حــلوى روســـية من مــطبخ أمـــنية .. Le Gâteau Russe ...

[أمنية غفران]

السلام عليكم و رحمة الله تعالى و بركاته

...............................................

يا رب يكون الجميع بصحة و عافية

..................................

حبيت اليوم نشاركم بتجربتي لحلوى الروسية نتمنى تعجبكم هي سهلة وبسيطة

انا درتها بالكوكاو المحمص و زينتها بالنواة كوكو محمصة و صراحة تعطي بنه روعة جربوها و رجعولي الخبر و تعمدت ندير ليكم مقادير قليلة والي تحب كمية كبيرة تضاعف المقادير أكيد و بالنسبة للمول انا درت مول صغير 20x20


ملاحظة هاد الحلوى ياريت تأكل في نفس اليوم يعني ديريها لقهوة او أي مناسبة و تانيك ماراهيش تدي الوقت في التحضير




المقادير

3 حبات بيض
150 غ كوكاو محمص و مرحي
100غ سكر عادي
125 غ زيدة بحرارة الغرفة
لفاني
نص باكي خميرة الحلوى
75 غ فرينة
سكر رطب قلاسي للطلية
للتزيين نواة كوكو محمصة

الطريقة

نخلط الزبدة مع السكر العادي جيدا بالباتور حتى نتحصل على شكل كريمة نضيف الفاني و الكوكاو المرحي و المحمص و نخلط جيدا

من جهة اخرى نفصل البياض عن الصفار

البياض نخلطه بالباتور قليلا ماشي حتى يولي ثلج لالا فقط نخلطه و نضيفه لخليط الكوكاو و نخلط بملعقة خشبية فقط و نضيف الفرينة و الخميرة و نخلط حتى تتجانس المكونات و نضعه في مول و ندخله للكوشة هو يطيب كيما نطيبو الموسكوتشو يعني لمعرفة جاهزيته ندخل الموس داخل العجينه ادا خرج ناشف معناه الحلوى طابت

الكريمة (القلاساج)h

نأخذ صفار البيض و نضيف ليه عصير حبة ليمون و شوية فاني و نخلط مليح بالباتور ونبدا نضيف في السكر الرطب حتى نحصل على قلاساج ماشي ثقيل و ماشي خفيف

نقسم القاطو على اثنين و هذا اختياري و ادا ما حبيتيش تقسميه عادي و نحطه في المشبك و نضيف ليه الكريمة و نحط الطبقة الثانية من القاطو و نصب فوقها الكريمة و نزينه بنواة كوكو محمصة و قطعيه مربعات صغيرة او كبيرة كيما تحبي انا قطعتهم كبار

و قدميه للعائلة الكريمة بالصحة و الهنا























أدعولي من فضلكم في ظهر الغيب بالشفاء

في أمان الله