مساعدة

[التوحيد الخالص]

سمعت بوجود مناصب شاغرة في الصحراء الجزائرية في ما يتعلق بالتعليم هل صحيح ام لا

[soriaalg]

السلام عليكم اخي والله الذي سمعته انت انا لم اسمع به وانا في الصحراء يا اخي الناس هنا راهي على صفيح ساخن فيما يتعلق بالتوظيف صحيح كاين نقص في الاساتذة لكن لا يتم التوظيف الا بالمسابقات لهذا اذا سمعت المسابقات تقدر تقدم ملفك وربي هو الموفق ان شاء الله
زيد اسال خويا ولي كاتبتلك تديها بالتوفيق ان شاء الله

[ARIJ ELHOUDNA]

نعم اخي كاين منها خالي يدرس رياضيات هو و صاحبو و بدون مسابقة في تامنراست و قالي بلي كاين المناصب شاغرة بزاف في شتى التخصصات تروح تدي اذا حبيت ادفع ملف ثم

[فرناس وهران]

اين ذهب جامعي الصحراء ؟؟؟
ليأتي الشباب من الشمال

[ARIJ ELHOUDNA]

صديقتي من ورقلة سالتها نفس السؤال قاتلي الاكثرية عندهم ما يحبوش التعليم ونفس الجواب كان نتاع خالي

[nawal.02]

السلام عليكم
صحيح حتى أنهم داروها في الجريدة و لكن أنا عندي سؤال فيما يخص السكن كيف تتم الأمور ؟

[soriaalg]

المشاركة الأصلية كتبت بواسطة arij elhoudna

صديقتي من ورقلة سالتها نفس السؤال قاتلي الاكثرية عندهم ما يحبوش التعليم ونفس الجواب كان نتاع خالي

السلام عليكم اختي انا ايضا من ورقلة اختي لا ادري صديقتك من اين اتت بهذا الكلام ربما تتكلم عن نفسها لكن كوني متاكدة ولا بدون ما نحكي ارواحي تشوفي يوم لي يفتحو مسابقة تاع توظيف شوفي الدبزة تاكل ما يخرج من هذاك لاشان غير طويل العمر ونزيدلك انا نخدم ادماج في ثانوية والله لو كان تشوفي الدوسيات لي حاطينهم الناس على جال الاستخلاف تتغاشاي اختي انا اتكلم من المحيط تاعي وزيدي اسالي والله اعلم وفي الاخير هذي ارزاق من عند الله لو كان نكون انا في بلادي بلاك ما تصحليش وتصح لشخص اخر من بلاد اخرى لي كاتبتلو حاجة يديها
عذرا على التدخل لكن فقط حبيت نعطيك راي في الموضوع

[ARIJ ELHOUDNA]

لا اختي انا لم اقصد الكذب عليكم لا خاطر لاحضت عند صحبتي بلي ما يشلركوش في مسابقات التعليم وكاين حتى خريجي ماستر سالتها قاتلي خاطينا التعليم و خالي راح يدرس في الجنوب قتلو واعلاش مايدرسوش هما قالي مايحبوش التعليم وقالولو ثم شوف كاش ناس حابين يجو يدرسو هنا- مانزيد حتى حاجة من عندي اذا كانت هناك اسباب اخرى كتخفيف الضغط في الشمال فالله اعلم

[soriaalg]

المشاركة الأصلية كتبت بواسطة arij elhoudna

لا اختي انا لم اقصد الكذب عليكم لا خاطر لاحضت عند صحبتي بلي ما يشلركوش في مسابقات التعليم وكاين حتى خريجي ماستر سالتها قاتلي خاطينا التعليم و خالي راح يدرس في الجنوب قتلو واعلاش مايدرسوش هما قالي مايحبوش التعليم وقالولو ثم شوف كاش ناس حابين يجو يدرسو هنا- مانزيد حتى حاجة من عندي اذا كانت هناك اسباب اخرى كتخفيف الضغط في الشمال فالله اعلم

عذراااااااااااااااااااااا اختي وانا لم اقصد انك تكذبي حاشا اختي واعتذر منك ان فهمتي هكذا انا اعطيتك راي وانا من قلب الحدث وخالك ايضا لابد انه نقل الوضع لي راه فيه
عموما لا علينا اختي ربي اعلم بالنوايا وانا نيتي ان اضع هذا الشخص صاحب الموضوع في الصورة وقلت كل شيء بصدق وان كان كاتبتلو يديها يديها وربي هو الرزاق ولا تنسي اختي اننا كلنا في بلاد وحدة وهي الجزائر لا يوجد فرق بيننا لا شمال ولا جنوب
الله يرزقكم جميعا بعمل دائم اكثرو الاستغفار
((فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا يُرْسِلِ السَّمَاء عَلَيْكُم مِّدْرَارًا وَيُمْدِدْكُمْ بِأَمْوَالٍ وَبَنِين َ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا))صدق الله العظيم ، و هل أصدق من الله قيلا

[بنت النخلة]

السلام عليكم
انا ايضا من الجنوب من بسكرة والمتخرجين هنا طوابير طويلة عريضة ينتظرون جميعا مسابقات التوضيف وخاصة في التعليم لان المناصب المفتوحة عددها كبير مقارنة بالمسابقات الاخرى ..........اللهم ارزقنا وارزق الشباب الرزق الطيب
وياريت ان لا يكون التوضيف والعمل يعمل فوارق بين الشمال والجنوب فالجميع عندهم نفس الحقوق

[ARIJ ELHOUDNA]

رايحة تزعفيني صح اختي-soriaalg- .والله بالنسبة الي ماكان حتى فرق بين الجزائريين حتى تحبي تجي تخدمي هنا غندنا اهلا وسهلا-

[soriaalg]

السلام عليكم اختي اريج كلامي واضح لا ادري لماذا تزعفي واش في كلامي يزعف قلت انو لي كاتبتلو يديها فقط سواء من الجنوب يخدم في الشمال او العكس هل هذا الكلام يزعف ؟؟؟
اختي ارجو ان تقراي ردي جيدا وانتي او غيرك مرحباااااااااااااااا بكم جميعا نتمنى كااااااااااااامل تجدو العمل لي يرضيكم ويسعدكم كامل اعتذر من صاحب الموضوع خرجنا عن هدف الموضوع
بالتوفيق للجميع

[samira08]

السلام و الرحمة انا سميرة من بشار الناس كامل راه عندها مشكل العمل و في الجنوب راهم بزااااااااااااف بطالين و يتمناو يخدمو اي شيء ما تصدقوش كما يقولولكم ماراهمش باغيين يخدمو انا عن نفسي بنت نخدم اي شيء المهم نخدم ...