السلام عليكم.اي شخص عندو طموح و اهداف يحاول انو يوصل ليهم و يحاول باه يحسن المستوى تاعو و على جميع الاصعدة و هذي حاجة ايجابية مي الحاجة الي ماشي مليحة انو ناس بزاف ولات تخمم غير في الجانب المادي برك ولاو يطبقو في حياتهم الغاية تبرر الوسيلة معنتها ندير اي حاجة المهم نوصل لواش باغية. و الانسان قبل مايدير اي حاجة لازم عليه يعرف انو هاذي دنيا ماهيش جنة و مش كل حاجة نبغوها رايحين ندوها مرات تكون الظروف اقوى منا لازم الانسان يكون واقعي باش مايتصدمش و الحاجة اذا ماوصلش ليها يقول ربي ماكتبش و مش خير ليا و مش معنتها هذا انو هاذي نهاية العالم.اما انا مانقارنش روحي بالناس سوغتو من الجهة الي نعرف انو ماشي بيدي و كاين حاجات كون الواحد يخمم فيهم راح يعيي روحو في باطل الواحد يقول الحمد الله على كلشي و الحاجة الي ديناها الحمد الله و ربي يدومها والحاجة الي ماقدرناش ندوها الحمد الله حتى و اذا كانت عند ناس وخدخرين نقول ربي يدومها عليهم و يرزقنا واش رزقهم .حاجة وحدا برك كنت نقارن روحي بيها مع الناس الي نعرفهم و هي القرايا مي نفعتني لانو كانت تخليني دايمن لازم نقرا كثر و كانت تغيضني كي نلقى واحد يقرا خيرمني والله مش حسد مي غيرة برك ههههههههه.