موضوع ممتاز في صلب مجتمعاتنا العربية كلها
وسبب اختى العولمة يعنى احنا العرب تصدمنا من الحقيقة لي يعيشو فيها الدول المتقدمة ولو حكمنا العقل قليلا وقلنا هوما علاش يحقلهم يعيشو هاك واحنا لا الجواب واضح لانو الرفاهية ليهوما فيها والنزاهة لي عايشينها من ايديهم وابتكاراتهم يعنى مخدمين عقولهم 1000/1000 مشي كيما لعرب ليهم غير لسان طويل وفلان عندو سيارة وفلان مرفه وغيرها
المهم نرجع للموضوع لو دقى معى قليلا تصيبى المراة في عصر الثمانينات وما تحت تصيبها مراة متواضعة قنوعة لخاطر في بالها مكان والو تصيبها ياربي تتزوج برك ودير عائلة وتكون ربة بيت ممتازة هدا حلمها الوحيد وتكون راضية زوجها من جانب ربها لانو رضى الزوج من رضى الرب
اما عزيزتى وقت التكنولوجيا ادا محلبهاش تلفاز يبدلها الجوال وادا مابدلهاش الجوال تخلعها النت يعنى وش رانا نشوفو ونسمعو ماتجيناش قد الشي الملموس المحسوس لي بين يدنا يعنى عالم كامل مكمل هدي الامو ر تخلى البنت بعد مايكون حلمها ربة بيت وزوجة صالحة وام قدوة للمستقبل تصيب حلمها جوال اخر صيحة وميكرو بوغتابل وسيارة وفيلا المهم تتقوعر على فلانة وعلتانة
حتى الرجال اختى الكريمة كاين صنف هاك يتبع المادة يجري وراء بنت خدامة وبنت عايلة مرفهة وبنت صاحبة مسكن وصاحبة سيارة يعنى جيل شباب في زمنا هدا جيل عججججججججججججججب
وكل واحد وجهة نظروا باش مانعموش ومانظلموش صح مكاش لي متحبش تعيش حياة الرفاهية بصح بحدود ومنطق واقعى وجميل بصح بحدود
اما من وجهة نظري انا مدا بيا يكون انسان تراس يعنى معندوش وماخصوش احيانا يصادفونا شباب في ربيع الشباب بصح تصيب عقلو رزين وكبير ب 100 يتصرف فيها كأنها 10 ملاين لخاطر انسان مسؤول والعكس تصيب شايب يكسب الملاير بصح ماهوش فاهم راسه من رجليه