايزة المول تاعع الوردة البيضاء لو سمحت حبيبتي صوريلي المول تاع الوردة السوداء لو سمحتي و ماعليش في اي وقت فراغ ماشي ضروري الان مانتعبكش و جزاك الله كل خير و صح فطوركم جميعا

الأمنيات · 2013-10-23, 10:37

السلام عليكم
غدايا طاجين الزيتون بالشنبنيو مع البطاطة مقلية وزدت فلفلة شكشوكة والسلاطة الحمد لله

الأمنيات · 2013-10-23, 10:38

اقتباس:

المشاركة الأصلية كتبت بواسطة omnadjem.10

نقلكم واش درت البارح والفضل يرجع لغاليتنا امن رامي لو كان غير تشوف واش خدمت اه
شوفو وقولولي
الامنيات اين انتى ههههههههههههههههههههه درتو في خاطرك

وهدي هديتى لام رامي .روعه قليله في حقو شكرا يا احلى شاف

اممممممممممممممممممممم خرج لك هايل يعطيك الصحة ...............المقروض ما يتملش منه
تبارك الله وشكر موصول للشافه ام رامي

أم إناس · 2013-10-23, 10:39

راني معول ندير ليبات مع الفرماج
العفو اختي ام محمد تاج وشكرا عى الحديث و الكلمة الطيب

أم محمد تاج · 2013-10-23, 10:48

تكرمي حبيبتي أم نور وجمانة

ام ساجد · 2013-10-23, 11:01

السلام عليكم واش راكم

ايا راو واجد ملوخية ومطلوع

sakura be · 2013-10-23, 11:08

صباااح الخير
البارح كنت طلبت كاش وصفات للكرنب والشوفلور بصح للاسف وحدة ماجاوبتني....بليز لي عندها كاش وصفة تمدهالي ...
وليت درت جريوات محشية نسيت مولاتها ولي كوت شويتهم على الطاجين

الأمنيات · 2013-10-23, 11:14

اقتباس:

المشاركة الأصلية كتبت بواسطة sakura be

صباااح الخير
البارح كنت طلبت كاش وصفات للكرنب والشوفلور بصح للاسف وحدة ماجاوبتني....بليز لي عندها كاش وصفة تمدهالي ...
وليت درت جريوات محشية نسيت مولاتها ولي كوت شويتهم على الطاجين

بلاك غير ما نتبهناش اختي .كاين وصفات للاخت رامي وام ماجد تاع الكرم والشوفلور
يعطيك الصحة حتى الكورجات مليحة

douniadiab4 · 2013-10-23, 11:14

بصحتك ام ساجد والله غير سخفانة عليها موت