ارشدوني قبل ان..

[السيدة اسيا]

صديقتي مليح لي راكي في اول الحكاية اقطعي علافتك بيه ضوك خير من توصلي لطريق مسدود و تتطور الامور الى الاسوء طبعااا نتي عندك 18 سنة برك معناها مازالك صغيرة ...قوي صلتك بالله تعالى

[سجل أنا جزائري]

أختي أنصحك أخطيك أخطيييك من طريق هذي راح تغضبي ربي و تخوني ثقة والدييك

ما تبعيش الناس كيا يديرو يدرو

راكي مزلتي صغيرة و زميلك مزااااال صغير ثاني في رأيك وكتاه تتزوجو ؟؟ اذا فرضنا مثلا ما صرى على الأقل 5 سنين ؟

هل تضمنين أنه لا يحدث أي شيء في 5 سنين ؟ و تبقى علاقة عفيفة ؟ اذا قولتي ممكن راكي تكذبي على روحك

لو مثلا بعد حب طووويل جدا و جاء وحد خر خطبك و ما يعيب عليه أي شي ؟ هل ترفضينه ؟ هل ترفضين واحد جاك من الباب من أجل حب لا تعرفين هل سيكتمل ام لا ؟

jتخيلي بابك يفيق بيك كيف سيكون ردت فعله ؟ أقل شيء يوقفك من دراسة هل انتي مستعدة لتخلي على دراستك و أخلاقك من أجل حبيبك المزعوم ؟

أختي الدنيا مش سهلة و خاصة ذرك اللي ما يصبرش و يشد في ربي يده الواد

أقرائي القصص كثير كثير كثير من البنات فقدت شرفها و منها من بقيت عانس لأن تخلى عليها حبيبها في أخر لحظة

بروفيتي من الفرصة عندك بزاف ما حكيتيش معاه ما توليش ليه و أكدلك أنك راح تنسيه بإذن الله و تولي تضحكي على روحك كي

تكبيري ,

ربي يوفقك في الباك أختي

[Mary choy]

المشاركة الأصلية كتبت بواسطة عبد العزيز البدري

الحل كسري لا بيس وغيريها وحاوني انك لا تفكري فيه

وواش دخل لابيس هذي راهي تشوفه كل يوم

وهو مادرلهاش الموس عند رقبتها وقالها احبيني

اللي تشوفه خير لها هذاك الصح

[khawla MI]

سبحان الله حنا لبنات هاكا خلقنا ربي الهوا اللي يجي يدينا احنا لبنات عكس لولاد نخمو بقلوبنا و هدا اللي ادا كثير من لبنات للهلاك بصح سبحانو مدلنا عقل أه واش رايكم نخدموه اليوم أخيتي بالله عليكم قولولي واش هادا الحب اللي في 18 واش هادا الحب أصلا اللي قبل الزواج هاداك اللي راكي تسميه حب ياو ماهوش حب هاداك أنا عندي ماهو الا حب غريزي يقذفو الشيطان في قلوب الضعفاء لأنهم بهدا ما يحبو حتى يعصو الله و العياذ بالله و كيما بدات من التيليفون الله أعلم وين راح توصل ربي يستر علينا و على بنات المومنين آمين و حبيتك اتديري قول الشافعي رحمه الله بين عينيك اللي قال :
إذا حار أمرك في معنيين

ولم تدر حيث الخطا والصواب

فخالف هواك فإن الهوى

يقود النفس إلى مـا يعــاب

[lilou f lilou a]

ربي يسهلك اختي

[نهال نهال]

اختي الكريمة خليك من هذا اللعب نتع الذر اخطيك هذه مجرد افكار تجيك وتقول الحب مليح والبنات كامل راهم يديروا هك صحيح في بديت امر جيك شعور غريب ونقدر نقول جميل لكن في الاخير كي تتصدم بالواقع متتطفر فيك غير انتي ومتغضبيش ربي منك منشان شاب ميستهلش خليك منه والمستقبل مازال امامك ومزلتي صغيرة على هذه الحوايج خالي هذه الحوايج على الله سبحانه وتعالى ومتعرف ممكن كي تكبير يعوضك ربي باحسن منه بصح في الحلال وقدام الله والناس كامل و في النور مش في الظلمة والدرقة وهدرت في التليفون بسرقة كلي عاملة جريمة لازم متقبليش هذه الاشياء على روحك باها تحسي دائما بلي انت انسانة غالية وشريقة عند روحك مش تحسي بخوف والاهانة والذل صدقيني مكانش قد الفتاة الحرة الشريفة لي معندهاش قيود او ماضي اسود يلحق فيه لازم تخلي روحك صفحة بيضاء مش صفحة لي جاء يخربش فيها كيما يحب واتمنى تكون نصحتي مفيدة على اقل شوي والله المستعان

[صُبح الأندلس]

بما أنك استنصحت الكبار فسننصحك على أن تعملي بها
يا أختي أنت الآن في سن الزواج اما هو فلايزال صغيرا جدا على الزواج ، أمامه 10 سنوات على الأقل فهل تنتظرينه ؟ بل أخبرك شيئا خلال هذه السنوات التي ربما تقنعين نفسك بانتظاره ستكتشفين أن مشاعرك نحوه بردت بل لن تشعري بأي شيء بمجرد تجاوز فترة المراهقة و هو كذلك سيكتشف ذلك فلم تعذبين نفسك ؟ إذن انسي الأمر و تفرغي لدراستك و لا تفكري فيه أبدا