الجزء 17 من واش طيبتي اليوم شاركونا موائدكم الرمضانية

[kiya]

اسعد الله صباحكمومسائكم
جمعة مباركة للجميع
هذا فطورنا تاع البارح




في السهرة




الحمد لله على النعمة

[fatalim]

المشاركة الأصلية كتبت بواسطة kiya

اسعد الله صباحكمومسائكم
جمعة مباركة للجميع
هذا فطورنا تاع البارح




في السهرة




الحمد لله على النعمة

كلش هايل ماسم الطبق الاول والدوبارة كيفاش ديروها شيخي هابل عليها ذاقها مرة كيما راح لبسكرة للحمام

[الأمنيات]

المشاركة الأصلية كتبت بواسطة manel1977

لبنات رايحة نجرب قوارب البطاطا نتاع نينا قوليلي كاش نصائح نتبعهم قبل ما نديرهم

جربيهم يخرجوا هايلين انا درتهم نفس طريقتها وعاودتهم لكن طبخت البطاطة شوي
ودرت حبات صغار كاملين حتى التشكيل الحفر يجي ساهل

[kiya]

المشاركة الأصلية كتبت بواسطة fatalim

كلش هايل ماسم الطبق الاول والدوبارة كيفاش ديروها شيخي هابل عليها ذاقها مرة كيما راح لبسكرة للحمام

choukran lik oukhti
etabak elawl walh khalouta kan 3andi mtawim bchambinoun fdali mala $drit elma3kouda kwyrat wradtha 3lih wzidit elhoumis wzidit elbayd

[راجية غفران ربها]

حنان الله يعطيك- -ما تتمناي يا الغالية


كيا الله يبارك كلش يشهي مممممممممممممممممممممممممممم الله يعطيك صحيحتك


الامنيات الف شكر على الافادة قوليلي مبشور البطاطا واش درتي بيهم؟؟؟؟؟؟؟؟؟؟؟؟

[الأمنيات]

فورته ودرت معقودة

[kiya]

اما الدوبارة ترنخي الفول في الماء مع الملح ليلة كاملة وغدوة بدلي الماء ودريه في الكيكوت يطيب
بعد مايطيب ادا لقيية نقص الماء اع زيديلو شوية ماء ودري ف طبس شوية زيت وفلفل احمر راس احاوت وثوم وملح وفلفل حار مقطع وطماطم تاع باطة ورفدي حبة طماطم وقطعي ادبشة وزيدهمولو وخليه يقلي شوية ولوحلو 2حبات فلفل ولا 3 و تقدميه زيدي قطعيلو الدبشة

[fatalim]

شكرا على الوصفة

[soha1987]

جمعة مباركة
واش راكم يالحراير كاش جديد ولا والو هههههههههههه ان اليوم تبلوكيت مالقيت مانطبخ فرغ مخي خخخخخخخخخخخخخ
عندي زاليقو زلحم مرحي ولحم دجاج وبطاطا بزاف والله مالقيت واش ندير ايا دبرو عليا
انقذونييييييييييييييييييييييي
باتي اجري الخايبة حصلت هههههههههههههههه
ام ساجد ام ماجد الامنيات لهومة بروووووووووووووووووووووووووقة والبقية

[*أم كوثر*]

السلام عليكم
جمعتكم طيبة مباركة

المشاركة الأصلية كتبت بواسطة oumadoumawayouta

saha alikoum ya chatrat
hanane y3ayech okhti atini wasfa ta3 el koucha nta3ek nheb el koucha ta3 el gharb
saha okhti


lyoum
hrira, poulet w batata fi "keys el chiwa" hihihi
w dert theni loubia khadra ntayebha maa morceau djedj fel sac nchouf kifeh yji hadi el mara loula nsiyih hihihi
lhem hlou
chlada banjar (betteraves)

dessert:fakia w belek ndir flan


lebenet andi gateau petit beurre hadek li nedmouh louled les bebes maa hkib andi menou bezaf ida tekedrou tmedouli kech fikra taa dessert bel krima wela heja barda

merci
w saha ftourkoum

اختي الكريمة فضلا استعملي لوحة المفاتيح تع العربية تلقايه في قوقل
شخصيا هد الكتابة تعييني ونمر عليها مرور الكرام

[*أم ثازيري*]

المشاركة الأصلية كتبت بواسطة houdehoud

فطور نتاع البارح

و هاذو فضيحة البارح قالي عنتر حطيهم كوليهم هههههههههههه بصح جاو بنان الحق

و هذا مثلجات الهام روووووووووووووووووووووووعة الله يجعلها في ميزان حسناتك

عنتر يا عنتر
مانعلرف لاه نتخايلو مداير موسطاش خشيييييييييييييين وقيلة من اسمو هههههههه
يصحتكم

[ام مريم اسراء]

مساء النور لبنات اختي سهى رآه كاينة وصفة نتاع اللوبيا مشتو على شكل أزمات و في أطراف حطو لها اللحم المرحي أن شاء الله لبنات يعطوك الرابط لأني منقدرش نعمل كوبي كولي

[*أم ثازيري*]

المشاركة الأصلية كتبت بواسطة *أم كوثر*

السلام عليكم
جمعتكم طيبة مباركة





اختي الكريمة فضلا استعملي لوحة المفاتيح تع العربية تلقايه في قوقل
شخصيا هد الكتابة تعييني ونمر عليها مرور الكرام

ههههههههه و الله نفس العقبية نحسب غير روحي لي نكره هاد الكتبة ......تفكرني في ال***** ههههه
نسيت نقولك صباح النووووووووووور
قريت الطريقة نتاعك في الطاجين الحلو و الله نفس الطريقة نتاعي
كاين اضافة برك ان شاء الله تجربيها انا قبل مانطفي نلوح كمشا لوز مقشر او بقشورو + نوادكاجو *كي يكونو متوفرين*10د و نطفي يطلقو وخد البنة عظييييييييييييييييييييييييمة
وخالتي كي طفي تقص فيه البنان كي تكون الحالة مشومرة و ماكانش المكسرات .قاتلي ريحة و خثارة و طعم
انا الصح ماجربتهاش المهم البنان ديري الحبة اليابسة فيهم ماشي الطايبة

[المستغفرة]

السلام عليكم لبنات واش معولين ديرو لفطور
ام مريم و اسراء وش دايرة فطورك حابة نكوبي

[ام مريم اسراء]

مساء النور اختي المستغفرة جمعة مباركة و الله غير انتي الي تسقسي عليا أنا بإذن الله راح اعمل دولمة فلفل و نزيد البوراك او بسطيلة و لبارح بقاتلي سوب الخضار نطيب لابو مريم شربة فريك و نزيد سلطة و الحمد لله صح فطورك