الاحرار الذين نجحو بما كانو يرغبون

[Kd 35]

نحب نأكدلكم على شيىء مهم
في المحيط تاعي نعرف حوالي 15 شخص عاود الباك ومابلوكاش العام
لم يحقق أي نتيجة، حتى ان المعدل تاعوا كان أقل

[sirajeddine17]

ربي يوفقكم لما فيه خير

[Dr.NaJi]

انا ديت العام ليفات 14.17 ش ر و العام هذا 15.06 و اديت طب و الحمد لله ..

ننصحك بتجميد السنة و التفرغ للبكالوريا -* مثل ما فعل انا يعني --*

و الجد الجد الجد ... لان بكالوريا الاحرار ليست سهلة .

و الله ولي التوفيق

[sabrinasoso]

kd 35 men fadlk jawbni hnaya
kifach sajlt w wa9tah ya3ni octobre wala wa9tah w wach fih dossier
w 9oli li maydirouch sport ka a7rar wach ydirou

stp

[ratil talin]

يا الاخوة علاه ترهنوا مصيركم؟؟؟؟؟؟انا كنت علوم تجريبية واذا كتب المكتوب نسجل باك حر شعبة رياضيات ان شاء الله
استاذي في الرياضيات جوز الباك معانا العام هذا ومعدلوا كان ماشاء الله بالرغم انه لم يتفرغ للمراجعة لاهتمامه بالاقسام النهائية
انا ان شاء الله ما نبلوكيش العام يكفي ان ننظم وقتنا والباقي من عند الله

[dabla]

انا ان شاء الله رايحة نبلوكي العام
لخاطر التوفيق بين الجامعة و الباك صعب بزاااف
خاصة اذا ماكنتش حاب واش راك تدرس تبقى مشتت
و كل واحد و نظرته الخاصة

بالتوفيق للجميع

[shy'n]

المشاركة الأصلية كتبت بواسطة ratil talin

يا الاخوة علاه ترهنوا مصيركم؟؟؟؟؟؟انا كنت علوم تجريبية واذا كتب المكتوب نسجل باك حر شعبة رياضيات ان شاء الله

استاذي في الرياضيات جوز الباك معانا العام هذا ومعدلوا كان ماشاء الله بالرغم انه لم يتفرغ للمراجعة لاهتمامه بالاقسام النهائية

انا ان شاء الله ما نبلوكيش العام يكفي ان ننظم وقتنا والباقي من عند الله

ياخويا دير نتا واش يساعدك و واش يخرج عليك ماشي شرط تبع الغاشي

المشاركة الأصلية كتبت بواسطة dabla

انا ان شاء الله رايحة نبلوكي العام
لخاطر التوفيق بين الجامعة و الباك صعب بزاااف
خاصة اذا ماكنتش حاب واش راك تدرس تبقى مشتت
و كل واحد و نظرته الخاصة

بالتوفيق للجميع

نتيا نتمنالك يقبلوك في طب اسنان باش ماتظطريش تعاوديه

[هنا محلو]

المشاركة الأصلية كتبت بواسطة shy'n

انا تاني العديد نصحني مانجمدش
لكن مع الاحتمالات و الاهتزازات و الانتشارات لي جامي سمعت بيهم مستحيل نقراهم وحدي و زيد نقرا في الجامعة
راني عارفة روحي مش قادرة

كل واحد يشوف روحو ادا قادر ولا لا

واش من اهتزازات ؟

و الله يا جماعة انا مش قادرة نتاخد القرار مع اني ابي لم يقبل لي بتجميد السنة و انا حااااااااااااائرة

[shy'n]

المشاركة الأصلية كتبت بواسطة هنا محلو

واش من اهتزازات ؟

و الله يا جماعة انا مش قادرة نتاخد القرار مع اني ابي لم يقبل لي بتجميد السنة و انا حااااااااااااائرة

شوفي الكتاب لمدرسي و شوفي البروغرام تلقاي الاهتزازات

ربي يكون في عونك حاولي جاهدة

[هنا محلو]

ماكانش في البرنامج للعلميين راح تعاوديه رياضيات انتي ؟؟

[shy'n]

لا علمية

راني متأكدة كاين في البرنامج

[laflor]

ana thani rani 7aba nebloki l3am w n3awed lbac nchalh w rabi ykoun m3ana

[Kd 35]

المشاركة الأصلية كتبت بواسطة sabrinasoso

kd 35 men fadlk jawbni hnaya
kifach sajlt w wa9tah ya3ni octobre wala wa9tah w wach fih dossier
w 9oli li maydirouch sport ka a7rar wach ydirou

stp

سجلت في نهاية سبتمبر
كي فتحوا الموقع
روحي سقسي في لاكاديمي على المكان اللي يسجلوا فيه
الملف : الورقة اللي تطبعيها + شهادة ميلاد
نسخة بطاقة تعريف + 5000 دج هذوا اللي راني متذكرهم
بخصوص الرياضة تقدري ديريها كيما تقدري تديري ديسبونس
أنا درت ديسبونس عند طبيب بصح لازم يكون طبيب محلف

[Kd 35]

الأول نقوللكم بلي الاحتمالات ساهلين
ثانياً. الاهتزازات والانتشارات مايدخلوش، العتبة تحبس فالأسترة
لأن الوقت والvolume horaire ما يساعدش باش توصل حتى للاهتزازات
وحتى وإذا حصلت معجزة ووصلتولهم
نقوللكم بلي ماراهمش حاجة صعيبة
يشبهوا للميكانيك يعني معادلة تفاضلية وخلاص

[Kd 35]

المشاركة الأصلية كتبت بواسطة ratil talin

يا الاخوة علاه ترهنوا مصيركم؟؟؟؟؟؟انا كنت علوم تجريبية واذا كتب المكتوب نسجل باك حر شعبة رياضيات ان شاء الله
استاذي في الرياضيات جوز الباك معانا العام هذا ومعدلوا كان ماشاء الله بالرغم انه لم يتفرغ للمراجعة لاهتمامه بالاقسام النهائية
انا ان شاء الله ما نبلوكيش العام يكفي ان ننظم وقتنا والباقي من عند الله

راكي قلتيها أستاذي فالرياضيات
أستاذ فالرياضيات راو ضامن 20 في الرياضيات
و 18 على الأقل في الفيزياء