متحصل على البكالوريا بـ15.70 ولكن؟ - الصفحة 2

Catal0ni · 2013-07-06, 23:22

اقتباس:

المشاركة الأصلية كتبت بواسطة طالبة2013

اهلا اخي مبروك عليك

اختي قالتلي بلي صيدلة احسن هي الان تدرسها بقسنطينة سنة سادسة

اي سؤال تفضل لكي اسالها علها تساعدك

بارك لله فيك اختي ، قولي لأختك هل كنت مترددة بين الطب والصيدلة وكيف اقتعنتي بهاته الاخيرة . + هل هي متفائلة بمستقبلها بعد التخرج؟

طالبة2013 · 2013-07-06, 23:31

اقتباس:

المشاركة الأصلية كتبت بواسطة catal0ni

بارك لله فيك اختي ، قولي لأختك هل كنت مترددة بين الطب والصيدلة وكيف اقتعنتي بهاته الاخيرة . + هل هي متفائلة بمستقبلها بعد التخرج؟

قاتلك اختي
مبروك عليك
وهي خيرت صيدلة لانها كانت مقتنعة بيها و هي حلمها

الدراسة ررائعة بالنسبة للصيدلة اما الطب فاحد صديقاتها اخبرتها انها تحفظ فقط و لاتشعر بانها حقا تدرس

اما المستقبل فهو بيد الله

هي تتفاءل كتتخرج ان شاء الله تفتح لان تاع العام الماضي الي خرجوا كامل فتحوا و هذي حاجة مليحة في الصيدلة راح تفتح راح تفتح مش كما الطب اذا فتحوا مناصب يبداو بالاقدم و الاختصاص يلعب دور و لا تنسى ان الطب 7 سنين و من الاحسن تزيد باش تتخصص

ان شاء الله تدي حاجة مليحة يا رب

يا اخي لا تنسى صلاة الاستخارة

فانت لا تعلم ماكتبه الله لك

Catal0ni · 2013-07-06, 23:36

بارك لله فيك أختي على الاجابة ، ان شاء لله ربي يسهلها

JACKLINNE · 2013-07-06, 23:38

انا راح ندير طب......صدلة ماعلابالكش وين راح يطيشوك
وثاني الصيدلة في وقتنا ولات تجارة ....الطب تربح الدنيا والآخرة

طالبة2013 · 2013-07-06, 23:39

اقتباس:

المشاركة الأصلية كتبت بواسطة catal0ni

بارك لله فيك أختي على الاجابة ، ان شاء لله ربي يسهلها

اخي يبقى هذا مجرد اقتراح و انت شوف ميولك الى اين

موفق

ادعيلي تصحلي المدرسة العليا

Catal0ni · 2013-07-06, 23:54

اقتباس:

المشاركة الأصلية كتبت بواسطة طالبة2013

اخي يبقى هذا مجرد اقتراح و انت شوف ميولك الى اين

موفق

ادعيلي تصحلي المدرسة العليا

ان شاء لله ربي يعطيك ماتتمناي

طالبة2013 · 2013-07-07, 00:01

آآآآآآآآآآمين يا رب

moumene19 · 2013-07-07, 00:21

اضن الطب افضل طبعا ان اكملت التخصص يعني لازم يكون عندك نفس طوييل للدراسة 12 سنة على الاقل و هي ليست سهلة و زيدلها بعض السنوات عمل في المستشفى و اكتساب الخبرة يعني باه ترخج للنور يكون عمرك في الاربعينات خخ هذا من الناحية المادية لكن لا تنسى انها مهمة انسانية بالدرجة الاولى
طب الاسنان لا يشترط انك تكمل التخصص يعني تقرا الستة سنوات نتاعك باتقان و تزيد تخدم شوية في مستشفى ولا سونطرو تكتسب شوية خبرة و اقدمية و تفتح وحدك و اذا كنت متمكن من مهنتك راح تكون فووور بزاف ماديا ..ربما افضل حتى من الطبيب المختص خخ
و هي ايضا مهمة انسانية .. لكني اراها ملائمة للبنات اكثر من الذكور
الصيدلة تقرا ستة سنوات تخرج دكتور في الصيدلة لكن الخدمة ناقصة مامدوش لاغريمون ولا يمدولك تحل في كاش منطقة نائية و اذا حليت في منطقة نائة مادخل فيه والو خخ يعني الصيدلة حاليا مليح تتخص فيها و تطور روحك اكثر و اكثر لكن قادر يرزقك ري و تفتح في بلاصة مليحة و تدخل سوارد كبار ولا تدخل في مجال تصدير و استيراد الدواء و تعود ميلياردير خخ و هكذا يعني الرزق ماتعرفش منين يجيك و طبعا هي الاخرى مهمة انسانية .. انا مداير صيدلة و درك نادم شوي و في نفس الوقت مانيش حاب نفرط فيها خخ
حكنت حاب ندير حاجة تقينة بصح رك تشوف التقني في بلادنا امور ماهيش واضحة خخ قادر تقرا في مدرسة عليا و تخرج تسوفري في شركة يمدلك زوج ملاين و قادر تخرج انجنيور من الجامعة برك و يرزقك ربي بمشروع تدخل بيه الملاير ولا تلقا افير في الخارج ولا تكمل قرايتك في الخارج ... التقني اذا درت ننصحك بالمدارس التحضيرية و بعدها البيتروشيمي او الاعلام الالي ايضا مليح
نتا صح لازم تسبب و الباقي على ربي و اذا درت واحد من هذو الثلاثة فاعلم انك وضعت سببا قويا و ان شاء الله ربي يوفقك >>>
ان شاء الله اكون افدتك

Catal0ni · 2013-07-07, 00:50

بارك لله فيك الأخ مومن ، لقد اوضحت لي نقاط مهمة .