الاحرار الذين نجحو بما كانو يرغبون

[مُﭔﭥسـّمہ دائمًا ツ]

انا تاني راح نعاود الباك علوم درت بيولوجي ومازالي جايرة تبلوكي ولا نقرا من الجهتين :/
هل ممكن كيفاش نتلاقاو في جروب في فايس بوك باش نتبادلو المعلومات ونعاونو بعضنا

[shy'n]

المشاركة الأصلية كتبت بواسطة Kd 35

الأول نقوللكم بلي الاحتمالات ساهلين
ثانياً. الاهتزازات والانتشارات مايدخلوش، العتبة تحبس فالأسترة
لأن الوقت والvolume horaire ما يساعدش باش توصل حتى للاهتزازات
وحتى وإذا حصلت معجزة ووصلتولهم
نقوللكم بلي ماراهمش حاجة صعيبة
يشبهوا للميكانيك يعني معادلة تفاضلية وخلاص

المشكل انه لا وجود عتبة العام الجاي

نعم 4 ساعات فيزياء في السمانة و 8 وحدات مانظنش يلحقوا و الله أعلم

بالنسبة للفايسبوك كاين قروب اسمو أحرار bac 2014
انه قروب غير نشيط نحن محتاجين الى اعضاااء

[ratil talin]

المشاركة الأصلية كتبت بواسطة kd 35

راكي قلتيها أستاذي فالرياضيات
أستاذ فالرياضيات راو ضامن 20 في الرياضيات
و 18 على الأقل في الفيزياء

كنت متأكدة انكم ستفكرون بهذه الطريقة وما لم اقله ان استاذي هذا صح يضمن 20 في الرياضيات لكنه لا يضمن اكثر من 5 في باقي المواد عدا العلوم الاسلامية من دون جهد جهيد وها انا اقولها لم يكن لديه اي وقت للتحضير بتاتا

ياخويا دير نتا واش يساعدك و واش يخرج عليك ماشي شرط تبع الغاشي

اختي انا ماشي اخ انا بنت مثلي مثلك وكما قلت الله الموفق

[Wiya Miya]

المشاركة الأصلية كتبت بواسطة abir94

انا تاني راح نعاود الباك علوم درت بيولوجي ومازالي جايرة تبلوكي ولا نقرا من الجهتين :/
هل ممكن كيفاش نتلاقاو في جروب في فايس بوك باش نتبادلو المعلومات ونعاونو بعضنا

و الله راني كيفك يا اختي درت بيولوجي و راني حايرة ادا نبلوكي ولا لالا
مي بزااااااااااف نصحوني باش منبلوكيش
ربي يوفقنا جميعا

[Ahlem MRG]

نفس المواقف لنا جميعا
وبدون تدخل اهل الخبره سنبقى في كلمه
نحن خائفون
واتفق العرب الا يتفقوا

[* طالبة الرضى*]

نتمناو من أهل الخبرة يفيدونا

لأنو تاع الصح تعبنا من التخمام

الكل يبنصحك باه ماتبلوكيش و من جهة أخرى الي بلوكاو كامل وفقوا

و لي فيها خير ربي يجيبهالنا

[MO3AD_DZ]

دراسة في جامعة و اعادة بكوريا احرار افضل دالك انك سوف تتعود على حل في رياضيات و فيزياء و كيمياء اكثر و سوف تصبح معادلات و ماسئل سنة ثالثة ثانوي سهلة جدا خاصة لمن يدرسون st ; stu snv

[* طالبة الرضى*]

أنا مدايرة رياضيات و إعلام آلي
كاين لي قالولي حاتساعدك و كايني لي قالولي تاني بلي صعيبة و جامي تقدري توفقي بينها و بين البكالوريا

تاع الصح احترت في أمري

[MO3AD_DZ]

كيفاه لا تستطيعي موافقة بينها وبين بكلوريا و انتي رايحة تقراي فيزيك و مات كلها مبني على منهج سنة ثالثة ثانوي و مواد ادبية راهي باينة العام لي فات

[chems eddin]

نصيحة من مجرب
بكالوريا 2012 13.96
بكالوريا 2013 15.94
الدي يريد ان يعيد البكالوريا فليجمد السنة ويدرس لها بجدية انا عن نفسي بدات الدرلاسة متاخرا في جانفي لانني ترددت متلكم حول التجميد .

[mica nour]

انا باكالوريا 2011
و عاودت 2012 بلاما نجمد السنة و 2013 بلاما نجمد ثاني و راني نادمة بزاااااف
هاذ العام بغيت نعاوده و نجمد العام

[Soundoussnow]

..............

[Wiya Miya]

يا جمعه أعطونا كلمه وحدة ديفوا نقول سيبو مانبلوكيش لعام لآنوو بيولوجي تعاوني مالجري فيها دروس بزاااااف و ديفوا نقول لالا نبلوكي و نتفرغ غير للباك
مي راني خايفة نتخذ قرار و من بعد نندم عليه
تعيشو يا مجربييييييين انصحونا
ربي يحفظكم جميعـــــــــــأ

[جميات اسيا]

السلام عليكم من الاحرار تحصلت في السنة الفارطة على 13.34 اعدت البكالوريا حرة وتحصلت على 16.32 لم ابلوكي العام لكنني لم اذهب نهاءيا للجامعة واكتفيت بالتحضير للبكالوريا انصحك ان تكوني جادة فيما ترغبين به وان تبداي من الان بحفض المقالات كما يجب ان تدرسي الكور وتهتمي اكثر بالرياضيات والعلوم والفيزياء وتتجنبي اخطاءك في السنة الفارطة لا انصحك بمزاولة النشاطين في ان واحد اي التسجيل في الباكالوريا والجامعة فهذا اكبر خطء لانني لا اعرف احدا فعل هذا ونجح في الجانبين بل كما يقال راح القط بالشريط يجب عليك الدراسة كل يوم ولا تضيعي الوقت كوني جادة وستتحصلين على ما ترغبين في الحصول عليه ان شاء الله اتمنى لك التوفيق

[abdou 07]

المشاركة الأصلية كتبت بواسطة soundoussnow

السبلم عليكم ورحمة الله تعالى وبركاته اما بعد :
اخوتي في الاسلام انا مثال حي امامكم فقد اجتزت محنتكم هذه والحمد لله
في بكالوريا 2012 تحصلة على معدل 15.14 وبسبب خطا في علامة الرياضة حرمت من تحقيق حلمي (دراسة طب الاسنان ) او بالاحرى كان حلمي .................. والسبب انهم في بكالوريا الرياضة كنت من الاوائل قالو لي انهم سيضعوا لي علامة 20 ولاكن فوجئة ب 16 ................ المهم كانت نقاطي في المواد الادبية لا باس بها والمواد العلمية كالتالي 19 رياضيات 15 فيزياء 15.5 علوم .............
عندما رايت التوجيهات صدمة فمن اجل 0.04 او ما يعادل 1.22 في مادة معاملها 1 راح حلمي .................... كنت نضال نبكي وندعي على اساتذة السبور ......... بعدها صليت صلاة الاستخارة شفت باب كبير يتفتحلي خيرمن الباب لي كنت رايحا ليه وشفت والدتي تقلي روحي يا بنتي ربي يهنيك............ والايام كانت تمشي ............ قررت نعاود الباك كيفكم ونبلوكي المدرسة العليا ............................. مقبلوليش لبلوكاج مي محوستش عنهم لاخطر كنت متحمسى بزاف للقرايا .............. المهم اكتوبر سجلت في الكورات بالسيف لانو فات وقتهم .............. كنت نضال نحفظ منظمة توقيتي والحمد لله ................ تعرضت لبعض الاهانات من اصدقاء كنت نخسيبهم اصدقاء فمثلا تبعثلي وحدا تقلي انا يحصراه ملي طلعت النيفو نتاعي عليك و بلا بلا بلا ............ كنت تغيضني روحي وفي نس الوقت نشكرها لانها كانت حافز ليا باش نزيد نقرى ......................... المهم فاتو الايام وجا وقت اعلان الانتيجة فوجئة بمعدل 15.02 والله العظيم غير اجتهدت على معدل 17 لقيتها 15.02 ملقيت كيفاش نوصفلكم حالتي ............. الناس لي مكانتش حابتني نلحق كامل ستشفاو فيا ............ انا بقا فيا امل ... امل في ربي سبحانوا لاني فعلا اجتهدة وقرية تحصلة غلى 18 في العلوم 17.5 في كل من الرياضيات والفيزياء .. وتشوكيت في علاماتي تاع مواد الحفظ والله العظيم غير ظلموني .................. انا وكلت عليهم ربي ..... وخليت امل في ربي ........ نهار التوجيهات وجهوني صيدلة ....... احمد الله و اشكره ........... وهنا عرفت معنى نتاع حلم لي حلمتو من بعد صلاة الاستخارة .......................

لذالك يا اخوتي نقلكم راني حاسة بيكم وننصحكم بلي ديرو امل كبير في ربي وتجتهدوا لان ربي والله ما يضيع عبادو وااللله .... انتم ديروا لي عليكم وشوفوا لي تخرجكم ........................... جزاكم الله خيرا
شكرا على الموضوع .

شكراا على النصائح و الله غير كي نشوفوا ناس مثلك تزداد امالنا في النجاح

سؤال :كيف كنت تدرسين ما هو برنامج الذي اعتمدتي عليه