مسابقات التوظيف 2013 /2014 ستكون على اساس الشهادة

[Tinda20]

[مطمئنة]


_________________________

je suis de ton avis ma soeur , moi perso j'opte pour le concours sur titre

bon courage

[lotfi1987]

المشاركة الأصلية كتبت بواسطة [مطمئنة]

والله والله والله ما شكلية ما تتخدم حاجة لتحت لتحت

دراسة الملف راهي تخوف الجماعة لي مالفين بلتحت لتحت

و أي غلطة رايحة تكلفهم الخوض في المحاكم (و يا ويل الناس المزورة)

صرات حكايات لتحت لتحت عندنا و الشباب درك مش كيم بكري ولاو فايقين الله يبارك والله غير دارو طعون ادارية ما نفعتش
دوروها طعون قضائية و فاتت قضاياهم على المحكمة الإدارية و تم إنصافهم

نقطتك واحد ما يقدر يغلطلك فيها

و اذا تكوني متأكدة من واحد نجح و مش من حقو المنصب أو انت أحق منه تتقدمي بالطعن للمديرية و للوظيف العمومي لي راه المسؤول عن المراقبة البعدية و موووووووووووحال يحصّل روحو في المشاكل

و كاينة اللجنة القضائية لي تتكلف بمراجعة الملفات في حال ما إذا تقدمت بالطعن القضائي و مستحيل يكون عندك حق و ما يرجعلكش

مع احترامي ليك بصح كاين ناس ياسر كيكونو على بالهم بالمعدل تاعهم 10 و ماكان لا خبرة لا والو يوليو يدوروها آآآآه باينة القائمة مخدومة وووو

حتى كيكون كتابي ما يخدمو على ارواحهم ما يتوكلو على ربي مبعد يقلك القوائم مخدومة


صح في بلادنا كاين المحسوبية بصح ديرو في بالكم سكوتكم هو لي كبّرها


كتابي والا على أساس الشهادة لي يسعى و يكتبلو ربي الرزق والله يكون وش يكون ما ينحيهالو حتى عبد


و بالتوفيق للجميع ان شاء الله

واش رايك درت طعن في المحكمة الادارية و الوظيف العمومي ،،،، تصوري حتى الرد لم يردوا علي ،،،، صدقي او لا تصدقي مع العلم انني ارسلت نسخة للاعلام للوالي و الادارة المنظمة للمسابقة ....بعض الولايات مافيهاش قانون خلاص و المسؤولين فيها مايخافوش ربي

[[مطمئنة]]

المشاركة الأصلية كتبت بواسطة lotfi1987

واش رايك درت طعن في المحكمة الادارية و الوظيف العمومي ،،،، تصوري حتى الرد لم يردوا علي ،،،، صدقي او لا تصدقي مع العلم انني ارسلت نسخة للاعلام للوالي و الادارة المنظمة للمسابقة ....بعض الولايات مافيهاش قانون خلاص و المسؤولين فيها مايخافوش ربي

اشرحلي وضعيتك بالكامل و درك نقلك

و انت ل م د والا كلاسيكي ؟؟ و وش من طور؟؟ و ترتيبك؟؟

و ان شاء الله نقدر نعاونك


خاطر انا كنت ناجحة و خلاص و قريت 4 اشهر و تم توقيفي و قلبت الدنيا عليهم

في لخر ظهرت غلطة من المديرية ما عرفوش يحسبوا معدل السنة الأخيرة و رحنا احن ضحايا (قريب 20 واحد)

و الناس في بالهم انا و لي معايا كنا مزورين والا دخلنا معريفة و وقفونا

و هي الأخطاء تقع من الإدارة

كشكينا للمحكمة الإدارية ,,,,و المديرية عندها المحامي الخاص بالمنازعات كيمد القائمة لي أشر عليها الوظيف العمومي خلاص ما عندنا حتى هدرة لي جات جات فيه

[lotfi1987]

هذا موضوع الطعن :
الموضوع: طعن في عملية التنظيم لمسابقة التوظيف لرتبة متصرف إقليمي ببلدية .....
يشرفني سيدي أن أتقدم لسيادتكم بهذا الطعن من أجل إعادة النظر في عملية تنظيم مسابقة توظيف على أساس الشهادة المنظمة من طرف إدارة بلدية .... بدائرة .... ولاية .... للالتحاق برتبة متصرف إقليمي :
تم إرسال إستدعاء لي لحضور المسابقة يوم 09 جانفي 2013 وهذا حسب ختم مؤسسة البريد والذي وصلني يوم 13 جانفي 2013 ، لكن الغريب في الأمر أن تاريخ إجراء المسابقة المدوّن في الإستدعاء هو 10 جانفي 2013 أي أنه تم تحضير و إرسال الإستدعاءات قبل يوم واحد من إجراء المسابقة ! وهذا ما كان سببا في حرماني من المشاركة في المسابقة ،و التي كان عدد المشاركين فيها لم يتجاوز 15 ممتحن فقط يوم إجراءها .
-بناءا على المادة 15 من المرسوم التنفيذي رقم 12-194 المؤرخ في 25 أفريل 2012 الصادر في الجريدة الرسمية العدد 26 من سنة 2012 التي تشير إلى قبول أو رفض ملفات الترشح .
و التي تنص على قبول إجراء المسابقة أو رفض ترشيحهم في أجل لا يقل عن 10 أيام عمل قبل التاريخ المحدد لأجراء المسابقة أو الامتحان أو الفحص المهني.

بناءا على ما سبق:
ألتمس من سيادتكم قبول الطعن شكلاً و إلغاء المسابقة لعدم تطبيق قوانين المرسوم المتعلق بكيفيات تنظيم المسابقات من جديد و قبول ترشحي للمسابقة و إنصافي بالسماح لي بالمشاركة فيها و تطبيق القانون في هذا الخصوص.

ــــــــــــــــــــــــــــــــــــــــــــــــ
علما انني ارسلت هذا الطعن قبل ظهور النتائج لأنه لا يتعلق بالنتائج و انما بتنظيم المسابقة + قالت لي موظفة في الوظيف العمومي انه اذا ظهرت النتائج لن تتغير الا نادرا + لي نجح هو عضو في البلدية الجديدة بعد انتخابات 2012 و دخل معريفة ، و بسبب هذا التأخير في ارسال الاستدعاءات كان الحضور الفعلي للممتحنين 11 شخص بالضبط حسب احد الحاضرين .

[نسمة تفاؤل]

شكراااااااااااااا على المعلومات والله يوفقنا

[كمال84]

والله يوفقنا