وصفة الكارانطيطا عاونونييييييييييييي

doudou belle · 2013-08-24, 23:02

مساء الخير عليكم كاملين واش حوالكم و الله غير توحشتكم و عندي شحال ماشاركتش بموضوع بصح اني موجدتلكم حوايج بزااااااااااااااااااااف بصح اليوم اني جيت نطلب طلب و نتمنى تعاونوني خاصة بنات الغرب
الي تعرف فيكم طريقة إعداد الكارانطيطا خويا رح يهبل عليها و حبت مرتو تجربهالو بصح للأسف حنا من الشرق و منعرفوش كيفاش تندار و علابالي نتوما لي تعاونوني
ايا الفحلات اني نستنى فيكم اليوم
بالسلامة.

sofia8085 · 2013-08-24, 23:39

المقادير:

200غ كارنطيطا
1لتر ماء
كاس آتاي زيت
2 بيض
ملح وفلفل اكحل و كمون

التحضير:

نضع الكارنطيطا في وعاء

نضيف الماء نقصي شوية من 1 لتر ماء

نضيف البيض

نضيف كاس آتاي زيت

نضيف الملح والفلفل اكحل والكمون

نفرغ خليط الكارنطيطا وندخله الفرن من تحت وكي تشد روحها نشعلها الفور من فوق

وهذه بعدما خرجت من الفور

شهية طيبة ان شاء الله تجربيها ورجعيلي لخبر

doudou belle · 2013-08-24, 23:51

اووووووووووووووووووووووووووووووووو شكرا شكرا اختي تعيشي ربي يعيشك و يعطيك واش تتمناي و الله فرحتيني عندنا شحال نحوسو عليها

louisa20 · 2013-08-25, 12:14

للتصحيح فقط 250 غ حمص ( الكران ) + 1 لتر ماء + ملح حسب الرغبة خلطي مليح حتى يذوب الحمص و خليها حوالي نصف ساعة . من بعد في صحن اخر خلطي مليح 2 حبات بيض و كاس شاي زيت اضيفهم للخليط الاول ثم اضيفي 1 levure و خلطي مليح و دهني سنيوه و فرغي الخليط و مباشرة للفرن مسخن مسبقا الكمون و الكروية بعد ما تطيب ذري عليه شوية حسب الرغبة و هي سخونة و بالصحة و الهناء

fatiha83 · 2013-08-26, 11:59

الله إيبارك روعة

doudou belle · 2013-08-26, 17:25

ربي يخليكم ليا يا رب شكراااااااااااااااااااااا

طهراوي ياسين · 2013-08-26, 17:28

اقتباس:

المشاركة الأصلية كتبت بواسطة sofia8085

المقادير:

200غ كارنطيطا
1لتر ماء
كاس آتاي زيت
2 بيض
ملح وفلفل اكحل و كمون

التحضير:

نضع الكارنطيطا في وعاء

نضيف الماء نقصي شوية من 1 لتر ماء

نضيف البيض

نضيف كاس آتاي زيت

نضيف الملح والفلفل اكحل والكمون

نفرغ خليط الكارنطيطا وندخله الفرن من تحت وكي تشد روحها نشعلها الفور من فوق

وهذه بعدما خرجت من الفور

شهية طيبة ان شاء الله تجربيها ورجعيلي لخبر

الله يعطيك الصحه
شكراا

oum radja · 2013-08-26, 19:10

كنت رايحا نعطيك وصفتي بالصح ماعليش
المهم من اهم اسرار الكرانتيكا انك تغربلي الحمص المطحون باش تجي رطبة
ونزيدك السر الثاني شعلي عليها الفرن من فوق برك باش ما تجيش ناشفة
هاذ الاسرار جبتهم من محل مختص في الكرانتيكا

zoukhasm · 2013-08-27, 21:38

ya3tik saha

سوسو35 · 2013-08-28, 23:33

لكي لا تلصق في البلا دهنيه باللزيت و دخليه الفرن مشعول 5 د ثم خرحيه و خليه يبرد ثم حطي الكران الي خلطتيه بالباتار

s@r@h11 · 2013-08-29, 20:36

حنا نديرو 250 غ حمص مطحون تخلطيه مليح مع لتر و ونصف ماء بالباتور و تزيدي كاس شاي زيت و شوي ملح و شوي فلفل اسود و حبة بيض و 3 او حسب ما تبغي فرماج لا فاش كيري مقطع مربعات و تخليها نصف ساعة ترتاح و مبعد درويها في بلا مدهون و تدخلي للفور و تخليها تطيب اقل من ساعة
مممممممممممم تجي رطبة و بنينة
لبارح درتها وهادو تصاور