كوزينة رمضاااان...أرواااحوا نحكيوا على الوصفاات لي نديروهم في رمضان ...متجدد

نينا الجزائرية · 2010-08-17, 13:24

اقتباس:

المشاركة الأصلية كتبت بواسطة شقراء

سلام نينا واش راكي
السكنجبير درك ولاو الناس منين ايكون الجاج ايديروه يعطي بنة خاصة وتاني مليح الي مايقدرش يشرب ويستنفع بيه ايدير قرصة فالطياب
وبالنسبة للسربة نقطع الخضرة مكعبات كي نجو رايحين نرميو الدويدة بصح الفريك (المرمز) والتشيشة نطحن الخضرة نتاعها

انا كان قصدي الشطيطجة الاصلية بدون زنجبير ولا زعفران ولا طوماطيش مصبرة
دويودة قصدك فرميسال ولا سوربة مقطفة
ايه هذيك هي يطعو الخضرة ويزيدو الفول يابس وممكن في بلاصة الحميصة الجلبانة
اما خضرة مطحونة متندارش في شوربة فريك
وكل واحد جهة لي يطيبها
جاري اسمو جاري يجي شوية خفيف اذا عملتيلو الخضرة مطحونة يجي كيما لاسوب وهو من مفروض غير فريك يبان
سلام