ارجو مساعدة .......اول سنة في الطب

[crazy rock girl]

المشاركة الأصلية كتبت بواسطة صمتي شموخي

السلام عليكم و رحمة الله تعالى و بركاته
متحصلة على بكالوريا2014
وقررت ان ادخل ميدان الطب الذي لطالما كان حلما و الان سأبدا بتحقيقه
و لاأريد ان تكون أول سنة كابوسا مخيفا
لقد قرأت الكثير من المواضيع عن كيفية التحضير لاول سنة في الطب لكن بقيتت تراودني الاسئلة
لذا اارجوا من الطلبة الذين مرو بهذه المرحلةان يجيبوني
وفقا لتجاربهم
..........
-اولا سمعت بانه يجب التحضير لبعض المواد في الصيف قبل الدخول الجامعي فهل هذا صحيح
وماهي هذه المواد التي يجب تحضيرها و كيف و من اين ابدا؟

انا شخصيا ما حضرت ما والو دخلت السنة الاولى اونفورم هي المهم الكور اللي تقريه عاوديه و احفظي

-ما هي الكتب و القواميس التي علي شرائها و يمكنهامساعدتي؟

انا شريت المنهل لكن محتاجيتوش بزاف و مبغيتش نتعود على العربية لهادا ننصحك ممتعوديش على العربية و انا شخصيا استخدمت بزاف larousse médicale كي يذكرو كاش مرض و القاموس نتاع
encarta

-اريد ايضا الادوات التي ساحتاجها في كل مادة يعني كل مادة وش نحتاجلها (كراس صغير - كبير/ريجيستر - كلاسار.......)

نقولك شري غي كراريس صغار و شري كتابي l'anatomie membre superieur et inferieur

-وبالنسبة لاقتناء الكتب من المكتبة في الجامعة هل تساعدني في المراجعة ولازم كل فترة نجيب كتاب؟

انا مخدمتش بالكتي نتاع المكتبة بزاف خطرات كنت نحوس عل كتب chimie organique باسكو هي الكوشمار نتاعي في السنة الاولى ههه تهنيت منها

وشنهي هوما اهم الكتب اللي نقدر نحتاجهم في سنة اولى من المكتبة ؟

لا فكرة

-وسمعت بلي كاين دروس خصوصية يديروها الاساتذة اللي يقريو في الجامعة , هل هي مفيدة وتعاوني او مجرد تضييع للوقت والمال و ارجو من طلاب سطيف يعاونوني بحكم اني رح نقرا ثما؟

انا مدرت ني دروس ني زوج و الحمد لله بلعت العام بـ
12

-و بالنسبة للدروس اللي يمدوها الاساتذة مطبوعة هل صححيح انهم يخليوم قبل فترة قصيرة منالامتحان
ويمدوها وهل لازم نشوف طالب قرى قبلي وندي من عندو الدروس و تكون واجدة دائما عندي او نعتمد على الدروس لي لقيتها في نت وهنا في المنتدى ؟

لا فكرة لانو حنا في جامعتنا نشرو ليبوليكوب ماشي يمدهملنا البروف و نقولك لا تعتمدي فقط على المعلومات اللي يمدهالك البروف شوفي في النت بصح متعمقيش بزاف

-تنظيم الوقت و المراجعة هل تكون كل يوم درس لي نقراه نراجعو ولا كيفاه
مع اني بعيدة على االجامعة و لازم كل يوم نروح في الكار يعني وقتي كامل في الطريق

ايه نظمي وقتك مليح و الحاجة اللي نوصيك بيها ديري التلخيصات و اياكي تحفظي البوليكوب كيما راه و احفظي بالفهامة و مادة التشريح anatomie تاني لخصي لانك مش رح تقدري تحفظي كتابين كاملين

-وهل اللغة الفرنسية رح تكن عائق بالرغم اني منيش ضعيفة فيها بزاف نقدر نسلك راسي؟

مهيش عائق صدقيني عادي جدا جدا بالاك النهار الاول فقط تحسبي لبروف راه يهدر بالشنوي لانو مكيش متعودة و من بعد عادي تولي تفهمي كلش و مام تقدري تحفظيها هادي متخميش فيها قاع

-وو اخيرا بالنسبة للحفظ كاين طلبة قالو بلي كلش حفظ في الطب حتى الفيزياء و الرياضيات يوليو حفاضة و انو النقاط المليحة للحفاظين ؟

هه صراحة انا البيوفيزيك لحد الآن معرفتش طريقة دراستها لكن مهيش قاع حفظ فيها حوايج فهامة كيما الدرس نتاع le système tampon ، الرياضيات ماشي حفيظ قاع غي خرطي بالفهامة تسلكي راسك ، histologie + cyto + embryo + anatomie حفيييظ لكن ماشي بدون فهامة و physio انا جامي حفظتها هي فهامة بصح كاين اللي يحفظوها informatique على حساب لبروف واش موالف يدير اذا qcm ou exo
chimie فهامة و génetique فهانمة تاني

و ربي يوفقك ختي و مبروك عليك الباك و الحاجة اللي نوصيك بيها تاني ميخلعوكش الخباشين و هدوك اللي يبداو يورو في رواحهم و يسقسو في البروف في لومفي و تقولي انا ماني والو قدامهم هادوك في الصح ميديرو والو