تحذير من : المدر سة التحضيرية علوم وتقنيات Ecole Préparatoire Sciences et Techniques

[سارق الأحزان]

المشاركة الأصلية كتبت بواسطة mohamed abdelhak

ختي انا رحت نقرا ما رحتش نجوز ستاج تاع مارينز باش نتعب جسديا او ما رحتش نجوز ستاج تاع drs باش نتعب نفسيا
فهمتيني يمالا اهدري مليح و اوزني كلامك و نزيدلك هادي يا لي لقات روحا فيها
حنا الشباب في الجزائر عايشين بالامل ماشي بالخدمة فهمتيني يمالا مكالاه تهدري على المميزات بزاف نفكرك
راكي في الدزاير ماشي epst تاع فرنسا نهار نكونو في فرنسا حاوزيني نورمال
واشمن مميزات راكي تهدري عليهم
استغفر الله العظيم

دي فوا تخرج خرجات تعجبني عب الحق

مكنتش هكا فلي كوول

[محمد الامين 9]

راني معاك

اقامة بلقايد منطقة نــائية

[حبة ملفاي]

المشاركة الأصلية كتبت بواسطة سارق الأحزان

وشهد شاهد من اهلها

وهذا طالب اخر

كما سبق وقلت انا لا احسدك ولا امنعك لكني انبهك فقط
وقراارك وانت مسؤول عليه

w kima rakoum tchoufou rir li ratou l3am

rahou ygoulou machi mli7a wla city machi b1

rir li ma nejhouche

rir li 5atyatou la9raya

[mohamed abdelhak]

حبة ملفاي فهمني برك علاش وهران 320 باساو كامل علاش العاصمة باصاو كامل
علاش عنابة باصاو كامل علاش تلمسان تحاوزو كامل ؟؟؟

سآل اخير اجب بصراحة من اي ولاية انت دون ان تكذب

[mohamed abdelhak]

الاجابة انا عندي باك تقني رياضي فوق 14 و الحمد لله يا اما انا حمار يا اما لي يقراو في وهران هاربين علينا
الحاجة لي راني متأكد منها انا ماشي حمار الحاجة الثانية لي راني متأكد منها مسيري المدرسة خباثا الحاجة الثالثة سيدي محمد خفيف مدير الدراسات هو المدير السيد خالدي خدموها بيناتهم حاوزونا ما كلاها تكذب على الناس
ماشي ذنبي الا كانو جماعة المدرسة عندهم عقدة نقص و ذاقتلهم كي ما راهمش يكلاسيو الاوائل الله غالب ربي
يمد على حساب القلوب
المدرسة التحضيرية علوم و تقنيات الجزائر يقراو في lycee و يكلاسيو الاوائل الله غالب ماشي مشكلتي
قلتلكم هادو تاع تلمسان لوكان صابو يحاوزو تاع 12 يحاوزوهم راهم جاين يمات و نشوف واش راح يصرا

[حبة ملفاي]

المشاركة الأصلية كتبت بواسطة mohamed abdelhak

الاجابة انا عندي باك تقني رياضي فوق 14 و الحمد لله يا اما انا حمار يا اما لي يقراو في وهران هاربين علينا
الحاجة لي راني متأكد منها انا ماشي حمار الحاجة الثانية لي راني متأكد منها مسيري المدرسة خباثا الحاجة الثالثة سيدي محمد خفيف مدير الدراسات هو المدير السيد خالدي خدموها بيناتهم حاوزونا ما كلاها تكذب على الناس
ماشي ذنبي الا كانو جماعة المدرسة عندهم عقدة نقص و ذاقتلهم كي ما راهمش يكلاسيو الاوائل الله غالب ربي
يمد على حساب القلوب
المدرسة التحضيرية علوم و تقنيات الجزائر يقراو في lycee و يكلاسيو الاوائل الله غالب ماشي مشكلتي
قلتلكم هادو تاع تلمسان لوكان صابو يحاوزو تاع 12 يحاوزوهم راهم جاين يمات و نشوف واش راح يصرا

a khoya wch ngoulak cette annèè oran la plus part tal3ou

meme li 5asatou 4 ou 3 point zadouhalou les prof w la plus part ta3 les prof 3andhoum les num ta3 les etudient w ya3ytoulhoum machi ga3 mais ak ta3ref li lsanou hol w 9afaz

w modir ta3 l'ecol tjr yji la city ychouf lhwal ziyarat 3la gedra tjr yendmlna des tornois fi la city bla ta3 ecol

methaliiin a khoya fi oran

bon ana noskoun fi 23 haja 5laf 3la oran mezyra akther mais bah tgouli les prof ma ye9arouch rir reyah a khoya

les prof haja foooooor w tooooooooop

sa7 mezyrinha parce que na3ref wahed fi annaba cette annèè 5asatou 2 point fi math ma zadouhalouch mais meme howa esta3ref bli ma 9rach w rahou ye3awed fi bac l3am jay bah yzid youd5el epst

a khoya wch ngoulak telmcen tjr yjuouna l'oran bzf meme shabi fi polytechnique ta3 oran galoulna telmcen hiya li fooor fi les ecoles ga3 et je c po ana ma cheftch b 3ini

alger oui je c que lhala m9awda

[mohamed abdelhak]

يمالا يا خويا حبة ملفاي ما قريتش في مدرسة التحضيرية علوم و تقنيات تلمسان خلي الامور لمواليها
لدي تعليق بالنسبة للكلام الحلو و الوجه الشباب و الضحكة الشابة نعم طبعا هذا ما ينقصنا باش نبنيو البلاد
انا نقولك حازو يمانا كامل زكارة و انت تحكيلي على الكلام الحلو و الوجه و الشباب انا ما عندي لا كلام حلو
لا وجه شباب انا ربي اعطاني موهبة الخبيث نشمو على 2 كيلومترات و هاذو الاساتذة تاع المدرسة التحضيرية علوم و تقنيات
هاذو اخبث من قابلت في حياتي كلها و هذي تاع ما طلعناش علاخاطرش ما قريناش هادي ما دخلتش في راسي كاين عيباد نيفو ديالي وين يبان مع ديالهم هما 2 و انا عاودت و جاي تحكيلي على المدارس التحضيرية

[سارق الأحزان]

المشاركة الأصلية كتبت بواسطة mohamed abdelhak

يمالا يا خويا حبة ملفاي ما قريتش في مدرسة التحضيرية علوم و تقنيات تلمسان خلي الامور لمواليها
لدي تعليق بالنسبة للكلام الحلو و الوجه الشباب و الضحكة الشابة نعم طبعا هذا ما ينقصنا باش نبنيو البلاد
انا نقولك حازو يمانا كامل زكارة و انت تحكيلي على الكلام الحلو و الوجه و الشباب انا ما عندي لا كلام حلو
لا وجه شباب انا ربي اعطاني موهبة الخبيث نشمو على 2 كيلومترات و هاذو الاساتذة تاع المدرسة التحضيرية علوم و تقنيات
هاذو اخبث من قابلت في حياتي كلها و هذي تاع ما طلعناش علاخاطرش ما قريناش هادي ما دخلتش في راسي كاين عيباد نيفو ديالي وين يبان مع ديالهم هما 2 و انا عاودت و جاي تحكيلي على المدارس التحضيرية

سي بون عبد الحق حبيبنا راه اورجون عفنا منو

قالك يزيدوهم ههه .... هذا مستوى مدارسنا

[❀ بَسْمَةْ أَمَلْ ❀]

انت تقرا فيها لالا.???

[NADJIB-90]

هل المستوي الدراسي بها جيد واذا لم تنجح هل حقا يرسلوك الي التخصص الذي تدرسه في ولايتك

[mohamed abdelhak]

المشاركة الأصلية كتبت بواسطة NADJIB-90

هل المستوي الدراسي بها جيد واذا لم تنجح هل حقا يرسلوك الي التخصص الذي تدرسه في ولايتك

المستوى الدراسي حسب المدرسة التي تم توجيهك لها وهران تلمسان عنابة او الجزائر
اذا لم تنجح الله اعلم ماذا يحدث لك نحن لم ننجح و لا ندري ماذا يحصل لنا الان
كل واحد واش يحكي رانا نساعفو في المكتوب خويا على كل الحال المنافسة بين الجزائر و تلمسان و وهران
بالرغم من ان العاصمة مضلومة يقراو في اليسي ما عندهمش tp كل خطرا وين يديروه خطرا يقراو في القبة
بصح هاكداك يكلاسيو في الكونكور التلاميذ حارين تاع alger تحية ليهم

[djalil04]

يا اخي "سارق الأحزان" اذا انت المدرسة التحضيرية ماعجباتكش , ماتكرهش غيرك فيها , الي يحب يعرفها اعطيه معلومات عليها , واش فيها و واش مافيهاش , وهو يقرر , تعجبو ولا ماتعجبوش , ويديرها ولا مايديرهاش , والمستقبل فيها مضمون , بحثت عليها مليح قبل مانديرها , ولجماعة الباك , قبل ماتخيرو الشعبة ديالكم , سقسيو مليح مليح , مااديروش الغلطات نتاع ناس اخرين , وربي يسهللكم على حاجة فيها خير .

[سارق الأحزان]

المشاركة الأصلية كتبت بواسطة djalil04

يا اخي "سارق الأحزان" اذا انت المدرسة التحضيرية ماعجباتكش , ماتكرهش غيرك فيها , الي يحب يعرفها اعطيه معلومات عليها , واش فيها و واش مافيهاش , وهو يقرر , تعجبو ولا ماتعجبوش , ويديرها ولا مايديرهاش , والمستقبل فيها مضمون , بحثت عليها مليح قبل مانديرها , ولجماعة الباك , قبل ماتخيرو الشعبة ديالكم , سقسيو مليح مليح , مااديروش الغلطات نتاع ناس اخرين , وربي يسهللكم على حاجة فيها خير .

اخوتي اما بعد السلام عليكم

ما هذا النقاش المتردي

انا قلت ما تعجبنيش ؟
عنون الموضوع تحذير

والتحذير حقيقي ؟
اخي اذا لم تقرا الموضوع فلما تجيب
انا قد ذكرت انني لا احسد ولا امنع بل احذر فقط

لذك كفانا سخافات من ردود لا معنى لها
تحب تقرا وين حبيت ربي يسهلك هذاك قرارك
اما التحير فهو واجبي اتجاه من لا يعرف

وان اكنت اغلب ردودكم ونقاشتكم هذا
فساكتفي بقرائتهاا

وسلام عليكم

[algerino1212]

المشاركة الأصلية كتبت بواسطة سارق الأحزان

السلام عليكم

اليوم لن يكون الموضوع على وصف ما هي ولا كيف هي
لانو فيه مواضيع كثيرة لالاخوة جزاهم الله خيرا

اول شيء انا لا احسدك ولا امنعك
لكن تحمل مسؤوليتك حينما تدرس بها
ومتقولش مكانش لي قالي

احذرك منها لاسباب ساذكرها ...
لزمن مضى كانت مميزة بشكل من الاشكال
لكن مع الايام ذهب تلك المصداقية التي جاءت بها

فلنذكر كلنا حادثة مطعم تلمسان
بعد ان كانت تلمسان احسن مدرسة
صارت اسوء مدرسة
سب التحذير ليس حادثة تلمسان لانها قضاء وقدر

لكن
ما جرى في 2012/2013 في وهران وتلمسان
اقامات كارثية
حتى الاقامات الجامعية احسن منها ان صح القول
ولست اضع الاسباب في الاقامات الجامعية ايضا ...
بل فشل مشروع المدرسة التحضيرية علوم تقنيات لحد الساعة
يعني بالمخصر المفيد

اقامة جامعية كارثية

نسبة كبيرة تعاطت التدخين
نسبة كبيرة كرهت حياتها
مولاااتش هي عارفة ويين هي رايحة
يقرااو برك
المهم قاللو رااك في بلاااصة ملييحة ومزاالو ياامن بالغووولة


ولا يختلف االامر في العاصمة وهران وعنابة

وبطبيعة الحاال اسالو سقسييو وتاكدوا بانفسكم

في نهاية الموضوع ... مش حااب نخلعكم كثر كي تروحو تشووفو بانفسكم
ومتصدقووش بعض المواضيع نتااع كوبي كوولي
وكاينة ناس تضلل فيكم برك
وهوما والله معلابالهم بعفسة فيها ... غير قيل والقال

ويما قلت انا منحسدك ما نمنعك .... انت قرر وتحمل مسؤولية قراارك

والسلام عليكم

لا يا أخي ما هوش هكا

على حسب هدرتك باين فيك كاره من القراية

يا خاوتي أنا نقوللكم في عنابة الحالة راها مليحة

و القراية في المدراس التحضيرية تحتاج تنظيم الوقت و الانظباط

ماهوش تجي هكذاك

و صدقوني لي يقرا و يحضر دروسو يلقى

و كيما يهدر صاحبنا و يقول المدارس ما علابالهاش وين رايحة ، يا أخي في هاذ النقطة بالذات راك غالط ، لأنها باينة راح تروح لمدرسة من المدارس العليا و تكمل دراستك ، و على حسب هدرتك نشوف فيك ما حضرتش الحملة التوجيهية و المعرض لي داراتو المدارس العليا في المدارس التحضيرية

يا خاوتي المدراس راها مليحة و كل عام يزيدو يحلوا مدارس عليا أخرى مما يعني أكثر فرص للالتحاق بأحسن المدارس العليا

[moumene19]

يا اخي حسب كلامك فهمت انك تقول اللي قرا في الـst جامعة و دار ماستر خير من اللي قرا في المدرسة التحضيرية و كمل في البوليتاك و دا شهادة مهندس ؟؟؟
ليكن في علمك المدرسةا المتعددة التقنيات هي الوحيدة المعترف بها دوليا في الجزائر كلها يعني اذا قريت فيها راك افضل بكثييير من واحد تاع الجامعة في المستوى و في كلشي
و طبعا المدرسة التحضيرية مرحلة لازم تفوتها باه توصل للمفيد و اذا راك تحكي على الضروف ..الجزائر كامل راهي كيف كيف
ارواح تشوف حنا صيدلة في قسنطينة مييرية تاع الصح
هذي هو لقماش في بلادنا ادي ولا خلي