تجْربتِي مَع بكَالُوريَا الاحْرَارْ،يَتَحَققُ المُسْتحِيل بالصَبرِ وَالاصْرَار

[Flora Gucci]

المشاركة الأصلية كتبت بواسطة سوسو95

ماشاء الله عليك ربي يحفظك صراحة عزيمتك حديدية ماشاء الله لاقوة الا بالله لا ادري ما>ا اقول اعجز عن النطق اتمنى لك التوفيق في مسارك الجامعي ربي يكملك بالخير وتخرجي بصح انا داوني باطل ها هتفاهمناهههههههه

السلام عليكم
شكرا اختي ربي يهنيك ، شكرا على مرورك العطر
ههه ان شاء الله ، يدعولي ان شاء الله تكمل و نداويكم كااامل باطل

المشاركة الأصلية كتبت بواسطة Wiya Miya

أختي Flora Gucci كي قريتي باك حرة لخطره الأولى كيفاش كنتي ديري ؟؟ قصدي كي كونتي تقراي بيولوجي كيفاش كنتي توفقي بينها و بين الباك ؟؟ و ليمن كنتي تمدي أهميه كبيرة لبيولوجي و لا الباك ؟؟؟ و كيفاش جاتك بيولوجي سهلة و لا صعيبة ؟؟ و يكفيك الوقت باش تريفيزي للباك كي تولي للدار (من الجامعة)؟؟ و كنتي ديري دروس خصوصية ولا لالا ؟؟؟
سمحيلي سمحيلي سمحيلي و الله راني خايفة شوية .. خفت نديع عامي و ما نفلحش فالباك علابيها كترت عليك الأسئلة
ان شاء الله مانكونش عييييتك
ربي يحفظك اختي

السلام عليكم
شكرا على المرور اختي
في اول عام ليا في الجامعة و زيد معا الباك + الاقامة الجامعة و همها + هم النقل الجامعي يوميا 30د-40د ذهابا و ايابا ... مكنتش عارفة كيفاه نسير اموري تخطيطي لم يتطابق مع الواقع اطلاقا بديت نخفف تركيزي على البيولوجي وليت منحضرش الكور ، نحضر غير الـTD + TP يعني لوكان تصيبي متحضريش كامل ليكور ، احضري غير لي مفيدين صح
، مثلا حنا عندنا في باتنة الي يدير الكور تاع Bio-cellulaire مشي مليح خلاص متفهميلو والو تضيعي الوقت برك بصح lprof الي يدير الكور تاع Bio-végétale هايل و الكور تاعو صح ما يتراطاش على خاطر حصة تاعو مفيدة بصح انا الحق كنت نراطيه على خاطر كنا في deuxième semestre و كان الباك قرييب ، مي هكاك و كي وصل الكونترول تاعها قريتها قبل بليلتين و طلعت الmodule بـ12
الوغ نتي مع début سقسي مليح على احسن الاستاذة و الي الكور تاعهم يفوت مليح و احضريلهم
المهم انت احضري غير 2 كور ولا 3 المهمين جدا و الباقي راطيهم و روحي ريحي شوي و ديري برنامج مرارجعة للباك
انا اختي صراحة كنت نعطي اولوية للباك على خاطر هو فرصة واحدة لا تعوض بينما الدراسة في الجامعة فيها rattrapage
يعني كاين فرصة للتعويض
+ حاولي تشاركي مليح في حل التمارين في TD + احضريهم ديما ، خاطرماه النقطة تاع التيدي تحسب فيها المشاركة و الحضور و كي تجيبي نقطة مليحة في التيدي تقدري تكومـpونصي بيها la note تاع الكونترول
و حتى TP تاعك اخدميهم مليييييح و باتقان باه تدي نقطة مليحة و تتهناي
هذا على واه لازم تعتمدي الحضور و المشاركة في TD + TP خاطرماه يطلعوك
وقت الكور راجعي فيه للباك اذا حبيتي حتى تراجعي في مكتبة الكلية انسب مكان لانه هادئ جدا و Bien équipé