|
|
|
|||||||
| قسم الحلويات قسم مخصص للحلويات و المواضيع فيه حصرية للمنتدى |
في حال وجود أي مواضيع أو ردود
مُخالفة من قبل الأعضاء، يُرجى الإبلاغ عنها فورًا باستخدام أيقونة
( تقرير عن مشاركة سيئة )، و الموجودة أسفل كل مشاركة .
| آخر المواضيع |
|
حلويات رمضان + العيد شاركن في إنجاز كتاب خاص بشهر رمضان
 |
|
|
أدوات الموضوع | انواع عرض الموضوع |
|
|
2015-04-11, 12:57
|
رقم المشاركة : 1 | ||||
|
حلويات رمضان + العيد شاركن في إنجاز كتاب خاص بشهر رمضان
السلام عليكم ورحمة الله وبركاته
|
||||
|
|
2015-04-11, 14:07
|
رقم المشاركة : 2 | |||
|
وصفة ام سارة 285 قاطو هبلو عليه الناس  المقادير تقيسي المقادير انتاعك بالكاس كاس بيض , نص كاس سكر , نص كاس زبدة ذايبة و باردة , كاس كاوكاو مقلي و مرحي( مرحي متوسط كيما نتاع الي نديروه في الحشو ) , كاس بيمو مرحي و مغربل , ملعقة كبيرة فاني , ملعقتين كبار نسكافي , ملعقتين كبار كاكاو , و شكارة خميرة نوارة وعسل و التزيين انت وواش عندك التحضير ديري البيض مع السكر تضربيهم مليح و تزيديلهم الزبدة كيما في الصور   وهذا البيمو المرحي تضيفيه هو و الكاوكاو   و من بعد نضيفو الفاني ثم النسكافي و الكاكاو و الخميرة و نخلط مليح    نحكم les moules و ندهنهم بالزبدة و ندير فيهم ملعقة كبيرة من الخليط لانو رايح يطلع و ديريهم يطيبو في فرن مسخن مسبقا   و في هذه الاثناء ديري العسل في الطاوة و تخليه يسخن على النار و تسخني فنجان ماء و ديريلو ملعقتين كبار نسكافي ذوبيها مليح و اضيفي الخليط للعسل .  كي يطيب القاطو خليه يبرد شوية و نحيه من les moules و جيبي العسل واسقي الحبات بالبانسو اسقيهم مليح و للتزيين ديري النسلي يطيب و من بعد دريه من فوق كما هو موضح بالصور  و هذه طريقة اخرى للتزيين   |
|||
|
|
|
2015-04-11, 16:04
|
رقم المشاركة : 3 | |||
|
|
|||
|
|
|
2015-04-11, 16:07
|
رقم المشاركة : 4 | |||
|
قاطو بالفلان والبيستاش يذوب في الفم أم أماني 77 |
|||
|
|
|
2015-04-11, 16:08
|
رقم المشاركة : 5 | |||
|
بوتي فور ناجح واقتصادي وبمقادير مضبوطة من مطبخي ام أماني 77 |
|||
|
|
|
2015-04-11, 16:17
|
رقم المشاركة : 6 | |||
|
اللي عمرها ما نجحلها قلب اللوز طبقي و ناجح على ضمانتي 100/100 ايلا معجبكش ابعتيهولي بالصور ههههlyllia30 السلام عليكم و رحمة الله تعالى و بركااته اخواتي عزيزاتي عضوات منتدى الجلفة اليوم جبتلكم وصفة ولا بالأحلام لقلب اللوز صدقوووووووني انبهروا فيه الدار و الجيران و تحولت من أول نجاح لبائعة قلب اللوز في رمضان هههههههه انا قصتي مع قلب اللوز بدأت من اعوام و هو انو ماما دائما فااشلة فيه عمرو ما نجحلها جربت كل الطرق مرة جيت نجربوا وجدت كلش صدمتني قاتلي مكلاه مينجحلكش أنا عمرو ما نجحلي ( قتلها في قلبي انا شيف انتي فشلك مش معناها يفشلي  ) المهم صح هاذيك المرة فشلي لانو حطمت الوصفة قبل دخولها الفرن ههههههههههههه بعد هذا بقا في قلبي رحت لدار خالتي و رحنا انا و بنت خالتي لجارتهم اعطاتنا الوصفة و طبقتها بنت خالتي و طبقتها انا شحااال من مرة و عطيتها لصحاباتي جربوهاا قد ما نحكييلكم مش كيما تجربوا و تدعولي والله احسن من تاع براا 100 مرة المهم نخلييكم مع الصور و المقاادير و اللي ما فهمتش تسألني راني فالخدمة نسيت نقولكم والله اللي علمتهالي قاتلي دعوة الشر تمدي المقادير   مفهمتش علالاش انا منقدرش نخبي حاجة نعرفها و كيما تفيدوني نفيدكم المهم ادعولي و اعطوني دعوة الخير باش تمحولي دعوة الشر )نبداو على بركة الله  إضغط هنا لرؤية الصورة بحجمها الطبيعي. إضغط هنا لرؤية الصورة بحجمها الطبيعي. ملاحضة لكثرة السؤال عليه ليس حليب و انما لبن إضغط هنا لرؤية الصورة بحجمها الطبيعي. إضغط هنا لرؤية الصورة بحجمها الطبيعي. إضغط هنا لرؤية الصورة بحجمها الطبيعي. هنا خرج من الفور و شربتوا الشربة الأولى إضغط هنا لرؤية الصورة بحجمها الطبيعي. الشربة الثانية إضغط هنا لرؤية الصورة بحجمها الطبيعي. هنا درتوا فالكيساات و راح رااايح للجيران هههههههه إضغط هنا لرؤية الصورة بحجمها الطبيعي. و هنا لأول وحدة ترد ماعليش صاايمة تخبيه إضغط هنا لرؤية الصورة بحجمها الطبيعي. هاهو السميد المستعمل إضغط هنا لرؤية الصورة بحجمها الطبيعي. و هاهو اللبن بالنسبة للبن مش شرط اي نوع إضغط هنا لرؤية الصورة بحجمها الطبيعي. الحمد لله كملت نسيت نقولكم قبل ما تبداي تخلطي فيه وجدي الشربات و خليها تطيب 15 دقيقة لانو لازم غير يخرج و هو سخون تشربيه و تشربي على 3 مرات و تخليه على الأقل 6 ساعات يرتاح ممبعد بااش تقدميه بالصحة و الهنااء هاذ المقادير تديرلك بلاطو صغيير يالا ورونا تطبيقاتكم و دعوااتكم |
|||
|
|
|
2015-04-12, 15:26
|
رقم المشاركة : 7 | |||
|
بساط الريح لام اماني 77 |
|||
|
|
|
2015-04-12, 16:02
|
رقم المشاركة : 8 | |||
|
حلوة محشية بالنيستلي رائعة شكلا ومضمونا حلوة محشية زهروان |
|||
|
|
|
2015-04-12, 16:04
|
رقم المشاركة : 9 | |||
|
اطو جديد قاطو الطربوشة وصفتي الخاصة kakinova السلام عليكم عندي بزاف ما شاركتش في قسم الحلويات و حتى معظم الوصفات نحطها فالكوزينة قلت نحطلكم هاذ الوصفات من وصفاتي الخاصة و مودالات جدد من ابتكاري ممكن يفيدو الاخوات الكريمات ما تنساونيش فقط من دعوة خير انو ربي يعطيني واش متمنية و يشفيلي بناتي آمين يا رب إضغط هنا لرؤية الصورة بحجمها الطبيعي. إضغط هنا لرؤية الصورة بحجمها الطبيعي. قاطو الطربوشة في مول السيليكون 100 غ سكر رطب 250 غ مرغرين لابال 2 مغارف كبار زيت 2 صفار و بيضة كاملة رشة ملح مغرف كبيرة فاني فلان فاني ملعقة كبيرة اقل من نصف كيلو غرام فرينة لازم تكون طرية حتى تبانلك تلصق دخليها للبراد تبرد تتماسك اقل من نصف باكي خميرة الحلوى توزني كامل الحبات قد قد و تحشى نصف حبة كابريس او نصف حبة شكولا و نغلق و تطهى كامل الكمية لازم تخليها فالثلاجة و كل مرة تخرجي قيس ما تستعملي في صحن و الباقي تخليه فالثلاجة تطهى من تحت و الافضل ترفعيها للرف الاول لانو لو طيبتيها فالسفلي رح تتشوط من تحت بسرعة و ما تجي تحمار حتى تتحرق و يكون منظرها ماشي باهي لما تحطيها لفوق طيب في غرضها و تجيك ذهبة اللون و لونها باهي و من فوق شعلي تاخذ لون احمر ذهبي خفيف فقط لما تبرد تقلبيها في بلاطو و تخليها تبرد مليح حتى تخلصي كامل الكمية ذوبي شكولا امباسادور و ضفيلها القليل من تاع الميزان او منى رح يجيك الطعم امممممممممممم و اللون بني مسود و الشكولا تقعد تبرق ذوبيها في حاجة نظيفة و جافة على نار هادية و حذاري يقيسهالك البخار ديري سارفيات على كامل محيط الاناء و حطي الاناء لي فيه الشكولا هكذا السارفيات ما تخليش لافابور تقيس الشكولا من الافضل لما تبداي الطياب حطي الشكولا و ما تحركيهاش خلاص حتى تذوب كامل تلقايها ذابت لما تبداي تستعمليها المهم خلطي الشكولا بسرعة رح تولي تبرق و ادهني المول مليح و خصوصا الفراغات و الحواشي من فوق و حطي الحبة تاعك حطيها فالكونجيلاتور 5 دقائق و هي تماسكت نحيها من المول و حطيلها نصف حبة توت رح تلصق وحدها و هادا المول المستعمل إضغط هنا لرؤية الصورة بحجمها الطبيعي.إضغط هنا لرؤية الصورة بحجمها الطبيعي.ملاحظة في جميع حلويات السيليكون من الافضل الحبة تكون 20 غرام 22 على الاكثر و في حالة ماكانش خميرة ممكن تصل 25 اذا عملتيها اكبر من هكذ رح تفيض على المول |
|||
|
|
|
2015-04-12, 16:05
|
رقم المشاركة : 10 | |||
|
السلام عليكم غالياتي المقادير: كيلة سمن ذايب ونحطوه في الثلاجة حتى يجمد كيلة ناقصة شوية سكر رطب كيلة كاوكاو محمص ومرحي رقيق 4 م كبار فرينة محمصة فرينة https:// إضغط هنا لرؤية الصورة بحجمها الطبيعي. بواسطة الخلاط الكهربائي نخلط السمن مع السكر جيدا حتى يبياض لون الخليط بعدها نضيف الكاوكاو ونخلط ثم نضيف الفرينة المحمصة وبعدها نضيف الفرينة العادية حتى نتحصل على عجينة ماتكونش يابسة ماتكون طرية بزاف لان اذا كانت العجينة يابسة الغريبية تجي يابسة واذا كانت العجينة طرية كي تطيب الغريبية تهبط وتفقد شكلها نبسط العجينة بالحلال وبواسطة طابع اوكاس ونشكل هلالات https:// إضغط هنا لرؤية الصورة بحجمها الطبيعي. ندهنهم ببياض البيض ونحط فوقهم كاوكاو محمص ومدشش او نشكلها بطابع الخاص بالغريبية https:// إضغط هنا لرؤية الصورة بحجمها الطبيعي. ندخلها لفرن متوسط الحرارة تطيب مع مراقبة الطهي بعد ماتطيب نخليها تبرد تماما هذا الشكل الاول بعد ما يطيب نرش عليه القليل فقط من السكر https:// إضغط هنا لرؤية الصورة بحجمها الطبيعي. وهذا الشكل الثاني لما يطيب نحط في الوسط شوية معجون وشوية كاوكاو مدشش https:// إضغط هنا لرؤية الصورة بحجمها الطبيعي. نتمنى تعجبكم وتجربوها ولاتنسوني غالياتي من صالح دعائكن لي ولاولادي في امان الله التوقيع  |
|||
|
|
|
2015-04-12, 16:07
|
رقم المشاركة : 11 | |||
|
مقرود الشهدة أو عش النحلة من مطبخ ام سامي بالتفصيل أم سامي 15 السلام عليكم و رحمة الله و بركاته اخواتي العزيزات اليوم أحضرت لكن طريقة تحضير مقرود عش النحلة او الشهدة أم سامي 15 من مطبخي و بالصور المقادير كيلة و نصف سميد كيلة و نصف فرينة كيلة و ربع سمن ذائب و بارد انا استعملت سمن المدينة القليل من الملح و نحكه باليدي جيدا جدا حتى يصبح لونه فاتح انا حكيكوا بالعجانة بالحرف ك نتركه يستريح مدة ساعتين او اكثر نرشه بالماء المخلط بماء الزهر و نخلط بالاصابع و لا نعجن نخلط بالاصابع حتى يلتم العجين نغطيه بكيس بلاستيكي و نتركه يستريح نصف ساعة نكون قد جهزنا كمية من التمر المعجون او ما نسميه الغرس و نعجنه مع الزبدة الذائبة ملعقتين و الجلجلان المرحي و نتركه جانبا او نخلط كمية من اللوز المرحي او الكاوكاو و الجلجلان و ربع كميته من السكر العادي و نرشه بالماء الزهر حتى نتحصل على عقدة نرجع للعجينة نشكلها كما في الصورة   و هنا حشيتها بالكاوكاو المخلط بالجلجلان مع ذوق اللوز و الجوز    نأخذ كل حبة و ننقشها بهذا       و هذا بعد ما أخرجناها من الفرن  نعسلها و نقطرها في كسكاس  و نضعها في الكيسات و عند التقديم نعيد تعسيلها و نقدمها   إضغط هنا لرؤية الصورة بحجمها الطبيعي. لا تنسوا ان تدعوا لي و لوالديا و لذريتي جزاكنّ الله خيرا |
|||
|
|
|
2015-04-12, 16:11
|
رقم المشاركة : 12 | |||
|
على طريقتي الخاصة السهلة و الاقتصادية عجينة الشو les éclaires بالخطوات المصورةremadna بسم الله الرحمن الرحيم السلام عليكم و رحمة الله كيف الحال أخواتي . اليوم عندي لكم وصفتي الخاصة الاقتصادية و السهلة طبعا لعجينة الشو . عملتها منذ قليل. لذيييييذة و عجبت كل العائلة. صراحة هذه ثاني تجربة لي منذ 3 سنوات . غيرت في الوصفة و استبدلت الزبدة بالزيت (طبعا علبالي بلي عمركم ما شفتو عجنية الشو بالزيت ) . راهي سهلة و خفيفة جربو و ما تندموش . و زيد خير من المشريةالمكونات العجينة: 1 كاس ماء ، 1 كاس فرينة، 1/2 كاس زيت ، 2 م ك سكر أحرش، رشة ملح، 3 بيضات. الكريمة : كريم باتسيير في هذا الرابط https://www.djelfa.info/vb/showthread.php?t=402734 فقط اعملي نصف لتر و احذفي الكاكاو و استبدليه بعطر الموز أو اي عطر من اختيارك، 2 م ك غبرة الشانتي تضاف في الأخير التحضير بسم الله توكلت على الله في اناء ضعي الماء+ زيت + فرينة+ ملح + سكر. تخلط جيدا حتى تصبح ملساء إضغط هنا لرؤية الصورة بحجمها الطبيعي. توضع على النار متوسطة و تحرك جيدا بتواصل حتى تصبح عجينة و تنزع وحدها من حواشي الإناء. إضغط هنا لرؤية الصورة بحجمها الطبيعي. انزعي من النار و واضيفي حبة بيض و حركي بالملعقة جيدا 4 دقائق حتى تتداخل في العجينة، ثم البيضة الأخرى و حركي جيدا 4 دقائق أخرى حتى تتداخل في العجينة ، ثم البيضة الأخيرة و حركي جيدا حتى تتداخل و تصبح عندك عجينة طرية قليلا و ليست صلبة هكذا إضغط هنا لرؤية الصورة بحجمها الطبيعي. في كيس حليب أو بملعقة شكلي لزيكلار أو دوائر شو صغيرة هكذا في بلاطو مدهون بالزيت إضغط هنا لرؤية الصورة بحجمها الطبيعي. تطهى في الفرن على نار متوسطة (5/10) مدة 20 دقيقة حتى تحمر و اتركيها تبرد نصف ساعة تحضير الكريمة: في نفس الاناء الذي طهيتي فيه العجينة شلليه بالماء فقط ثم أخلطي في الكريمة (لتفادي كثرة الأواني). بعدما تطهى الكريمة غطيها بغلاف بلاستيكي و اتركيها تبرد في الثلاجة. إضغط هنا لرؤية الصورة بحجمها الطبيعي. ثم أضيفي غبرة الشانتي إضغط هنا لرؤية الصورة بحجمها الطبيعي. و خلطي بالخلاط و تصبح هكذا إضغط هنا لرؤية الصورة بحجمها الطبيعي. افتحي حبات لزيكلار بموس منشار . لااحظي كيف راهي فارغة و مثقبة من الوسط . الدليل على انها صالحة إضغط هنا لرؤية الصورة بحجمها الطبيعي. إضغط هنا لرؤية الصورة بحجمها الطبيعي. ضعي الكريمة بملعقة فقط حسب الرغبة إضغط هنا لرؤية الصورة بحجمها الطبيعي. و في الأخير تزين بالشكلاطة إضغط هنا لرؤية الصورة بحجمها الطبيعي. هذه لكن اخواتي بصحتكم تمتعن بالذوق  إضغط هنا لرؤية الصورة بحجمها الطبيعي. ملاحظة : اذا كانت العجينة طرية مثل التي في الصورة بعد اضافة البيضة 2 لا تضيفي البيضة الثالثة. الكاس المستعمل يزن 200 غ فرينة (كاس اينوكس). تذكروني في الدعاء |
|||
|
|
|
2015-04-12, 16:21
|
رقم المشاركة : 13 | |||
|
شكرا أختي جزاك الله يبان كلشي بنين |
|||
|
|
|
2015-04-13, 06:53
|
رقم المشاركة : 14 | |||
|
المخبز بكل اسراره بالخطوات المصورة من مطبخي أم أماني77 سم الله الرحمان الرحيم اللهم صل وسلم وبارك على سيدنا محمد عليه افضل الصلاة والسلام اما بعد المخبز من الحلويات الجزائرية التقليدية نعملوها في الاعراس وكل المناسبات السعيدة لكن بزاااف من الاخوات ماينجحوش في تحضيريه يجيهم يابس وحتى الطلية تبس بالخف اليوم باذن الله نحطلكم الوصفة بالخطوات المصورة ومع كل اسرار المخبز حتى يجيكم معسل من الداخل وحتى الطلية تبقى طرية اذن لنجاح المخبز يجب التقيد بمايلي 1ـ اللوز المستعمل نرحيوه رقيق يعني نفوتوه في السيار لازم يكون رقيق 2ـ نستعمل الزاست نتاع القارص الاصفر لانستعمل الاخضر لان اذا نكثرو منو يعطينا ذوق مر 3ـ الشائع ان اللوز نجمعوه مع السكر بالبيض يعني يستعمل بيضة كاملة وهذا لي يخليه يابس لازم نستعمل 2صفار بيض وبيضة كاملة حتى نلم اللوز لان صفار البيض هو لي يخلي المخبز طري من الداخل 4ـ بعد مانلم اللوز والسكر بالبيض لازم نتحصل على عجينة متماسكة مالازمش تكون طرية لانها اذا كانت طرية كي نطيبو المخبز ماراحش يحافظ على شكله 5ـ كي نحضر عجينة اللوز نعجنها شوية حتى يذوب السكر فيها 6ـ لازم نخلي عجينة اللوز لي حضرناه ترتاح على الاقل3 ساعات ومن الاحسن ليلة كاملة حتى يذوب السكر فيها وتجي معسلة من الداخل 7ـ درجة حرارة الفرن مهمة جدا لازم نطيبوه على150درجة انا شخصيا نديرو يطيب بلا مانسخن الفرن لان كي نسخن الفرن ونحطوه راح يحمار بسرعة مالازمش يحمار لازم يبقى ابيض لان مافيهش فرينة قيس مايطيب البيض فقط 8ـالمخبز نعملوه بالسكر الاحرش لان اذا عملنا السكر الرطب راح يبس لان فيه كمية من النشاء الان نبدأ في تحضير المخبز بالخطوات المصورة المقادير: 3كيلات لوز ابيض مرحي رقيق كيلة ناقصة زوج اصابع سكر احرش زاست قارص كل 500غ لوز نعملها م ك من الزاست تكون مملؤة جيدا 2صفار +بيضة كاملة حتى نلم اللوز والسكر فاني الطريقة: نحط اللوز+السكر+الفانيالزاست هنا ما لقيتش القارص الاصفر عملت خليط من الزاست اخضر واصفر لكن كيما خبرتكم من الاحسن تستعملو الاصفر https:// إضغط هنا لرؤية الصورة بحجمها الطبيعي. نصيف صفار 2بيضة مع بيضة كاملة وهكذا حتى نتحصل على عجينة متماسكة https:// إضغط هنا لرؤية الصورة بحجمها الطبيعي. نعجنها شوية حتى يذوب السكر ونحطها داخل كيس ترتاح على الاقل 3ساعات ومن الاحسن ليلة كاملة حتى يذوب السكر https:// إضغط هنا لرؤية الصورة بحجمها الطبيعي. بعد ماترتاح عجينة اللوز نبدأ في تشكيل المخبز نرش طاولة العمل بالفرينة https:// إضغط هنا لرؤية الصورة بحجمها الطبيعي. نبسط العجينة بسمك مرتفع مالازمش نرقوها بزاف انا عملتها بسمك2 ونصف سم https:// إضغط هنا لرؤية الصورة بحجمها الطبيعي. بواسطة قطاعات نشكل اي شكل نحبوه انا عملت شكل قلب https:// إضغط هنا لرؤية الصورة بحجمها الطبيعي. نحط في بلاطو عليه ورق الزبدة https:// إضغط هنا لرؤية الصورة بحجمها الطبيعي. ندخلوه يطيب على درجة150درجة لازم يبقى لونه ابيض هذي نقطة مهمة شوفوه بعد ماطاب لونه ابيض وبقى محافظ على شكله https:// إضغط هنا لرؤية الصورة بحجمها الطبيعي. نخليه في البلاطو حتى يبرد تماما الان نحضر الطلية الطلية: كاين بزاااف اخوات يشكو من الطلية خخخخ بمعنى كي يعملوها ماتبقاش طرية بمرور الايام اليوم جبتلكم طلية تبقى طرية لمدة طويلة والسر في ان الطلية تبقى طرية هو كمية بياض البيض بدل مانعمل بياض بيضة نعمل نصف بياض بيضة ونزيد نقولكم ان الطلية جامي نعملها بالباتور او الفووي لان راح يعملونا فقاعات هوائية في الطلية نستعمل فقط اليد  اذن نحتاج الى كيس سكر رطب بحجم 700غ من النوع الممتاز انا استعملت المرجان نصف بياض بيضة ماء زهر عصير ليمون ملون اختياري الطريقة: في اناء نحط السكر لي نكونو غربلناه قبل https:// إضغط هنا لرؤية الصورة بحجمها الطبيعي. نضيف ماء الزهر للسكر حتى نتحصل على عجينة نعجنها شوية حتى تجي الطلية ملساء https:// إضغط هنا لرؤية الصورة بحجمها الطبيعي. نضيف نصف بياض بيضة https:// إضغط هنا لرؤية الصورة بحجمها الطبيعي. نخلط باليد ونضيف عصير الليمون تدريجيا هنا كيما راكم تلاحظو الطلية عاملة خط غير متقطع معناه انها مازالت ثقيلة نزيدولها شوية عصير ليمون لازم يكون الخط متقطع ولي ماهيش مالفة تعملها تجرب على حبة اذا ساحت الطلية تزيد شوية سكر رطب واذا ثقيلة بزاف تزيد شوية عصير ليمون https:// إضغط هنا لرؤية الصورة بحجمها الطبيعي. الان نضيف الملون لي حبينا بالنسبة للملونات كاين نتاع الغبرة وكاين المستوردة تجي على شكل كريمة هايلة لكن سعرها باهض انا نفضل هذا النوع السائل هايل وسعره معقول احسن من الغبرة لانها تبقى في بعض الاحيان متكتلة https:// إضغط هنا لرؤية الصورة بحجمها الطبيعي. بالنسبة للون على حسب الذوق والمناسبة انا اخترت هنا الازرق https:// إضغط هنا لرؤية الصورة بحجمها الطبيعي. من الاحسن اللون يكون فاتح والورود لي نزينو بها تكون قاتمة نوعا ما ممكن نعمل البنفسجي يجي هايل https:// إضغط هنا لرؤية الصورة بحجمها الطبيعي. بعد مانحضر الطلية نغطيها ونخليها ترتاح حواي 10د راح نلاحظ ظهور فقاعات هوائية نتيجة الخلط لاحظو الفقاعات الهوائية من فوق https:// إضغط هنا لرؤية الصورة بحجمها الطبيعي. بواسطة راس سكين نخرج الهواء من الفقاعات نغطس المخبز في الطلية من فوق ونحرك يدي حتى تهبط الطلية من بعد نحطو فوق مشبك يقطر https:// إضغط هنا لرؤية الصورة بحجمها الطبيعي. https:// إضغط هنا لرؤية الصورة بحجمها الطبيعي. نخليه ينشف تمااااما من بعد نمسحه بالملمع الفضي https:// إضغط هنا لرؤية الصورة بحجمها الطبيعي. شوفو الفرق بعد مانمسحوه بالملمع https:// إضغط هنا لرؤية الصورة بحجمها الطبيعي. بعد ذلك ناخذ عجينة اللوز الاصطناعية نعجنها بشوية نشاء نلونها حسب الرغبة ونشكل ورود اما بقوالب السليكون او نستعمل طابع على شكل وردة كيما عملت هنا شكلت ورود بحجمين ولونين https:// إضغط هنا لرؤية الصورة بحجمها الطبيعي. حطيت وردة فوق وردة وحطيت 3 ورود فوق كل حبة من المخبز نستعمل شوية من الطلية قبل مانحط الورود حتى تتثبت https:// إضغط هنا لرؤية الصورة بحجمها الطبيعي. بعد ذلك نخلي الحلوى شوية حتى تتماسك شوية الورود ونقدمو وهذا شكله النهائي https:// إضغط هنا لرؤية الصورة بحجمها الطبيعي. https:// إضغط هنا لرؤية الصورة بحجمها الطبيعي. عن قرب https:// إضغط هنا لرؤية الصورة بحجمها الطبيعي. زوووووووم https:// إضغط هنا لرؤية الصورة بحجمها الطبيعي. وهنا حطيناه مع بقية الحلويات لي عملنا في نفاس اختي https:// إضغط هنا لرؤية الصورة بحجمها الطبيعي. تم بحمد الله ان شاء الله يكون الشرح وافي وكافي ولا تنسوني غالياتي من صالح الدعاء في امان الله |
|||
|
|
|
2015-04-13, 06:56
|
رقم المشاركة : 15 | |||
|
قاطو "كحلوشي" هش ، لذيذ، سهل و اقتصادي remadna بسم الله الرحمن الرحيم السلام عليكم و رحمة الله كيف الحال اخواتي العزيزات، اليوم عندي وصفة سهلة و سريعة و اقتصادية و لذيذة ماكانش اللي ذاقها و لم يسأل على الوصفة دائما نعملها في الأعراس و المناسبات، درتها في عيد الأضحى هذا الوصفة الأصلية جاتنا من باتنة فيها الزبدة و شوية تحكم اليد ، ماما بدلت في الوصفة (دارت الزيت) مع شوية تغييرات و خلات الشكل نفسه و انا تعلمتها من عندها منذ سنوات عندما كنت صغيرة المكونات: 3بيضات، كاس سكراحرش، كاس زيت، نص كاس حليب،1 م ك كاكاو، مبشور ليمونة، رشة ملح، 1 خميرة، فرينة حسب الحاجة للتزيين: القليل من ماء ورد، 250 شكلاطة، 250 معجون مشمش مذابة على حمام مائي حتى تصبح سائلة الطريقة: يخلط البيض و السكر و الملح بالخلاط الكهربائي حتى يبيض ضيفي الحليب ثم الزيت و خلطي ثم ضيفي الكاكاو و المبشور و الفرينة حتى تصبح عجينة متماسكة و طرية إضغط هنا لرؤية الصورة بحجمها الطبيعي. ضعيها في بلاطو كبير مدهون بالزيت (سمكها 1 سم) و مدديها باليد مبلولة بالماء لكي لا تلصق لك إضغط هنا لرؤية الصورة بحجمها الطبيعي. تطهي 15 د على نار متوسطة مثل الصابلي تقطع بالمول او كاس دوائر إضغط هنا لرؤية الصورة بحجمها الطبيعي. باقي الفتات يرحي بالمكسور ويمرغد به الحبات بعد ما تغطسيهم في الشكولا و المعجون إضغط هنا لرؤية الصورة بحجمها الطبيعي. يقدم للضيوف يحمر الوجه انتن ضعوها في كيسات للضيوف إضغط هنا لرؤية الصورة بحجمها الطبيعي. لا تنسوني من صالح دعائكم  -------- تطبيق الاخت ام رامي لكحلوشي بلا ما ننسى كلمة شكر كبيرة للعزيزة رماضنة إضغط هنا لرؤية الصورة بحجمها الطبيعي.
|
|||
|
|
|
| الكلمات الدلالية (Tags) |
| العيد, تشهر, حلويات, رمضان, شاركو, إنجاز, كتاب |
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc
غريبية الكاوكاو من مطبخي ام اماني 77 
العرض المتطور
