الدّورَةُ آلصَّيْفِيَّة 1as ~ طَرِقُ الإِبْدآآعْ ~ [ عُلُوم و تِكْنُولُوجْيـآآ ]

[أنثى للخير مبادرة]

المشاركة الأصلية كتبت بواسطة نعمة القدوس

التكنولوجيا تقرااوها غير في الأولى

ومبعد ماتزيدووش تتلاقااو بيها بالنسبة اللي يدييييرو علوم تجريبية ههههه >> كيما أنا بإذن الله

+ كيفاش تقصدو بالحجم الساعي ؟
تحبوو نصورلكم التوقييت تاعي باه تشوفووه ؟

ناوية نروح علوم تجريبية ..... alors نتهنى منها

المشاركة الأصلية كتبت بواسطة ~| استبرق الريحان |~

بالنسبة للتكنلوجيا هي مادة من المفروض ما تحطوهاش مادة اصلا الساعات حسب ما اتذكر 3 ساعات
2 ساعات عملي و ساعة نظري.
تقدروا تقولوا هي حصة تع املاء وحسب من يدخلوا وهم يمليو علينا .
و فروضهم واختباراتهم سهلة جدا ..

انا عن نفسي ما كنتش عاطيتها اي اهتمام ++ هي مادة يزيدولنا في النقاط فيها لكن احنا قريب نرفضوها يعني خايفين نديو معدل مليح فيها يبعثونا تقني رياضي كل المعلمين قالولنا هكا

آه ...شكرًا على الإفادة

[سيريناد]

ايييه 2سا تطبيقي و 1سا في القسم

مادة زياادة

[~| استبرق الريحان |~]

المشاركة الأصلية كتبت بواسطة نعمة القدوس

بالنسبة ليا

أنا قريت التكنولوجيا كيما قريت الرياضيات

قتلت رووحي فيها

بالصح كنت نجييب ما بين 16 و17 المعدل فيها على ماأظن. ههههههههه

++ جاري البحث عن الصورة ^^

ههههه لالا انا الرياضيات وحدها صح صعيبة شوي لكنها ممتعة خاصة الدوال بانواااعها

ما نكذبش عليك صح في الاول قلقت من الهندسة الكهربائية لانها اصعبهم فيها قوانين بزاف شبت فيها وانا نراجع وممبعد اعطاني 14 في الفرض
هبلت مي ممبعد جات الهندسة الميكانيكية وحد المعلمة تعطي النقاط حسب العقولية ههه .

نصيحة ليكم في الثانوية لازملكم اللسان الحلو مع المعلمين بش يمدولكم مراقبة مستمرة ملاحة .. ربي يعينكم

[نعمة القدوس]

رآنــــي جييت

وجبت التوقيت تاعي، أعتذر عن الصورة غير الظاهرة بسبب أنه معلّق في الباب >> لدرك مازال معلّق

والصورة التقطتها في بداية العام هههه


المهم، هاهو :

[hanna25]

السلاآم عليكم
نعمة قامت بالواجب
بصح نشوف فيها قتلتكم بقلبكم
أنآآ والله كان أحلى عام نقراه في حياتي
قسم رائع
قراية عادية
يعني منقلكمش أرقدو زارواحوا تديو
بصح لازم المراجعة
بالنسبة لي العلوم كانت ساهلة يعني شوي مراجعة
شوفوا هي تعتمد على التحليل كثيرا
كيما تدخلوا يركزولكم على التحليل لانو هو لرح تكملوا بيه العام كل
بل 3 سنوات
عندكم الفيزياء انا قالولي ماكالاه تعولي تعدلي 10 ولميديرش ليكور راحوا 000
كي دخلت قالتلي ماما روحي ديري ليكور رفضت ومحبيتش وقلت نخدم بمخي
شوفو كنا نديروا الدرس نركز مع الاستاذة وعشيت الفرض ولا الامتحان كنت نقرا ليسوجي في واحد الموقع بيهم بالحلول
الغدوا نروح نعقب كانت أدنا علامة عندي 18
وحطتهالي الاستاذة ظلم بح ميكونش مستواي بعيد على لخرين
المهم منبعد نكمللكم حوصلة على باقي المواد
وكشما تحتاجوا راني حناآآ
ايي تفكرت التكنولوجيا حسب الاستاذ لطيحو عندوا انا مقريتهاش بح ميطلعونيش تقني بصح معدلي جا 19 لانها كانت سهلة بالنسبة لي في هندسة طرائق مدتلنا ثلاث ورق مليناحم على الاسبرين وجامي قريناه بصح شكون لميعرفش فوائد ومضارو جامي قريتو الورقة تاعو هههههه
بالاضافة لاسئلة أخرى كلها على الماء واشياء هكا كانت حفاظة وفهامة
في الفرض درت لفهامة وراحتلي على لحفاظة ديت 16 والامتحان خدمتو كل ديت 19.5
لانو ممنوع 20 في التكنولوجيا
نروح وكشما تحب تسقسيو هيااا

[سيريناد]

عاام دراسي راح تتعلمو فيييه بزااااااااااااف حوااايج سواء في المجال الدراسي او حتى الاجتماعي و النفسي

[~ حِـكــآيةُ حُ‘ـلمٍ ♫]

... يعطيكم الصحة لبنات

شوقتوني ندخل نقرا

[نميرة 08]

ههه ليه ليه يا ملاك
أترقبي النتائج ومبعد ساع

[سيريناد]

واش راكم متوقعين نتائجكم في الــ bem ,,!!!

[نميرة 08]

لا تعليق ،، حسبي الله

[سيريناد]

لم افهم قصدكي اختي .... خير ان شاء الله

[الذِكرَى البَيضآء~]

كيما قالت ملاك شوقتونا للدراسة
ممكن تعطوني الايات و السور تاع التبية الاسلامية ليقريتهم
و شكرا

[arenouba]

شكر للأخ بحر ثائر على إعادة فتحه للموضوع
و نذكر مرة أخرى بأن الدردشة ممنوعة [ تفاديا لغلق الموضوع مرة أخرى ]
الدرس الأول في الرياضيات
مجموعات الأعداد :
مجموعة الأعداد الحقيقية :
هي مجموعة أعداد يرمز لها بـ R ، و لكي نتذكر هذا الرمز نحول كلمة حقيقية إلى Réelle فنلآحظ أن الحرف الأول هو R ، و هي تضم جميع الأعداد دون إستثناء
مجموعة الأعداد الطبيعية :
و هي مجموعة أعداد يرمز لها بـ N ، و لكي نتذكر هذا الرمز نحول كلمة حقيقية إلى Naturelle فنلآحظ أن الحرف الأول هو N ، و هي تضم أعدادا مثل : 0 , 1 , 2 , 3 , 4 , 5 , 6 , 7 ......... .
مجموعة الأعداد الصحيحة النسبية :
و هي مجموعة تضم أعدادا نسبية سالبة و معدومة و موجبة و نرمج لها بالرمز Z مثل : 6- ، 5- ، 4- ، 3- ، 2- ، 1- ، 0 ، 1 ، 2 ، 3، 4 .........
مجموعة الأعداد الناطقة :
الأعداد الناطقة هي أعداد يمكن كتابتها على الشكل : p/q حيث p عدد صحيح نسبي و q عدد صحيح نسبي غير معدوم ، و نرمز لها بـ Q
العدد العشري هو العدد الذي يمكن كتابته على الشكل P/10² حيث p عدد صحيح نسبي و n عدد طبيعي و يرمز لها بـ D
(² هي n في الحقيقة كتبتها هكذا لأنه لا يمكنني كتابة n على شكل قوى )
و كل عدد ناطق يتميّز بكتابة عشرية تتضمن دورا ، أمثلة :
23/7=3.285714285714285714
17/11=1.54545454545454
1/2=0.5000000000000
يمكننا إختصار هذه الكتابات العشرية الدورية كا يلي :
23/7=3.285714
17/11=1.54
1/2=0.50
كل عدد ناطق يقبل كتابة وحيدة على شكل كسر غير قبل للإختزال p/q حيث p و q عددان صحيحان نسبيان و q غير معدوم .
مقارنة مجموعات الأعداد :
كل اللأعداد الطبيعية هي أيضا أعداد صحيحة نسبية يمعنى : N جزء من المجموعة Z
نكتب : NcZ
ملآحظة c هو عبارة عن رمز يشبه الحرف c لكن حوافه أكثر إعوجاجا سأحث عنه و سأضعه
أكثر شمولية :
NcZcDcQcR

يتم إكمال هذا الدرس في الغد إن شاء الله

شكرا لأي شخص يضع أي إضافات

[arenouba]

لون بالأحمر المجموعات التي ينتمي إليها العدد 1/7 [ يقرأ : واحد على سبعة ] :

z
n
r
d
q

[« شَيمآءْ »]

ما معنى الاعداد الصحيحة .؟
ا
و ايضا لدي سؤال اخر : الاعداد الطبيعية : لا تحتوي على فاصلة صح ؟ ماذا عن الاعداد النسبية ؟