* lمشاركتي في مسابقة شاف كوزينتنا * التحلية*

[faizarbh]

السلام عليكم
في مسابقة شاف كوزينتنا لهذا الاسبوع كان الموكن الرئيسي هو الجبن
فهمتوه هههههه الجبن

و ان شاء الله تعجبكم التحلية
بسم الله


المقادير نحتاجوا
2 كؤوس شانتيي بودر
2 كؤوس حليب بارد جدا جدا
3 علب بتي سويس ذوق فراولة
8 حبات جبن كيري
علبة جبن كيري كريمي
قاطو بيمو او اي نوع
ناباج او لاجولي
فروي كونفي
ملون احمر
100 غ زبدة طرية




لعمل القاعدة نحتاج
بيمو مرحي + زبدة و نطحنهم مع بعض و نديرهم في مول اللي ينفتح نديرو داخلو ورقة طبخ بعدما نقصها على شكل دائري
و كي ندير القاطو نضغط عليه مليح بيدنا





و ندخلوه للفرن 10 د عبر ما يشد روحو و نرجوه
في الطبقة الثانية نديرو الشنتيي + الحليب و نضرب بالخلاط حتى يطلع مليح و يثقل
ثم نخلط جبن المربعات + بتي سويس + الجبن الكريمي و نضربهم بالخلاط مليح
ثم نمزج الخليطين الشانتيي و الجبن و نضربهم مع بعض جيدا بالخلاط و نضيفلهم نص كاش شانتيي بودر
ثم نديرهم فوق قاعدة القاطو اللي رحيناه مثل ما راه موضح في الصور










و نزين ب لي فروي كونفي
و للطبقة الاخيرة نذوب الناباج nappage
حتى يولي سائل و نضيفلو شووووووووووية ملون احمر باش يعطيلنا اللون الوردي و نخلوه يبرد ثم نفرغوه على الكريمة






و ندخلها للمجمد و خليها تشد روحها و ما تخفوش كي تروحو تاكلوها ما تلقاوهاش مجمدة و باردة جدا مثل المثلجات لا عادي
و صدقوني لذيييييييييذة جدا جدا جدا

هذي تزايدتلي درتها في جيب الحلواني و و زينتها بالشوكولا


و هذي بعدما ما خليتها باتت



و هذي عن قرب






تفضلوا يا سلاااااااااام






نتمنى اجربوها ذوق لا يقااااااوم
تحياتي لكن

ملاحظة : تقدروا تستغناو على الجبن الكريمي انا كثرت منو لانو المكون الرئيسي بصح اغلب الاحيان نيرو غير بمربعت الكيري و البتيسويس

كانت مسابقة رائعة و ختامها تحلية لاحلي متنافسات فلة انا امهم و ام اماني و الوهرانية كنتن نعم المتنافسات و الاخوات و كل الشكر لمشرفاتنا الاعزاء اللي دعمونا