من فرض هذا الدين او العادات؟؟؟؟؟؟؟؟

[الحياة نجاح]

المجتمع مايرحمش هدا ماتعرفواا ههه
انا بانسبة لي منروحش عند زميلاتي انا اصلا انحب نقعد في الدار .......... انعيطلهم برك في الهاتف ولى نتلقاو في العرس ههه

[soso sirin]

نقلك حاجة اختي حنا في الدار والله عاطيينا حرية معنتها نروحو وين بغينا و مايقولوناش علاه تروحو وعلاه ترجعو ولا يسقسونا معامن هدرنا و لا معامن تلاقينا وحتى الميكرو والله حاطينو في لاشومبغ عندنا مي عمرنا في حياتنا مادرنا حاجة تزعفهم معنتها انا مقيميني و عاطييني حريتي مي لازم كل مانروح ندير حاجة نخمم فيهم معنتها عارفة بابا يتقلق كون نروح عند وحدا هو مايعرفهاش انا مانروحش و صحاباتي كامل عارفينهم لاني حاكيتلهم عليهم و جاييني كام للدار معنتها ثقة و نروح ليهم كي تكون حاجة نيشان و لا نتلاقاو كي نتوحشهم بزاف في البلاد و حتى النت هوما صح دايري فينا ثقة مي دايمن يهدرونا عليه و دايمن يوصونا و هذا كامل من الخوف تاعهم و كل مايهدرو معانا خواتي الرجال يولو يوصو حتا نتقلق منهم كي نزعف منهم يقولولي نتوما ماراكم عارفين والو.شوفي هي كل مازاد الشيئ عن حده انقلب الى ضده معنتها وحدا كي تبغي دير حاجة والله و تبات تعس فيها ماتقدرلهاش معنتها واحد يربي بناتو صح و يصاحبهم و يعلمهم يخافو عليه ماشي منو تم والله راح يضمن بناتو

[شهد حنان]

السلام عليكم
أنا لا ارى مشكلة في ذلك مادامت الزيارات تكون في وقت ملائم فما المانع من وراء ذلك فكل من قال بأن وراء صديقتي حدثت المشكلات فهي تستطيع بذلك ان تتحجج بالعمل لتفعل اشياء كثيرة هو امر يرجع للتربية والاخلاق
كما ان الزيارات لابد ان تكون في حدود لا افراط ولا تفريط وحسب رأيي لا مانع منها

[amina2688]

المشاركة الأصلية كتبت بواسطة الحياة نجاح

المجتمع مايرحمش هدا ماتعرفواا ههه
انا بانسبة لي منروحش عند زميلاتي انا اصلا انحب نقعد في الدار .......... انعيطلهم برك في الهاتف ولى نتلقاو في العرس ههه

مشكورة اختي على المشاركة

وعلاه صحباتك من نفس فميلتك حتى تتلاقوا في العرس؟؟؟؟؟؟

مشكورة اختي العزيز الحياة نجاح واتمنى ان ننجح في هذه الحياة

[الاخت الكريمة]

سلاموووووووووو
حكايتك ياختي كاينة منها عندنا
بصح يظهرلي معندها حتى علاقة بالدين مهيش حرام باش تشوفي صحباتك
كتقوليلي عادات وتقاليد نقولك ايه
خاصة لتسكن بعيد لازم تباتي عندها واذا كان
عبادكم كما عبادنا متحلميش باش تشوفي صحبتك
والله العظيم لازم نحترمو واش يقولو كبارنا
شكراااااااااااااا