لم أستطع أن أحسم أمري .... إلى الأن - الصفحة 2

Mona Lyza · 2013-07-16, 11:30

اقتباس:

المشاركة الأصلية كتبت بواسطة ღ♥ღأهمـ واحدღ♥ღ

اختي من وجهة نظري 1- صيدلة
2- طب
3- طب اسنان

الرغبة هي شخصية لا تعتمدي علي الناس كثيرا ركزي جيدا هذا مستقبلك موفقة ان شاء الله

مشكور أخي ... لكن الموقف صعب خاصة كي تخمم اني عاودت الباك و خايفة نندم على اختياري ...

styliste · 2013-07-16, 13:42

اقتباس:

المشاركة الأصلية كتبت بواسطة chocol@te

انا كنصيحة مني أختي لوكان جيت في بلاصتك نخير جراحة اسنان باسكو جراحة الاسنان مليحة وتعتمد على الفهم والذكاء اكثر من الحفظ + طب بعد 7 سنين تخرجي طبيبة عامة وكيما يقولي الطب يا اختصاص يا مكانش باسكو ضركة في وقتنا الطبيب العام ولا ماعندوش قيمتو en+ بعدما تتخرجي لازم تخدمي في السبيطار والاطباء العامين يعانوا من مشكل الخلاص
و اذا درتي اختصاص لازم تفوتي على الريزيدينانا وما يفوت منها غير طويل العمر كما يقولو .........
استخيري واستشيري واختاري وتوكلي على ربي وربي يجيبلك لي فيه الخير
وشوفي انت بواش مقتنعة ربي يوفقك
انا كان حلمي ندير طب اسنان مي الله غالب الموايان تاعي ما لحقنيش و بعيدة بزاف ان شاء الله نعاودو العام الجاي وادعيلي نجيبو بمعدل مليح ونحقق الحلم تاعي

الطبيب العام ولا ماعندوش قيمتو
وش هاد الهدرة.......عيب

kenza boucetta · 2013-07-16, 13:59

أختي مادامك شايفة بلي تخصص طب اسنان هو لي يخرج عليك ديريه على خاطر في بعض الامور وخاصة المصيرية منها ما تكفيش الرغبة

والميول انك تحددي واش لي يفيدك وتاني من جهة خرى لوكان برك تنحي هاديك المخاوف لي فبالك بالنسبة للطب انا متاكدة بلي عندك

القدرة العالية على خوض غمار هذا التخصص .موفقة حبيبتي آمنك الله /سلام

ussamo · 2013-07-16, 14:16

بالنسبة للريزيدانا هي موجودة في طب الاسنان و الصيدلة كما هي موجودة في الطب
و يتحصل عليها تقريبا ثلث عدد المتخرجين أو على الأقل ربعهم
و أظن نسبة جيدة

وردة السلام · 2013-07-16, 14:25

طب اسنان رااائع اختى

Mona Lyza · 2013-07-16, 16:57

اقتباس:

المشاركة الأصلية كتبت بواسطة styliste

الطبيب العام ولا ماعندوش قيمتو
وش هاد الهدرة.......عيب

والله دذا واش سمعت من عند ناس فالميدان يعني بلا تخصص متقدرش تدير حاجة حق التعب تاعك

Mona Lyza · 2013-07-16, 16:59

اقتباس:

المشاركة الأصلية كتبت بواسطة kenza boucetta

أختي مادامك شايفة بلي تخصص طب اسنان هو لي يخرج عليك ديريه على خاطر في بعض الامور وخاصة المصيرية منها ما تكفيش الرغبة

والميول انك تحددي واش لي يفيدك وتاني من جهة خرى لوكان برك تنحي هاديك المخاوف لي فبالك بالنسبة للطب انا متاكدة بلي عندك

القدرة العالية على خوض غمار هذا التخصص .موفقة حبيبتي آمنك الله /سلام

شكرا جزيلا أختي ... المشكل ألآني أعدت الباك يعني راحلي عام بلاك لوكان جاتني العام الماضي منترددش و نخير الطب ... لكن الان

Mona Lyza · 2013-07-16, 17:04

اقتباس:

المشاركة الأصلية كتبت بواسطة ussamo

بالنسبة للريزيدانا هي موجودة في طب الاسنان و الصيدلة كما هي موجودة في الطب
و يتحصل عليها تقريبا ثلث عدد المتخرجين أو على الأقل ربعهم
و أظن نسبة جيدة

صحيح أخي لكن حسب الذين يدرسون هذه التخصصات الريزيدانا في طب الاسنان أسهل منها في الطب و أيضا من دون تخصص يمكنك العمل عادي على عكس الطبيب العام هل هذا صحيح؟

mbi-ilyes · 2013-07-16, 18:13

على حسب ما قرات انت من المفروض عليك ان تتبعي تخصص تقني مثل علوم وتقنيات ،محروقات،الكترونيك،هندسة معمارية هذه التخصصات لا تتطلب الحفظ الكثير و لا حتى الخوف من المستقبل لانها كلها في القمة.والله اعلم لانه الاختيار الاخير يعود لك لا لغيرك انت مستقلة في ذلك كما انصحك لما هذا التردد ليس الطب كل شئ -انا شخصيا مؤهل لفعل الطب لكن لا يساعدني لانني اعلم انني الوحيد الذي سيتحمل مسؤولية هذا الاختيار *للاضافة من قال تخصص الطب للنجباء هذا ليس صحيح نحن كلنا نجباء لكن لكل وجهة في حياته.

chocol@te · 2013-07-16, 21:48

اقتباس:

المشاركة الأصلية كتبت بواسطة mona lyza

ربي يحققلك واش تتمنى أخي مع العلم أني أيضا أعدت الباك ... كلامك هو نفس ما نصحني به والدي لكني لم أقتنع به الى حد الان أيضا لا يهمني الجانب المادي كثيرا بقدر ما يهمني شعوري بأني درت حاجة فحياتي بالعربية و لا أدري لما أشعري أن الطب هو السبيل الوحيد لذلك لكن مخاوفي منعتني من تحديد موقف ... بالتوفيق لك أخي

ههههههه للعلم أختي انا اخت
اختي رانا كامل حايرين مي انت اختاري واستخيري وربي يجيبلك لي فيه الخير
معليش سؤال اختي خارج عن الموضوع قلتيلي انتيا اعدتي الباك .... هل جبتيه المرة الاولى ولا ماجبتيهش ؟ واذا جبتيه وشحال معدل وش درتي تخصص وبلوكايتي العام ولا قرتي في الجامعة وقريتي للباك ارجو ان تفيديني بتجربتك اختي و بارك الله فيك انا في انتظارك

chocol@te · 2013-07-16, 21:58

اقتباس:

المشاركة الأصلية كتبت بواسطة styliste

الطبيب العام ولا ماعندوش قيمتو
وش هاد الهدرة.......عيب

ههههههههههههه لللاسف هذا الواقع
لازم تكون عندو خبرة كما الاطباء القدامى باش يفتح كلينيك وحدو مي اللي مايدريش اختصاص نظن راح يعاني ياسر ..........

chocol@te · 2013-07-16, 21:59

اقتباس:

المشاركة الأصلية كتبت بواسطة styliste

الطبيب العام ولا ماعندوش قيمتو
وش هاد الهدرة.......عيب

ههههههههههههه يا اختي المصممة !!!!!!! لللاسف هذا الواقع
لازم تكون عندو خبرة كما الاطباء القدامى باش يفتح كلينيك وحدو مي اللي مايدريش اختصاص نظن راح يعاني ياسر ..........

NADJIB-90 · 2013-07-16, 21:59

اقتباس:

المشاركة الأصلية كتبت بواسطة mona lyza

صحيح أخي لكن حسب الذين يدرسون هذه التخصصات الريزيدانا في طب الاسنان أسهل منها في الطب و أيضا من دون تخصص يمكنك العمل عادي على عكس الطبيب العام هل هذا صحيح؟

هناك شئ معروف عند الاطباء مثل ميثاق الاخلاق الطبيب المختص لا يقوم بمعالجة الحالات التي لا يتضمنها تخصصهو الطب العام عندوا اهميتوا انا اعرف اطباء عامين الطلب عليهم عالي لازم تحجز مكانك قبل بيوم او يومين ويعملوا عادي لكن حنا في بلادنا عندنا ظاهرة جديدة تتمثل في احتقار الشهادات يعني يقولك ليسانس ولا ماستر شادير بيهم لازم تكمل الدكتوراه رغم ان اعداد الدكاترة المتخرجين في الختصاص من كل جامعة يعدون علي الاصابع ولو تسأل الذي ينصحك هذه النصيحة ماهي شهادتك قد يقول لك ابتدائي
راي ان كنت طبيبة متمكنة ودارسة مليح واستغليتي الفرص بعمل تربصات اكييد سيكون عندك مستقبل جيد جدا حتي لو لم تكملي التخصص في رأيك من يوجه ويحول المريض الي الطبيب المختص اليس الطبيب العام اولا خممي في سنوات الدراسة الاساسية وكوني كالاسفنجة امتصي المعلومات اسألي عن ما تجهلينه وافهمي دروس البرنامج جيدا واطلعي من الكتب العالمية والمجلات العلمية خصوصا في مجال مثل الطب يتغير كل يوم لا اعتقد بعدها انك ستواجهين اي مشكل مع اي امتحان
والحمد لله اليوم مع التكنولوجيا المتطورة تستطيعين تحميل ومشاهدة عملية جراحية كاملة وانت جالس في منزلك ففرص تطوير الذات موجودة

la_safa · 2013-07-16, 22:12

أختي إن كنت لآ تستطيعين تحمل مشآق الطب لأنهآ مشآق بكل معنى الكلمة
فوجهتك ان شاء الله طب الاسنآن و طب الاسنآن مهنة و درآسة رآآآئعة
ابنة عمتي طبيبة الآن و مآشآء الله تخدم و الحمد لله ..

اما عن نفسي فقد اخترت الصيدلة ~

وفقنآ الله ~

Mona Lyza · 2013-07-16, 22:53

اقتباس:

المشاركة الأصلية كتبت بواسطة chocol@te

ههههههه للعلم أختي انا اخت
اختي رانا كامل حايرين مي انت اختاري واستخيري وربي يجيبلك لي فيه الخير
معليش سؤال اختي خارج عن الموضوع قلتيلي انتيا اعدتي الباك .... هل جبتيه المرة الاولى ولا ماجبتيهش ؟ واذا جبتيه وشحال معدل وش درتي تخصص وبلوكايتي العام ولا قرتي في الجامعة وقريتي للباك ارجو ان تفيديني بتجربتك اختي و بارك الله فيك انا في انتظارك

العام الماضي كان معدلي 13.71 الشيء الذي لم أنتظره أبدا قررت اعادة الباك من دون تردد درست mi في قسنطينة لكني لم أستطيع التوفيق بينهما فتوقفت رغم اني طلعت السداسي الاول ب 12 و تفرغت للباك ... بالتوفيق لكي أختي لكن نصيحة من مجرب اذا أردت اعادة الباك عالمي لماذا أولا و هل فعلا لديك الامكانيات لذلك ضعي لنفسك هدفا و تفرغي له لاني صراحة ضيعت كثيرا من الوقت من دون فائدة ... بالتوفيق اختي