السلام عليكم و رحمة الله تعالى و بركاته
ماشاء الله مع افتتاح الطبعة الرابعة تلمو الاحباب
ربي يلاقينا في حوض الحبيب صلى الله عليه و سلم و يجاورنا بيه امين
استاذتي و صديقتي و حبيبتي عطوفة والله غير نفرح كي نقرا كلامك و كاني نقعد معاك الحمدلله ربي خلق الداء و الدواء ربي يتمم شفائها على خير يا رب وو ربي يطمن قلبك عليها و تشوفيها في احسن حال و تفرحي بيها امين
و خبرينا على المدلل عبد المجيب وش راه فرحان بالسنة الاولى ماشاء الله كبر و اصبح راجل يا درى عنده معلم او معلمة و الا الماما هي المعلمة تاعه في الحق انه كان العام الماضي هو و زملائه محضوضين بيك كنت نعم معلمة التحضيري ربي يثبت اجرك
و خبرينا عليك و على دخولك هاد العام نتمنالك سنة سعيدة و مليئة بالنجاحات ليك و لتلاميذك
..........................
الشيخ صابر كيف الحال و كيف حال الوالدة الكريمة و الحمدلله على سلامة الوالد
فرحت بزاف انك تدرس سنة خامسة تقاريرك العام الماضي كانت نافعتنا بزاف
الفراشات الحمدلله
اريج راهي تكتشف في اساتذتها راحت عليها استاذة الفرنسية لدرجة اتهم بكاو عليها كل التلاميذ كانت لهم استاذة و صديقة
و بقالها استاذ الرياضيات الي يطلق عليهم اسماء ما يحبوهاش و يضحك عليهم راهي هاد وش تحكيلي
و في الحق راهم بداو مباشرة في الدروس قبيل و هي تحفظ في درس العلوم
اما افنان قعدتلهم نفس المعلمة في الحق فرحت بزاف لانه و لو افنان ما كانتش تشارك عندها الا انه المعلمة في المستوى توصل الفكرة بقا غير كون تشرك كل تلانيذ القسم في الشرح و التطبيق و تتنازل على فكرة "تخدم مع تلاميذ شعلة"
و الامر الي نخكك فيه انا انها بالحمل يعني كيفاش تروح عليهم و هوما في عام مصيري
في الحق هاد كله مش شاغلي بالي راني فهمتها انه هاد العام راح يكون جسر للمتوسط اذا كان معبد مليح راح نمشوه بسهولة و الا راح نتعبو شوية و في الاخير تطلع للمتوسط و تتهى من الابتدائي راني قول هك و اا متوكلة على الله و متاملة اني نلقى النشاريع هنا في الهمزة يساعدونا
على هك ياريت نبداو من الان و بقيادة الشيخ عبد الناصر في التحضير للمشاريع و نديرولهم برنامج يمشي عليه الكل
اما سلسبيل فكما هي كلشي ماشي على البراكة و حاسبة روحها لا بعدها و لا وراها
ربي يثقل طرافها و تخدم عقلها فيما يفيدها
الشيخ راني عطيتك تقرير نفصل
........................
في انتظار دخول الاستاذ نور الدين و الاستاذة ايمان نتمنى انها ترجعلنا و نستفادو منها و تسمحلنا اذا ثقلنا من النقاش او هربناها