السلام عليكم مساعدة

[Nadou20]

السلام عليكم اريد مساعدتكم انا فتاة في سن 17 من العمر اعيش في عائلة متدينة و الحمد لله لكن المجتمع لاحول و قوة الا لله اوهبني الله الجمال و الصحة و العقل و الدكاء و كل شيء الحمد لله و انا شاكرة لله مند حوالي 12اشهر تحجبت بالحجاب الشرعي و اهلي لم يرغموني على شيء بل انا و ذلك لاني لم اكن مرتاحة و كنت دائما في قلق كبير في البداية لم اكن مقتنعة يعني قبل ما ارتديته و لكن بعد مشاهدتي للكثير من الشرائط باليوتوب و منهم مصطفى حسني و لكن مشكلتي و هي انو مازلت غير راضية عن نفسي لا اشعر بالخشوع في صلاتي و ثانيا قبل التوبة كنت مصاحبة لاحد منذ 3سنين لم يحدث بيننا شيء هو يحبني بصدق و يحترمني عمره اكبر مني بسنه من عائلة محترمة و يصلي في المسجد و حافظ 3احزاب ماشاء الله و علمني دروس كثيرة في الدين و يساعدني في الدراسة و صدقا هو من قال لي عن الحجاب حبنا صافي و شريف و الله يشهد عن دلك و يريد التقدم لخطبتي حينما الله يرزقه ننصح بعضنا كثيرا و خصوصا اننا نعيش في مجتمع لا علاقة لهم بالدين اريده ان يكون زوجا لي مستقبلا و اريد التوبة الكاملة لكنني لا يمكنني الاستغناء عنه و لقد حاولت 3مرات تعبت

[naamane3]

[ اريد التوبة الكاملة لكنني لا يمكنني الاستغناء عنه

تناقض كبييييييييييييييييييييييييييييييييييييييييييييير
اما هذه أوتلك
وانا أقول لك كما قال رب العزة في كتابه الكريم
{ ‏وَمَا عِندَ اللَّهِ خَيْرٌ وَأَبْقَى لِلَّذِينَ آمَنُوا وَعَلَى رَبِّهِمْ يَتَوَكَّلُونَ‏ }
والله المستعان

[مريم الصابرة]

السلام عليكم اختي
انا ما نلومك ما نقولك لا حلال ولا حرام نقولك بلغيه يتقدم ليك لأنو تقولي يعرف ربي وحافظ الأحزاب ويعرف ربي يكون يعرف حديثك معاه واش فيه إقطعي علاقتك بيه حتى يتقدم يخطبك موفقة

[بشـرى]

A9t3i 3ala9tek m3ah w nhar ywajad roho raho yji ida kan maktoubek

[samira135]

يا خاااااااه في عمرك 17 سنة و انتي معاه عندك 3 سنين !!!!!!!!

[amine9mm]

التوبة الناقصة لن يقبلها الله اذا اردتي توبة نصوح اقطعي العلاقة وابداي يلبس حجابك
واخطيك مل شكيل نتاع الاطفال

[hakeem]

دينك بينك و بين ربي فلا تنتظري شيئا من بني البشر و اعتقد ان الشخص المتدين دائما يعتقد انه مهما فعل يعتبر نفسه مقصر أما عن العلاقة فهي علاقة غير شرعية مغلفة بالنصح و الحجاب و الصلاة وووو و الشخص الذي انت على إتصال معه هو عشيق لا يقبله لا ديننا و لا اهلك و لا المجتمع

من فاضلك يا آنستي الفاضلة التي تدعي الذكاء هل والدك قبل بهذا الرجل زوجا لك أم ان والدك لا قرار له و ما هو إلا خضرا فوق عشاء و قدومه بعد إتفاقك مع عشيقك حضورا شكليا ؟؟؟؟ ثم لماذا ولي الأمر ركن من أركان الزواج ؟؟؟؟؟ و هل ديننا أقره شكليا فقط أم لأن لديه دور ما في مرحلة إتخاذ القرار و مساعدة إبنته حتى تحفظ كرامتها و حقوقها و لا تكون لعبة في يد الزوافرة و الحيوانت البشرية .... ضعي نفسك في مكان اهلك ؟؟؟ تضحية وووووو و في الأخير تجيبلك بنتك كاش زوفري كعشيق و تقلك خطيبي

ثم كل الكوارث كانت بإسم الزواج و أحبه و يحبني و هو ناوي يخطبني و أنا نصلي و انا فوووور و آنتيك و عقلية متدينة

راكي أديري في حاجة خاطئة فلا داعي لزخرفتها باش ما تعاندكش وحدا اخرى و تدي ذنوبها

ربي يهديك كون نعرف بنتي أدير كيما أنتي اتبرأ منها نهائيا

[ياسمين20]

مدام مدين خلاص عادي اقبلي بيه

[wafa16]

ادا كنتي صح تايبة كنتي اول شيئ اديريه تقطعي علاقتك معاه لانها حرام
ثانيا المجتمع لا علاقة له بالدين على اساس نتي الدين عندك و حبس علابالك بالي اللي راكي فيه متبرجة بالاك ماتديروش و تحترم روحها و عايلتها و ما تديرش علاقة مع شاب و اعرف منهن الكثيرات و الا باش الدين يبان لازم تحكمو غير على المظاهر
نقولك الصراحة يضربني 70جن كي نشوف وحدة دايرة حجاب شرعي و خيمارها يتكركر للارض و تكلم شاب في الهاتف و الا تخرج معاه
يعني تامني بواش يساعدك و تخلي اللي ما يساعدكش راكي تشوهي في الزي اللي راكي لابساتو
ادا صح راكي متدينة كيما راكي تحكي اقطعي العلاقة معاه حتى ادا كانت عبر الهاتف برك و حتى ادا كان متدين و حافظ 60حزب ماشي 3 برك الدين تاعو يقولو كلم امراة اجنبية عليك و حبها ووعدها بالزواج و الا كلام القران لا يجاوز الحناجر
ما تطبقوش واش فيه??????????????
ربي يهديكم

[hakeem]

المشاركة الأصلية كتبت بواسطة wafa16

ادا كنتي صح تايبة كنتي اول شيئ اديريه تقطعي علاقتك معاه لانها حرام
ثانيا المجتمع لا علاقة له بالدين على اساس نتي الدين عندك و حبس علابالك بالي اللي راكي فيه متبرجة بالاك ماتديروش و تحترم روحها و عايلتها و ما تديرش علاقة مع شاب و اعرف منهن الكثيرات و الا باش الدين يبان لازم تحكمو غير على المظاهر
نقولك الصراحة يضربني 70جن كي نشوف وحدة دايرة حجاب شرعي و خيمارها يتكركر للارض و تكلم شاب في الهاتف و الا تخرج معاه
يعني تامني بواش يساعدك و تخلي اللي ما يساعدكش راكي تشوهي في الزي اللي راكي لابساتو
ادا صح راكي متدينة كيما راكي تحكي اقطعي العلاقة معاه حتى ادا كانت عبر الهاتف برك و حتى ادا كان متدين و حافظ 60حزب ماشي 3 برك الدين تاعو يقولو كلم امراة اجنبية عليك و حبها ووعدها بالزواج و الا كلام القران لا يجاوز الحناجر
ما تطبقوش واش فيه??????????????
ربي يهديكم

متدينين و كي تبان المصلحة يذبلو عينيهم و يسمو بسم الله و من بعد كلش يجوز .... بعض الناس يكذبو على رواحهم و يآمنو

قاتلو متدينة و هي عايشة قصة عشق و هيام حرام في حرام

[أم عابد]

لاحول ولا قوة الا بالله، عمرك 17 سنة في علاقة غير شرعية منذ 3 سنوات متدينة و تلبسي حجاب شرعي و الشاب متدين و حافظ لثلاث احزاب ياريت يطبق واش حفظ و يتوب و توبي توبة نصوحة و الله يهدي بناتنا و ابناءنا