لكل المناسبات السعيدة حلوى2014 بالخطوات المصورة حصريا من مطبخي

[ام اماني77]

بسم الله الرحمان الرحيم



كيف حالكن غالياتي ان شاء الله الكل بصحة وعافية.

بما اننا في موسم الاعراس والمناسبات جبتلكم حلوى جديدة هاااايلة تشد اليد لازمها خاطر طويل لكنها تستاهل لان شكلها رااائع وفكرة تشكيلها جديدة على الحلويات الاخرى.

بدون اطالة نخليكم مع الوصفة بالخطوات المصورة

https://




العجينة:

3كيلات فرينة
نصف كيلة زبدة توريق ذايبة وباردة
م ك فاني
رشة ملح
ملون ابيض نتاع الميزان
ماء الزهر

الحشو:

3كيلات لوز مرحي رقيق
كيلة ناقصة شوية سكر
بيض
قشور ليمون
ملون وردي

للتزيين:

عجينة اللوز الاصطناعية
ملون وردي واخضر
لماع فضي
للتعسيل:
كيلة شربات سبق وحطيت طريقتها في مواضيع سابقة
كيلة عسل اصطناعي

الطريقة:


اولا نحضر العجينة

نحضر العجينة
نخلط الفرينة مع زبدة التوريق ورشة الملح والملون الابيض والفاني ونحكها مليح من بعد نفوتها في سيار يكون رقيق حتى نتفادى ظهور حبيبات فيها ونلمها بماء الزهرنضيف بالشوية حتى نتحصل على عجينة متماسكة لازم تكون شادة روحها حتى يسهل تشكيلها نغلفها بورق الشفاف ونخليها ترتاح.
من جهة نحضر الحشو

نخلط اللوز مع السكر والواست والفاني ونلم بالبيض حتى نتحصل على عجينة متماسكة نعجنها شوية حتى يذوب السكر نغطي الحشو بورق الشفاف ونخليه يرتاح على الاقل 3 ساعات.


https://
نقسم العجينة على اثنان

القسم الاول نعمل به مستطيلات

نرقق العجينة شوية بالحلال من بعد نفوتها في الماشينة حتى الرقم 7 يعني لازم تكون رقيقة لان راح نروليها باه كي نطيبها ماتبقاش معجنة

من بعد نقطع مستطيلات 12على 4سم
من جهة نوزن الحشو 25غ و نبسط الحشو على ورق الزبدة بنفس القياس يعني 12على 4سم

https://

ندهن العجينة ببياض البيض ونحط الحشو من فوق

https://

نروليها بالطول

https://
ونكمل نفس العملية مع باقي الحشو

https://

الان نكمل تزيين الحلوى بالقسم الثاني من العجينة

نحتاج الى مول السليكون نتاع المادلان الحجم الصغير

https://
نبسط العجينة بالحلال ثم نفوتها في الماشينة حتى الرقم 6 مالازمش تكون رقيقة بزاااف حتى نقدر نشكلها

بواسطة مول دائري قطره من 7الى 8سم نقطع دوائر

https://
بالفرشاة نحط فوقهم الناكري الفضي

https://

ونحط الدائرة داخل مول المادلان على الجهة لي فيها الملمع

https://

ونحط داخلها مول اخر ونضغط مليح حتى تصبح مشرشفة يعني بليسي

https://

https://
الان بواسطة مول صغير او بوشون نتاع قارورة نقطع دائرة صغيرة في القاعدة نتاع العجينة لي حطيناها في المول حتى ندخل المستطيل لي حضرناه في المرحلة1 ونلصق ببياض البيض

الصورة توضح اكثر

https://


https://


نفس الخطوة نعملها من الجهة المقابلة من المستطيل يعني لكل مستطيل نحتاج زوج دوائر حتى نتحصل على هذا الشكل

https://

بعد مانكمل كامل الحلوى نحطها في صينية بها ورق زبدة ونخليها ترتاح ليلة كاملة ضروري ترتاح حتى تبقى محافظة على شكلها

بعدها نطيبها على 150د لازم تبقى محافظة على لونها الابيض

نعسلها في خليط الشاربات والعسل الاصطناعي يكون دافيء ونحطها تقطر على مشبك

بعدها نزينها بعجينة اللوز في المنتصف حتى نغطي الفراغ الموجود في المنتصف وايضا راح نضيف للحلوى جمالية اكثر ونرشها بشوية ملمع فضي من بعد نحطها في ليكيسات ونقدمها

وهذا شكلها النهائي

https://

https://

شكلها من الداخل

https://

صراحة رووووعة

https://

https://

ان شاء الله تعجبكم الحلوى وتجربوها في افراحكم ومناسباتكم السعيدة ربي يدوم الفرحة في بيوتكم

ولا تنسوني اخواتي من صالح الدعاء تعبت بزاف في تحميل الصور لان النت ثقييييلة

في امان الله

[ريتاج تيارتية]

ماااااااااشاء الله عليك ام اماني تحفة ابداع يعطيك الصحة عجبتني بزااااااااااف تقول نقعد غير نشوف فيها مانكلهاش هههههههه
بارك الله فيك حبيبتي

[دارين18]

مممممممممممممم ماشاء الله يعطيك الصحة معليش ندي وحدة

[بشرى2008]

44444444444444444444444444444444444444444444444444 44444444444444444444444444444444444444444444444444 44444444444444444444444444444444444444444444444444 44444444444444444444444444444444444444444444444444 44444444444444444444444444444444444444444444444444 44444444444444444444444

[أم ماجد]

فعلا نتفرج فيها فقط
فنانة ومعطاءة كالعادة ام اماني ربي يفرحك ويخليك ديما زاهية ومزهية

[هجيرة1]

ماشاء الله روووووووووووعه يعطيك الصحه والله تحفه والشكل جميل

[أنواار الإيماان]

ماشاااااااااااااااااااااااااااااااء الله

الله يبارك اختي ام اماني يعطيك الصحة وبارك الله فيك رووووووووووووووووووووووووووووووعة

[FLEURBLANCHE]

الله يبارك ملقيت ما نقولك هههههه الله يسلم هادوك اليدييييييييييين

[اقمار]

بارك الله فيك عمل متقن و باينة تحمر الوجه

[عطرالذهب]

ياسلاااااااااام روووووووووووعة

[hony]

الله يبارك روعة إن شاء الله تكون صدقة جارية ليك و يخليك متألقة على طول

[ladymillion]

Haaaaaaaaaaaaaaaaayl yaatik saha

[lyzzabel]

روووووعة ،، فييييييلم ،، فوووووور ،، magnifique ،، fantastique ،، ههههه عجزت نعبر ،، الله يبارك و يزيد يعطيك الصحة ،، شكراااا حبيبتنا الغاااالية

[اماني نينا]

يعطيك الصحة والله روعة

[أم ريمة*]

ما شاء الله لوحة فنية يعطيك الصحة