ماهي مواصفات الرجل المثالي...

[زوبير18]

المشاركة الأصلية كتبت بواسطة ميمي سمية

ايييييييييييييه حتى هذي زدتو خرجتوها جديدة راني نسمع فيها هذو الايام

المراة السمينة نزوج عليها لخاطر *لن تكون اما*

هههههه المشكل تاعك أنك كل شي سمعتي عليه ولا حاجة شفتيها بعينيك
نعطيهالك من عندي المرأة الأصيلة تاج فوق راس الرجل و يحافظ عليها حتى لو كانت أبشع الخلق فهي أجملهم في عينيه
كاين زوج أنواع من النساء
الأولى تدخل الدار تفرق الأهل و تشتت العائلة و العياذ بالله
و الثانية تجمع الشمل و تصل الرحم و هاذي تعيش سلطانة عند راجلها و ناس راجلها و الكل يحبها
الظاهر مازال لعمر قدامك طويل يا أخت ميمي باش تعرفي خبايا و أسرار الرجال و عقلية الرجال
و ليس كل الذكور رجالا

[ميمي سمية]

المشاركة الأصلية كتبت بواسطة زوبير18

هههههه المشكل تاعك أنك كل شي سمعتي عليه ولا حاجة شفتيها بعينيك
نعطيهالك من عندي المرأة الأصيلة تاج فوق راس الرجل و يحافظ عليها حتى لو كانت أبشع الخلق فهي أجملهم في عينيه
كاين زوج أنواع من النساء
الأولى تدخل الدار تفرق الأهل و تشتت العائلة و العياذ بالله
و الثانية تجمع الشمل و تصل الرحم و هاذي تعيش سلطانة عند راجلها و ناس راجلها و الكل يحبها
الظاهر مازال لعمر قدامك طويل يا أخت ميمي باش تعرفي خبايا و أسرار الرجال و عقلية الرجال
و ليس كل الذكور رجالا

ههههه لالا كلشي سمعتو جامي شفت بعينيا {صرااااااااااااحة}

يالطييييييف من النوع الاول

ربي يخلينا من النوع الثاني

ايه عندك الحق

ليس كل الذكور رجالا

[زوبير18]

المشاركة الأصلية كتبت بواسطة ميمي سمية

هههههه لالا ماقستنيش في الصميم

الصح انا طفلة مشاغبة

مي مع الوقت لاحظت روحي بلي المشاغبة تنقص وحدها

وعلاه قلت *اللي في قلبك ميمي الظاهر تختلف عن ميمي الباطن*

المشاغبة تنقص وحدها لأن العمر يزيد كل ما كبرتي كل ما عقلتي

و ميمي الظاهر تحاول تبين شدتها و قساوتها و عدم المبالاة لكن ميمي الباطن بريئة لدرجة أنك تحكمين على ما تسمعين

قلتي في رد ركزلي على قيام الليل يعني لوكان واحد يقوم الليل تقبليه مباشرة زوج بلا مقدمات و نسيتي أن في الناس من لا تنهاه صلاته عن الفحشاء و المنكر و هو يصلي لغير وجه الله و إنما مرضاة للناس و لحاجة في نفسه و الله يمهل ولا يهمل و هناك أيضا من الناس من كان يقوم الليل و بعد الزواج إنقطع و هناك و هناك و هناك ,,,,,,,,,يا أختي الرجل ليس كاملا و الكمال لله وحده إبحتي عن من تكمليه أنت

ناس زمان يقولوا محلاها صنعت اليدين و لوقتنا هذا كلنا نفظلوا خدمة اليد على خدمة الآلة هكا الراجل تحوسي عليه كامل يولي هو يحوسلك على العيوب اللي فيك أما لو تشدي الحزم و تعولي باش أنت تكملي زوجك يكون أحلى و تكوني قدرتي تصنعي رابط متين يجمعك مع زوجك و أخيرا حسيت روحي نهدر بزاف هههههههههه

[ميمي سمية]

المشاركة الأصلية كتبت بواسطة زوبير18

المشاغبة تنقص وحدها لأن العمر يزيد كل ما كبرتي كل ما عقلتي

و ميمي الظاهر تحاول تبين شدتها و قساوتها و عدم المبالاة لكن ميمي الباطن بريئة لدرجة أنك تحكمين على ما تسمعين

قلتي في رد ركزلي على قيام الليل يعني لوكان واحد يقوم الليل تقبليه مباشرة زوج بلا مقدمات و نسيتي أن في الناس من لا تنهاه صلاته عن الفحشاء و المنكر و هو يصلي لغير وجه الله و إنما مرضاة للناس و لحاجة في نفسه و الله يمهل ولا يهمل و هناك أيضا من الناس من كان يقوم الليل و بعد الزواج إنقطع و هناك و هناك و هناك ,,,,,,,,,يا أختي الرجل ليس كاملا و الكمال لله وحده إبحتي عن من تكمليه أنت

ناس زمان يقولوا محلاها صنعت اليدين و لوقتنا هذا كلنا نفظلوا خدمة اليد على خدمة الآلة هكا الراجل تحوسي عليه كامل يولي هو يحوسلك على العيوب اللي فيك أما لو تشدي الحزم و تعولي باش أنت تكملي زوجك يكون أحلى و تكوني قدرتي تصنعي رابط متين يجمعك مع زوجك و أخيرا حسيت روحي نهدر بزاف هههههههههه

سبحان الله تقرى مابين السطور حقا هههههه

لا ماقصديش غير يقوم الليل اه طبعا لازم يكونوا الصفات لخرين

مي في الوقت هذا مزال ماسمعتش اللي ينوض يقوم الليل منعرف علاه؟؟؟

اه اه فهمت ذكة جاري التسجيل....

حاجة ماكنتش نعرفها من قبل

[mimi jiji]

هههههههههههه ضرك نكتب جريدة
متدين
انيق
متعلم ومستواه ممتاز
كريم وهاذي اهم صفة
متفتح
رزين+خفيف الظل
يوزن الامور بعقلو ماشي بقلبو
مسؤول بكل معنى الكلمة
اكيد لازم يكون يحبني ويفهمني ويحترمني
باختصااااار
*يحطني ملكة في قلبو نحطو تاج على راسي*
شكرا لصاحبة الموضوع
صح فطوركم

[زوبير18]

المشاركة الأصلية كتبت بواسطة ميمي سمية

سبحان الله تقرى مابين السطور حقا هههههه

لا ماقصديش غير يقوم الليل اه طبعا لازم يكونوا الصفات لخرين

مي في الوقت هذا مزال ماسمعتش اللي ينوض يقوم الليل منعرف علاه؟؟؟

اه اه فهمت ذكة جاري التسجيل....

حاجة ماكنتش نعرفها من قبل

ههههههه لو ديري إتفاقية مع سوني إريكسون يمولوك بمليون ولا زوج كاميرات حطيهم فالديار بالاك تصيدي اللي راهم يقوموا الليل

في نظرك ميمي المحيط يأثر على الشخص ولا لا,,,,,,,,,,,,,,,,,,
بالطبع يأثر نعطيك مثال بسيط أنا قبل ما نروح نخدم فالصحرا كنت عايش الحياة بطولها و عرضها و بمعنى الكلمة لأن كل ظروف الترف و الترفيه متوفرة أربع كلمات فيها حرف ف هههههههه لا علينا لما رحت للصحرا نخدم تغيرت حياتي عرفت غير الطلبة و حفظة القرآن و في كل شارع مسجد و الناس عايشة في أمان الله و حامدين ربي ,,,,,,في تلك اللحظات أسترجعت ذكرياتي و دقيت ناقوس الخطر و قررت نندمج في هذا المحيط الجديد اللي راني فيه و بالفعل الحمد لله توصلت باش وليت محافظ على صلاتي و حفظت ما تيسر من القران و رحت عمرة زرت الكعبة الشريفة و ديت معايا أمي حتى أنال أجر بر الوالدين و عملت عمرة لأبي رحمة الله عليه و كل هذا بفضل المحيط و من هذا المنبر أوجه تحية تقدير و إجلال لسكان الصحراء و ما نالني من الثواب إلا بفضل الله أولا و ناس الصحرا ثانيا,,,,,,,,,نرجعوا لموضوعنا بما أننا في زوج نسكنو فالشمال يا لالة كي لقاوني صحابي رحت للعمرة ولاو يضحكوا قالولي كيفاش صغير و رحت للعمرة !!!!! شفتي الفرق يا ميمي أغلب الناس عندنا رابطين التوبة بالعمر يعني الصغير لازم يزهى و يعيش حياتو و لما يكبر يتوب و كأن العمر زر تشغيل في يديهم و لهذا لازمك تشوفي واحد 40 ولا 50 سنة بالاك تلقايه يقوم الليل هههههههه ما عنداك مازال الخير في شباب الجزائر ما تخافيش

[biti]

[quote=زوبير18;1053646859]

المشاركة الأصلية كتبت بواسطة biti

هههههههههههه شكون قالك ميخافوش مني اساسا كل لي يقراو معايا يخافو يكلموني وهذا يفرحني بزاف لا مداسرة لا ذنوب

لأني قرأت ما بين السطور فأنا لا أشاطرك الرأي فيما تقولينه لأن الناس بالعكس تحب الإنسان الإجتماعي و لا تخافه

قصدت الذكور بكلامي لا الاناث

[زوبير18]

[QUOTE=biti;1053649182]

المشاركة الأصلية كتبت بواسطة زوبير18

قصدت الذكور بكلامي لا الاناث

الحمد لله أنك لم تقصدي الرجال ههههههه
الإحترام موجود ما بين الرجال و النساء لكن الحب و الصداقة خارج إطار الزواج و اﻹرتباط الشرعي ﻻ مكان لهما بالشرع وﻻ بالعرف الإسلامي

[moha75]

المشاركة الأصلية كتبت بواسطة ميمي سمية

صدقا؟؟

ماشـــاء الله

افرحتني كثيراااااا يا اخ ربي يفرحك

صدقني اعتقدت ان هذا النوع لا يوجد ابدا لكن {سبحان الله}

انا لم ارى هذا النوع لحد الان ربما كما قلت يقومون باخفاء اعمالهم خوفا من الرياء وايضا ان لم اخالط احد منهم لحد الان ما اقوله فقط هو مااسمعه من افواه بعض البنات اللاتي جعلنني اقتنع بكلامهن بالاضافة الى ما اراه في شوارعنا ومدارسنا الجميلة !!!!!!!!!!!

عذرا ...، ان كنت قد اخظأت في حقكم انتم الرجال وان كنت انت احدا منهم ، فلم ادري بوجود هذا النوع من الرجال سابقا

{مانعرف وكتاه يبانو هذوا الرجال قدامي }

يوجد الكثير منهم ولله الحمد والمنة،
لكنهم منطوون ومنعزلون ولا يخالطون النساء،
كل واحد منهم يقول لما يكتب ربي ونؤمن مستقبلي أقرع باب نصفي الثاني،
أما أن أقيم علاقات مع النساء عالفاضي يعني لعبا ولهوا فهذا ليس في الرجولة من شيئ،
الرجل الحقيقي لا يقيم بكثرة علاقاته بالنساء،
يعني كم عرف في حياته من إمراة،
بل الرجل الحقيقي هو الذي إن أحب إمراة طرق بابها بالحلال،
وعلم حقها وعرف قدرها وحافظ عليها واسعدها،
هنا فقط نقول عنه رجل وسيد الرجال،
التباهي بمعرفة النساء وبإلتفافهن حول الرجل،
ليس دليل فحولة ،
فالرجل الحقيقي هو من عرف إمراة واحدة عاش لها ولأجلها،
لكن للأسف قلة حيلهتم وخوفهم من الله عز وجل،
وعلى عرض النساء،
منعهم من الظهور ،
لهذا فلا تظلموهم وأدعوا الله عز وجل ان ييسر أمورهم،
فهم في النهاية بشر .
شكرا جزيلا لك ،
أسأل الله العلي القدير أن يرزقك الزوج الصالح،
أمين أمين.

[سما الايام]

ممممممممممممممممممممممم انا نقولكم زوج الرجل الصادق وان يحترمني بالشكل الذي احترمه به انا وبس

[moha75]

المشاركة الأصلية كتبت بواسطة biti

امين ويبارك فيك

بوركت وجزاك الله كل كل خير.

[moooooda147]

المشاركة الأصلية كتبت بواسطة زوبير18

كنت نحوس على اسمي في ردك ما لقيتوش لأني كنت اضنك تتحدثين عني سبحان الله و كأنك تعرفينني ههههههه

هههههه سبحان الله :dههه الله غالب لوكان جيت نعرفك راني ذكرتك نتا وماكتبتش هاذ الجرنال كل هه

[moooooda147]

المشاركة الأصلية كتبت بواسطة زوبير18

حلقة جديدة في مسلسل الشباب الجزائري بعنوان انعدام الثقة .....الرجال نحبها تكون كذا و كذا ...........لكنها ﻻتوجد بهذا الوقت.......البنات نحبو يكون كذا و كذا .....لكنه غير موجود بهذا الزمن. الكل يحكي و كأنه ﻻ يوجد من يستحقه بهذا الكون لكنكم نسيتم قول الله عز وجل الطيبون للطيبات و الخبيثون للخبيثات ........احلموا مثل ما شئتم لكن ﻻ تنسى كن طيبا تجد الطيب فالله ﻻ يخلف وعده و تمنياتي للجميع بالتوفيق ان شاء الله

يعطيك الصحة خويا هو عندك الحق في كل كلمة قلتها مي حنا لازم علينا نحلمو بيني وبينك //باش نهربو شوي من الكوزينة// ههههه وثاني المواصفات يلي نهدرو عليها ممكن راهم كاينين يلي يتاصفو بيها مبصح متخبيين برك لوكان شتاو يظهرولنا رواحهم نشوفوهم ههه

[moooooda147]

المشاركة الأصلية كتبت بواسطة moha75

يوجد الكثير منهم ولله الحمد والمنة،
لكنهم منطوون ومنعزلون ولا يخالطون النساء،
كل واحد منهم يقول لما يكتب ربي ونؤمن مستقبلي أقرع باب نصفي الثاني،
أما أن أقيم علاقات مع النساء عالفاضي يعني لعبا ولهوا فهذا ليس في الرجولة من شيئ،
الرجل الحقيقي لا يقيم بكثرة علاقاته بالنساء،
يعني كم عرف في حياته من إمراة،
بل الرجل الحقيقي هو الذي إن أحب إمراة طرق بابها بالحلال،
وعلم حقها وعرف قدرها وحافظ عليها واسعدها،
هنا فقط نقول عنه رجل وسيد الرجال،
التباهي بمعرفة النساء وبإلتفافهن حول الرجل،
ليس دليل فحولة ،
فالرجل الحقيقي هو من عرف إمراة واحدة عاش لها ولأجلها،
لكن للأسف قلة حيلهتم وخوفهم من الله عز وجل،
وعلى عرض النساء،
منعهم من الظهور ،
لهذا فلا تظلموهم وأدعوا الله عز وجل ان ييسر أمورهم،
فهم في النهاية بشر .
شكرا جزيلا لك ،
أسأل الله العلي القدير أن يرزقك الزوج الصالح،
أمين أمين.

يعطيك الصحة خويا هاذا هو كلام الراجل الحقيقي يلي يخاف ربي ويلي تتمناه اي وحدة

[kmilya]

المشاركة الأصلية كتبت بواسطة moooooda147

يعطيك الصحة خويا هو عندك الحق في كل كلمة قلتها مي حنا لازم علينا نحلمو بيني وبينك //باش نهربو شوي من الكوزينة// ههههه وثاني المواصفات يلي نهدرو عليها ممكن راهم كاينين يلي يتاصفو بيها مبصح متخبيين برك لوكان شتاو يظهرولنا رواحهم نشوفوهم ههه

هههههههههههه صح عندك الحق ختي رانا نحلمو كشما ننساو الواقع هذا شوية ان شاء الله ربي يجمع كل وحدة بفارس الاحلام لي في بالها
بزهر تلقاوه مي دوماج حتى لو ملقيناهش