مساعدة لبنت راح تعمل الحلويات لاول مرة

sarsori18 · 2013-07-25, 01:38

السلام عليكم لبنات و صح رمضانكم

انا قررت هذا العام نعمل حلويات العيد لاول مرة

للعلم ان عمري 16 سنة و معرفتش واش نختار

حبيت حاجة بنينة و شابة خاصة ان بنت خالتي دخلت تدير دروس تع حلويات في هذا الصيف و هي فنفس السن ديالي و الكل راه مستني يذوق الحلويات لي راح تعملها للعيد اذن قلت مام انا لازم نخلعهم في العيد

كرهت من امال دارت و امال عملت

ايا خياتي عاونو ختكم الصغيرة بوصفات ساهلة بنينة و شابة

sarsori18 · 2013-07-25, 01:57

اين انتم علابالي راح تقولولي شوفي في المنتدى بصح معنديش تجربة و مراحش نعرف الى يجي بنين ولا لا و مراحش نعرف اذا ساهل

no_r · 2013-07-25, 03:14

مساء الخير وصحا فطورك
شوفي ما تخمي ما والو انا تاني كنت كيفك وكانو خواتاتي يعايروني كيفاه انت طفلة وما تعرفيش تصنعي القاطو كلاتني في قلبي وحوست على الغوسات الى موحال ما تنجحش بديت ببوسو لا تمسو هادا تاني يخرج شباب والى جربتهم من هاد المنتدى ونجحو لى حوسي غير هنا على *-*قاطو النيسلي للأعراس والمناسبات هشوش و بنين امممممممممم من مطبخي*-* تع ام اياد احمد امين
خرج لى روعة ديري غير كمية صغيرة وشوفي انا درت بعبر 250 زبدة جاتني 66 حبة
وتاني وصفة جديدة للتشاراك بالعجينة السحرية رووووعة تع ام اماني تاني اعبري غير بفنجال تجيك عجينة صغيرة باه ما تيياش وتكرهي وغير ينجحو لك الوصفات يبدا يطلع لك المورال ايديها من عندي
هادا واش تفكرت لك دركة نروح نتسحر
شوفي جربي وردي لي الخبر والله كتبت لك و تمحات لى راني نعاود فيها
تهلاي حنونة باي باي

أم بدر الدين · 2013-07-25, 04:26

شوفي قسم الحلويات فيه وصفات روعة وسهلة جدا خاصة لتحطهم ام اماني بالتوفيق

امال ق · 2013-07-25, 08:50

نصيحتي ابداي بالحلويات الي ما طيبش زي كحلوشي اللي ما يطيبش وحلوة لبنيون او بعدها توسعي للوصفات اللي اقترحتهم عليك الاخت نور مشكورة

همس الاحساس · 2013-07-28, 01:33

المقادير – 4 بيض – رطل فرينة-كاس متوسط سكر – كيس خمارة -1 فاني -250زبدة طرية
التحضير / الزبدة + السكر والفاني نخلط حتى يدوب السكر + البيض + الفرينة والخمارة تدريجيا حتى نتحصل على عجينة طرية
-نشكلها كريات صغيرة في كرة كرة نضع قطعةحلقومة صغيرة ونعيد تكوير الحبة
-نضرب بياض البيض كالثلج نمرر الحبه فيه ثم في النواد كوكو
- نضعها في صنية والى الفرن
لمل تطيب نطليها بالمربى ونرمدها مرة اخرى في النواد كوكو ونزينها بالنصف حبة كرز ***سوغيز ***
نضعها في صحون ورقية
وهدا شكلها من الداخل

شوفي هاد الوصفة راني حبيتها و مزال مجربتهاش و راني نقلتها على الاخت الوهرانية 1 و يظهرلي ساهلة و تخرج بنينة .و متنسينيش من صالح دعائك

ملكة النت · 2013-07-28, 11:54

شوفي وصفات الأخوات كلها شهيه وطيبه والله انا تعلمت منهم الكثير جازاهم الله كل خير ...........................

sarsori18 · 2013-07-29, 01:18

شكرا لكن راح اندير التشاراك تع ام اماني و نزيد انشوف على حاجة اخرى

zineb_saib · 2013-07-29, 02:41

ديري الصابلي ساهل ويحبوه الناس
وديري قاطو ميطيبش باش يجيك ساهل تاني وكوراج حبيبتي انا بديت بالصابلي كي كنت مثلك ولحد الآن منستغناش عليه
250 غ مرغرين اخفقيها ملسيح مع نصف كاس سكر بالباتور حتى تبياض ومن بعد زيدي 2 صفار وخلطي مليييح وزيدي باطة نشأ ونصف كيس خميرة وشيحي بالفرينة بصح متكثريش