لسهرات رمضان الكريم مقروظ السنيوة بالخطوات المصورة

[ام اماني77]

بسم الله الرحمان الرحيم

السلام عليكم اخواتي في الله

وصفة اليوم عبارة عن مقروظ السنيوة وصفة سهلة والنتيجة اكثر من رااااائعة بالنسبة للطريقة نفسها في قاطو المنقوشة لي سبق وادرجتها فقط نغير عجينة الصابلي بعجينة المقروظ

راح نقص فقط شوية من كمية السمن نعمل 3 كيلات ونصف سميد بكيلة سمن حتى يحافظ على شكله ومايتفتتش بعد الطياب وكاين لي يعملوه 4 كيلات بكيلة سمن جربته صراحة ماعجبنيش يجي يابس شوية بدون اطالة نخليكم مع الوصفة والخطوات المصورة

المقادير:

الكيلة المستعملة كاس مل250
ثلاث كيلات و نص سميد متوسط انا استعملت سميد سميد مولا
كيلة سمن ذايبة وباردة
نصف ملعقة صغيرة خميرة حلوى يعطيه هشاشة وممكن نعوضها بكمية قليلة من البيكربةنات
ملح
خليط من الماء وماء الزهر انا استعملت حوالي ثلاثة ارباع الكيلة وهذا حسب نوعية الدقيق المستعمل

الحشو:

ثلاث كيلات لوز مرحي أو كاوكاو
كيلة سكر
ونجمع بماء الزهر
ممكن نستعمل الغرس
نضيف له القليل من القرفة

الطريقة:

نضع السميد مع الملح والخميرة والسمن يكون ذايب وبارد نحكو باليد جيدا

نغيطه ونخليه لعدة ساعات او ليلة كاملة
بعدها نشمخو بماء الزهر دون عجنه كما نعمل في المقروط العادي
في هاذ الوقت نحضر الحشو هو نفس الحشو لي نستعملو في البقلاوة
نخلط السكر مع اللوز ونضيف ماء الزهر والفاني

نقسم العجينة الى قسمين

نبسط العجينة الاولى على ورق الزبدة

نضعها في البلاطو

ثم نضع فوقها الحشو ثم نبسط الكويرة الثانية ونضعها فوق الحشو ونعدلها

نقطعه مقروضات وننقشه ونزينه بالعقاش واللوز او حسب الرغبة

ندخله للفرن على 180درجة ونخليه يطيب لان سر نجاحه في الطياب مالازمش يبقى اخضر من الداخل

بعد ما نخرجه من الفرن نسقيه وهو سخون بالعسل مخلط مع شوية ماء الزهر لازم العسل بارد والمقروظ سخون ونخليه يتشرب

انا استعملت حوالي 750غ

بعد مايبرد ويتشرب العسل اذا لقيته ناقص عسل نزيدله
بعدها نقطعه ونقدمه بالصحة والهناء

عن قرب امممممممم

https://

ملاحظة:

قياس البلاطو المستعمل 24على 28سم والكيلة هي كاس بحجم 250غ
العسل نخففه بكمية قليلة من ماء الزهر وكميته العسل على حساب حجم البلاطو
من الاحسن الحشو مانوصلوش لحواف الصينية حتى لا يحترق
يمكن اسبدال اللوز بالكاوكاو او الغرس
الطياب على نار متوسطة حتى يطيب من الداخل حوالي 45د او اكثر على حسب الفرن

ان شاء الله تجربوه لان ساهل وذوقه رهييييييب

غتالياتي انا بحاجة لدعائكن لابنتي اماني بالنجاح وبتيسير الامور جزاكن الله كل خير

تم بحمد الله

[ام محمد و ملاك]

ما شاء الله روعة و سهلة يعطيك الصحة سؤال من فضلك
زوجى يحب المقروض غير بالغرس نقدر نستخدمو او ما يصلحش

[خيط الروح]

يعطيك الصحة والعافية
ما شاء الله
ربي يحفظ اماني وييسرلها امورها ان شاء الله

[fleur de lili]

tesslem ayadi
rabi ysserk fi jama3 oumork oua unajeh amani aminnnnnnnnn

[ام اماني77]

المشاركة الأصلية كتبت بواسطة ام محمد و ملاك

ما شاء الله روعة و سهلة يعطيك الصحة سؤال من فضلك
زوجى يحب المقروض غير بالغرس نقدر نستخدمو او ما يصلحش

اهلا غاليتي

شكرااا لمرورك الرائع


اكيد نقدر نغير المكسرات بالغرس نجنه بشوية ماء الزهر ززبدة زنضيف كمية من القرفة

لكن بالمكسرا ت طعم اخر روووووعة يشبه في البقلاوة ذوق رهييييب وحتى بالغرس بنين

[ام اسماء واويس]

تبارك الله دائما ومبدعة وغير الجديد يعطيك الصحة مفيهش تعب حبيت نسقسيك على هذي
نصف ملعحيق ت لوكيلاة صغيرة خميرة حلوى

خلط من الماء انا استعملت حوالي ثلاث ارباع الكيلة وهذا حسب نوعية الدقيق المستعمل

الماء وحدو ولا مع ماء الزهر والخميرة مفهمتش الكمية

[نجوم البحر]

بارك الله فيك ربي يعطيك ما تتمناي

[houda2006]

هايل و ساهل شكراااااااااااا

[أم محمد تاج]

رائع رائع الله يعطيك الصحة وربي ييسر اموووور بنتك اماني وينجحها يارب

[ام اماني77]

المشاركة الأصلية كتبت بواسطة ام اسماء واويس

تبارك الله دائما ومبدعة وغير الجديد يعطيك الصحة مفيهش تعب حبيت نسقسيك على هذي
نصف ملعحيق ت لوكيلاة صغيرة خميرة حلوى

خلط من الماء انا استعملت حوالي ثلاث ارباع الكيلة وهذا حسب نوعية الدقيق المستعمل

الماء وحدو ولا مع ماء الزهر والخميرة مفهمتش الكمية

اهلا غاليتي وشكرااا على التنبيه

والله النت هبلتني اليوم مافهمتش واش راني نكتب تروح وتجي لذلك اغلب الوصفات لي نحطهم في المدونة ونحب نحطهم هنا نلقى اخطاء نعاود نعدل

الخميرة نصف م ص فقط وممكن نعوضها بشوية بكربونات تعطيه هشاشة

ونلم بخليط من الماء وماء الزهر

الف شكر مرة تانية ضرك نعمل تعديل

[ام اماني77]

شكرااا غالياتي نورتو الموضوع

[ام اسماء واويس]

شكرا بارك الله فيك وجزاك الله كل خير

[05Mayssem]

باين هايل درت النقاش نتاعةك في عرس بنت خالتي وجاني يهبببببببببببببببببببببببببببببببببببببببببببببببب بببببببببببببببببببببببببببببببببببببببببببببببببب ل يعطيك الصحة

[Aya69]

يعطيك الصحة حبيبتي ام أماني ماشاء الله ربي يحفظك ويجازيك كل خير على كل شئ حطيته تعلمنا منك حوايج بزاف ان شاء الله يجعلها في ميزان حسناتك يارب العالمين
وان شاء الله ربي يوفق بنتك وينجحها وتشوفيها في مراتب عليا يارب وانت يسعدك دنيا وآخرة ان شاء الله

[غزالة الصّحراء]

المشاركة الأصلية كتبت بواسطة ام اماني77

بسم الله الرحمان الرحيم

السلام عليكم اخواتي في الله

وصفة اليوم عبارة عن مقروظ السنيوة وصفة سهلة والنتيجة اكثر من رااااائعة بالنسبة للطريقة نفسها في قاطو المنقوشة لي سبق وادرجتها فقط نغير عجينة الصابلي بعجينة المقروظ

راح نقص فقط شوية من كمية السمن نعمل 3 كيلات ونصف سميد بكيلة سمن حتى يحافظ على شكله ومايتفتتش بعد الطياب وكاين لي يعملوه 4 كيلات بكيلة سمن جربته صراحة ماعجبنيش يجي يابس شوية بدون اطالة نخليكم مع الوصفة والخطوات المصورة

المقادير:

الكيلة المستعملة كاس مل250
ثلاث كيلات و نص سميد متوسط انا استعملت سميد سميد مولا
كيلة سمن ذايبة وباردة
نصف ملعقة صغيرة خميرة حلوى يعطيه هشاشة وممكن نعوضها بكمية قليلة من البيكربةنات
ملح
خليط من الماء وماء الزهر انا استعملت حوالي ثلاثة ارباع الكيلة وهذا حسب نوعية الدقيق المستعمل

الحشو:

ثلاث كيلات لوز مرحي أو كاوكاو
كيلة سكر
ونجمع بماء الزهر
ممكن نستعمل الغرس
نضيف له القليل من القرفة

الطريقة:

نضع السميد مع الملح والخميرة والسمن يكون ذايب وبارد نحكو باليد جيدا

نغيطه ونخليه لعدة ساعات او ليلة كاملة
بعدها نشمخو بماء الزهر دون عجنه كما نعمل في المقروط العادي
في هاذ الوقت نحضر الحشو هو نفس الحشو لي نستعملو في البقلاوة
نخلط السكر مع اللوز ونضيف ماء الزهر والفاني

نقسم العجينة الى قسمين

نبسط العجينة الاولى على ورق الزبدة

نضعها في البلاطو

ثم نضع فوقها الحشو ثم نبسط الكويرة الثانية ونضعها فوق الحشو ونعدلها

نقطعه مقروضات وننقشه ونزينه بالعقاش واللوز او حسب الرغبة

ندخله للفرن على 180درجة ونخليه يطيب لان سر نجاحه في الطياب مالازمش يبقى اخضر من الداخل

بعد ما نخرجه من الفرن نسقيه وهو سخون بالعسل مخلط مع شوية ماء الزهر لازم العسل بارد والمقروظ سخون ونخليه يتشرب

انا استعملت حوالي 750غ

بعد مايبرد ويتشرب العسل اذا لقيته ناقص عسل نزيدله
بعدها نقطعه ونقدمه بالصحة والهناء

عن قرب امممممممم

https://

ملاحظة:

قياس البلاطو المستعمل 24على 28سم والكيلة هي كاس بحجم 250غ
العسل نخففه بكمية قليلة من ماء الزهر وكميته العسل على حساب حجم البلاطو
من الاحسن الحشو مانوصلوش لحواف الصينية حتى لا يحترق
يمكن اسبدال اللوز بالكاوكاو او الغرس
الطياب على نار متوسطة حتى يطيب من الداخل حوالي 45د او اكثر على حسب الفرن

ان شاء الله تجربوه لان ساهل وذوقه رهييييييب

غتالياتي انا بحاجة لدعائكن لابنتي اماني بالنجاح وبتيسير الامور جزاكن الله كل خير

تم بحمد الله

أهلا ومحربا بك أختي ام أماني ومحظوظة انا لأنني من الأوائل اللّواتي يردن على موضوع كهذا الموضوع الخّاص. مواضيع دوما في القمّة. وكلّ من تجربّ أيّ موضوع إلاّ والنّجاح يكون محقّقا وذلك نظرا لدقّة المقادير. والشّرح المفصّل والمبسّط. جعل اللّه لك أعمالك في ميزان حسناتك. لأنّني جرّبت الكثير من حلوياتك وكانت دوما في القمّة. لك منّي تحيّة تقدير وشكر وعرفان بجميلك الّذي أغرقتينا فيه . وبفضلك أصبحنا نزيّن موائدنا بأشهى الحلويات. أصلح اللّه أمورك. وجزاك كلّ الخير.