الجزء 17 من واش طيبتي اليوم شاركونا موائدكم الرمضانية

[إلهام07]

المشاركة الأصلية كتبت بواسطة islam1aya

الهام يعطيك الصحة رايحة نشوف وصفات ام راضية

ممكن تعاودي تشرحلي هذيك الطريقة تع القلاص الي راكي تقولي عليها اشرحلي العفسة مليح ومع واش تخلطيها

شوفي هذي وصفة مثلجات ilhemaya :
في صحن تحطي 2 علب فلان ( الذوق اللي تحبي ) + 100غ غبرة شانتيي + 2 كيسان حليب سائل يكون بارد جدا وتخفقي مليح بالباتور حتى تصبح كريمة خفيفة فرغيها وإلى المجمد

طبعا كي ديري فلان فاني تتحصلي على مثلجات بطعم الفاني وكي ديري فلان فراز تتحصلي على ثلجات طعم الفراز ونفس الشيء بالشكلاطة
بصح هذو غير 3 أذواق

انا واش درت الحليب نفرغ فيه من أكياس العصير الغبرة هذوك اللي يتباعو ب20دج نتاع AMILA ندير 1/2 كيس مع 2 كيسان حليب ونخلط مليح مليح مليح حتى تذوب غبرة العصير في الحليب ومن بعد نحط الحليب مع الفلان والشانتيي ونخفق
هكذا تتحصلي على اي طعم فاكهة تحبي أنا درت التوت لاخاطريحبوه بزاف وفي AMILA كاين بزااااف أذواق ، كاين :
برتقال ، ليمون ، منقا ، توت ، أناناس ، تفاح ، ..........................
تقدري تنوعي بيهم كيما تحبي وزيد يعطي لون رائع للمثلجات نتاعك
أتمنى تكوني فهمتي وإذا مافهمتيش قوليلي