مثلما عودتكم "قنوان دانية " كُل سنة ،، الموضوع الشامل ( الأول ) خاص بكل إستفسارات الناجحين في شهادة البكالوريا 2013..

[moumene19]

المشاركة الأصلية كتبت بواسطة la_safa

الله غآلب يآ خويآ ، وجهتي قسنطينة ..
هل لكـ باخبآري عن الفروق بين تخصصي الطب و الصيدلة
و أيهمآ الأفضل في رأيكـ !!
بمآ أنك درست الصيدلة ، آسكو هي مليحة في قرآيتهآ !!
فيهآ التطبيق !!
و آسكو الصيدلة صعيبة لهآذ الدرجة يعني مآنقدرش عليهآ !!
و آسكو تعتمد على الفهم أكثر !!

و بآركـ الله فيكـ خويآ ربي يوفقكـ ْ~

درست السنة الاولى فقط العام القادم سنة ثانية
بالنسبة للدراسة فتقريبا نفس ليموديل ليقراوهم هوما نقراوهم حنا يعني جذع مشترك و جراحة الاسنان ايضا نفس الشيء
الفرق هوما عندهم biochimie و gynetique هذو حنا مانقراوشهم و حنا عندنا chimie organique و botanique هوما مايقراوهمش
اما بقية ليموديل في زوج نقراوهم embryologie ..cytologie .. histologie .. anatomie ..physiologie ..culture ..chimie general .. math ..physique
فقط حنا نقراو شوي كثر منهم المات و الفيزيك
المشكل راهو في ليكونترول يصعبولنا بزااف
الشيردون يقراو معانا في نفس الكبية و هوما زعما نيفو طايح علينا شوي بصح اللي دخلو الراتراباج عنهم حوالي 4 او 5 بينما نحن راهي فـ70 ولا 80
التخصصين في زوج ملاح لكن الطب اذا اردتيه لازم تحطي في بالك تكملي التخصص لان الطب العام ماعندك ماديري بيه
الصيدلة عموما اذا تخرجتي بـ6 سنوات عندك فرص عمل اكثر من طبيب عام و ماديا افضل و عندك ايضا تحبي تديري التخصص بعد كونكور ريزيدانا تزيدي تقراي 4 سنوات باه تعودي مثلا تخدمي في لي لابو تاع الدواء او المستشفى المهم توجد تخصصات كثيرة و كلها ممتازة و الان الطلب عليها اصبح متزايد بحكم ان لاغريمون عادت صعيبة بزااف
يعني قضية الطول في زواج سنين طويلة باه توصل
اما قضية لحفاظة في الاول تقريبا كيف و مباعد في السنة الثالثة و طلع في زوج يعودو فيهم حفاظة كبيرة
ارجو ان اكون افدتك
//
بمعدلك اضن تقدري حتى تديري لـesi