الى الباتنيات ...................ادخلو مستحقتكم

كلتومة01 · 2013-04-27, 15:19

السلام عليكم خواتاتي

بغيت نسقسيكم على لا صوص نتاع شخشوخة ......كيفاش طيبوها بلتفصيل الممل ...........على خاطر انا نديرها بصح

متجينيش بنينة

ربيييييييييي يهنيكم

أم محمد تاج · 2013-04-27, 15:37

من عيوني حبيبتي كلتومة: شوفي هي تحب البصلة والثوم بزاف يعني مثلا ل4 أشخاص ديري 2 حبات بصل كبيرة مرابية مع راس ثوم كبير و3 حبات طماطم حمرة كبيرة أرحيهم مع بعضاهم وزيدي 2 مغارف كبار طماطم مصبرة ومغرف كبيرة هريسة و2 مغارف زيت حطيهم مع أطراف اللحم يتقلاو مع فلفلة حارة ومغرف كبيرة كسبر و2 مغارف كبار راس الحانوت ومغرف صغيرة فلفل أسود قليهم مليح مع اللحم ومبعد مرقي وطيبي اللحم تاعك ولازم ماتجيش مايهة بزاف وماتجيش خاثرة بزاف وطيبي الحمص تاعك بجيهة والبطاطا كي تنحي اللحم طيبيها نص طياب في المرقة ومبعد عاودي حمريها في الزيت وحمري اللحم تاعك وغلي البيض وزينيها كي تسقيها بأطراف الزبدة الحرة ونشالله نكون وفيت

كلتومة01 · 2013-04-27, 15:42

قوليلي ام محمد تاج لحمص متقليهش مع لول
+
كي تسقي شخشوخة تسقيها برك من لفوق كيما لكسكس ولا كيفاش .على خاطر انا كي نسقيها تجيني ناشفة من لداخل ؟؟

أم محمد تاج · 2013-04-27, 15:59

لالا حبيبتي اولا الحمص كي يتقلى راه مايطيبش مبعد من الأحسن طيبيه في ماء وملح في كوكوط ومبعد نحيه وضيفيلو المرق وغليه في المرق تاع الشخشوخة بصح وحدو أحسن
والشخشوخة كي تجي تسقيها حطي شوي مرقة في الصحن وزيدي حطي الشخشوخة وطبقة مرقة وطبقة شخشوخة حتان يتملا الصحن وماتخلطيش وبالسياسة باه ما تتعجنش ومبعد زيني كيما تحبي

كلتومة01 · 2013-04-27, 16:08

واش نقولك يا ختي ربي يهنيك ويسترك ويفرحك بوليدك .......راني كي نديرها نبعتلك حقك اوكي

أم محمد تاج · 2013-04-27, 16:12

هههههههههههههههههههههههه نشالله حنونتي وربي يعيشك يالغالية كاشمة تحبي حاجة تاع الشاوية راني هنا حنونتي