الرجال و موضوع الخيانة

[~~ نَــدَى الــرَّيــحَ ـــــآن ~~]

المشاركة الأصلية كتبت بواسطة سارة البوسعادية

والله هذو المواضيع يجيبو غير المشاكل علابالي
بصح كاين سوء تفاهم هو احتمال مش يخون فيك مي كي لقا عندك هذي الفكرة توسوس
يقلك بلاك راها تمعني لانها شكت فيا

شوفي سارة هو طبعو اصلا هاك غيور و مشكاك
يعني عادي جدا كي جات في بالو هاذي الافكار
لكن لازم نحيهملو

[حمدا لله كثير]

المشاركة الأصلية كتبت بواسطة amina2688

السلام عليكم ورحمة الله وبركاته
رغم انو لا تجربة لي الا اني ارى ان المراة تستطيع المناقشة في موضوع الخيانة مع زوجها لانها ممكن تتقبلها صح تغيض ولكن تقدر تسامح

لكن الرجل لا يستطيع ان يتقبل فكرة كهذه لنها لا داعي للنقاش فيها فالمسالة محزومة وغير واردة...........

لذلك نجد المراة ممكن تشك في زوجها وتبقى عادي مسيرة حياتها بينما الرجل بمجرد الشك يستوجب هدم العائلة...............
والله اعلم
شكرا

رايك 100 بال 100 صواب و انا معاكي اختي

[حمدا لله كثير]

المشاركة الأصلية كتبت بواسطة angel_zahra

شوفي سارة هو طبعو اصلا هاك غيور و مشكاك
يعني عادي جدا كي جات في بالو هاذي الافكار
لكن لازم نحيهملو

هو غيو اختي اتي تاني بشوية عليه اكي فاهتلوا العقلية


مع انوا انا اني موافقتك في رايك و اني حاسة بيكي " وكانوا وسوسك من ردت فعلوا الزايدة "

مع انوا قادر يكون صافي و الله غالب هدي هي عقليتوا في الموضوع هدا

[soso sirin]

مرات احنا نديرو المشاكل لرواحنا يا اختي انتي مازال حتا ماتدخلي دارو راكي تخممي في الخيانة نوغمالمو راكي في مرحلة تهدرو فيها على الشي الي يخليكم تزيدو تقربو من بعضاكم ماشي العكس و زيد والله مرات شي مواضيع مامنها حتا فايدة انتي دايرا فيه ثقة هو تاني علاه تهدرو على حاجة كامل مكانش.الله غالب الوضع رجع صعيب و انتي تزيدي تهدري في موضوع راه صاري منو العجب و راكي قلتي راه بعيد عليك كاين شي مواضيع واحد مايهدرش عليهم خير لانهم يفتحو عليكم ابواب جهنم و يزيدو الشك.ماتكونيش كيما الي مازالت كامل ماتتزوج و تخمم في الطلاق و ربي يهنيك و يفرحك ان شاء الله

[~~ نَــدَى الــرَّيــحَ ـــــآن ~~]

يا بنات فوق يدي لانو انا رغم انهو يخدم في بلاصة ربي يستر منها الا انني مدايرة ثقة في ربي اولا و في نفسي ثانيا و فيه هو ثالثا
لكن مرات والله نتوسوس مرات نكون معاه و يخزر البنات فما بالك كي يكون وحدو؟؟؟؟
و هو ديما يقرا فيا النقص و يشك فيا و يقلك السفيه يقرا مافيه
و لي فيه العيب هو لي يقراه في الناس

عييت نفهم مقدرتش

[soso sirin]

حبيت نسقسيك حاجة اختي انتي تعرفيه ناس ملاح تعرفيه خاطيه اما على الشوف يا اختي حنا رانا بنات و نشوفو علاه الكذب وحدا تفوت عليك معجبة في عمرها و الله انتي طفلة تشوفي فيها ماشي حتا هو راجل و حنا مانقدروش نعرفوه خيرمنك انتي الي راكي شايفاتو و تعرفيه مليح ربي يهنيك و يريحك اختي

[~~ نَــدَى الــرَّيــحَ ـــــآن ~~]

هو بكري كان طوايشي بلبزاف و عرف في حياتو بزاف بنات
لكن من وقت عرفني منيش عارفة حاساتو تبدل لانو قبل ما نحبو بعض رانا جيران و ملاحظة تصرفاتو و مام خواتاتو شاهدين بلي شوية بدا يثقل
منعرف لا صح ولا لالا
هو ديما يقلي بلي ادا خانني راح يعيطلي على البلاص و يقلي و انا مشجعاتو على هادي الخطوة لكن منقدرش نتخيل انها تصرا

[soso sirin]

اختي والله كاين رجال بزاف كانو خفاف و عرفو بنات بزاف مي كي خطبو ثقلو و لاو راكزين و راهم دايرين نساهم في عينيهم انتي اذا حاساتو راه مليح و مادارش حاجة تخوفك نحي هاذي الافكار من راسك لانو الشك راح يقتلك و يكرهلك حياتك و زيد ان شاء الله مايخونك مايعيطلك لانو كون يعيطلك تقتليه الهدرة حاجة و الفعل حاجة وخدخرى لهلا يشوفك في الخيانة اختي والله حاجة صعيبة بزاف انا ماسسيتهاش و ان شاء الله مانسييها مايسييها حتا واحد

[بين الحقيقة و السراب]

اختي زهرة من حقك تعرفي طريقة تحليله لبعض المواضيع
و ربما نهنيك على حاجة.... أظن أنه "يغير عليك بزاااااف و الله اعلم"
على كل "الباب لي يجيك منه الريح سده و استريح"
و انصحك اختي بالتقليل من الاتصالات الهاتفية لما لها من السلبيات أو على الاقل لا تطيلي الحديث لانكما في اول الطريق
نسأل الله أن يجمع بينكما في القريب العاجل و ان يرزقكما السعادة و الهناء
آآآآآآآآآآآآآآآمين

[ميمي2012]

أختي العزيزة يمكن مناقشة هذه الأمور ولكن يجب أن نختار الوقت والأسلوب المميز
كيف ذلك أعطيك مثل من تجاربي :
كنا نتحدث عن مثل هذه الأمور وعن الحلال والحرام ولماذا الإنسان يلقي بنفسه إلى التهلكة
خصوصا الرجل المحصن وهو لذيه البديل وزد على ذلك له حور لعين فوالله مجرد أن الرجل يفكر أن جزائه حور العين
عليه أن يحافض على هذا الجزاء العظيم زوجة في دنيا وحور عين في الأخرة ، فإن لم ينتبه لهذا فهو الخاسر
المهم عزيزتي في ضل هذا النقاتش قلت له بهذا الأسلوب والله إن في يوم من الأيام زلقت عينك ورجلك ورحت لهذه الطريق والله غير
تغيض أنا واش رحلي فيك أنت الي تتشوى في نار جهنم
فهمتني لزم توصليلو بلي هو الخاسر
وزيد تفهميه بلي أنت عفيفة ولا يمكن تفعلي هذا رغم أنه فعله ولكنك تخافي من عقاب الله وممكن من جراء أفعله ممكن يوقع عليكم البلاء إلى مشي أنت الي تخونيه ممكن في الذرية نتعه وتقليلو إتقي الله فينا
وبهذا يكون النقاش بناء ومفيد ومن غير خصام وتخرجي بنتيجة
تخليه دئما يفكر في هذه الكلمات التي قلتها ولا ينقلب ضدك بل يحترمك ويقدرك ويحاول أن يكون في المستوى
وربي يحفضنا ويستر علينا أجمعين نساء ورجال ويوفقنا ويسدد خطنا إلى كل ما يحبه ويرضاه

[maiar]

نععععععععععععم و ديجا هدرنا في هذا الموضوع و تناقشنا عادي جدا

[citizen]

والله لقد كان متساهلاً معكي فبقفله الهاتف كان طيباً جداً و الله لو كنت أنا لتنازلت عليك للأبد فأنصحكي أن لا تثيري مثل هاته المواضيع مستقبلاً و أرجو لك التوفيق

[عبد العزيز البدري]

من لافضل الحكم الشرعي في تكلم الخاطب مع خطيبته في الهاتف وبعدها اسئلي عن هاته المواضيع
الانه من اسباب المشاكل تكلم في الهاتف

[~~ نَــدَى الــرَّيــحَ ـــــآن ~~]

المشاركة الأصلية كتبت بواسطة عبد العزيز البدري

من لافضل الحكم الشرعي في تكلم الخاطب مع خطيبته في الهاتف وبعدها اسئلي عن هاته المواضيع
الانه من اسباب المشاكل تكلم في الهاتف

الرجاء الاجابة على قدر السؤال و عدم الخروج عن الموضوع

[سجل أنا جزائري]

ما عنديش مشكل نتنقاش في مواضيع هذي لأنو نعرف روحي

بصح نتي من هدرتك بالك وسوستيه لو كان خانك ما يقولكش كون تخونيني نقتل روحي هذا دليل موضوع الخيانة عندو شيء عظيم

ربي يهنيك أختي