حلوى صنيدقات الفاكية بعجينة اللوز بكل اسرارها

[ام اماني77]

بسم الله الرحمان الرحيم


السلام عليكم اخواتي

جبتلكم اليوم حلوى كنت عملتها في عرس سلفتي وهي حلوى صنيدقات الفاكية حلوى راااائعة شكلا وذوقا مناسبة للافراح نعملوها بعجينة اللوز ان شاء الله نحط الحلوى وراح نعطيكم السر لي يخلي الحلوى تبقى طرية بعد ما نحضروها لاكثر من اسبوع

https://


المقادير:

كيلة لوز مرحي رقيق
كيلة سكر رطب
25غ مرقرين طرية في كل 500غ لوز
فاني
ماء معدني
لاجولي
ملون ابيض واحمر
اعواد من الكرز تكون مجففة

الطريقة:

https://


اولا نرحي اللوز رقيق من بعد نعاود نرحيه مع السكر الرطب ونفوتو في السيار نتاع الفرينة هكذا

https://

نضيف الفاني وكمية المرقرين ونحرك ثم نلم بالماء المعدني غير بالشوية حتى نتحصل على عجينة متماسكة نغلفها ونخليها ترتاح .





://


نرش طاولة العمل بالسكر ونبسط عجينة اللوز بالحلال مالازمش تكون خشينة بزاااف ونشكل اشكال ممكن قلوب او دوائر او مربعات


://

نسيت نقولكم انكم قبل ما تجمعو العجينة بالماء ناخذ كمية منها نضيفلها ملون ابيض ونجمعها بالماء وكمية نضيفلها ملون احمر ونجمعها ايضا بالماء

الان ناخذ العجينة الملونة بالابيض نبسطها بالحلال ودائما نرش السكر الرطب على طاولة العمل حتى ماتلصقش بواسطة فرشاة نحط كمية
من الملمع الفضي وناخذ حلال يكون مزركش ونفوتو على العجينة هكذا

https://

نقطع اشرطة يكون سمكمها اكبر من سمك الحلوى لي طبعناها

https://

بواسطة لاجولي نلصق الاشرطة على اطراف الحلوى

https://

ناخذ كمية من لاجولي ونضيفلها ملون احمر ونحطها على النار حتى تذوب ونحط فوق الحلوى غير بالشوية


https://

نأخذ عجينة اللوز الحمراء نشكل كويرات صغار ندهنهم بلاجولي نشكل اوراق صغيرة نحطها من فوق ونثبت اعواد الكرز ونزين بها الحلوى

https://

انا عملتها بالكرز ممكن نزينها باي نوع من الفواكة وطبعا لون لاجولي نغيره على حساب الفاكية مثلا اذا راح نعمل ليمون نلونه بالاصفر وهكذا

عن قرب

https://



://

هنا صورتها على الاطراف حتى تشوفو الزخرفة

https://

ان شاء الله اكون قد وفقت في الشرح ولي عندها اي سؤال تتفضل
غالياتي لاتنسوا اولادي من صالح الدعاء لان الامتحانات على الابواب ربي يوفقهم وجميع ابناء المسلمين
ولا تنسو اختنا في المنتدى دائمة الحمد ادعولها بالشفاء العاجل

ملاحظات
اللوز يكون ابيض يعني مقشر بدون مانحمصه
كيلو ونصف لوز يقطع100حبة
يمكن نعمل هذا الحلوى على شكل كفتة يعني نعمل طبقة رقيقة من اللوز ومن ثم طبقة من الحشو ثم طبقة رقيقة من اللوزوالحشو عبارة عن كيلتين بيسكويت مرحي وكيلة كاوكاو محمص ومرحي ونجمع بالمعجون

في امان الله

[om kamilia]

حلوييين م اماني يعطيييك الصحة
يسعدني ن اكون اول من ترد

[،،ايمان،،]

يعطيك الصحة متالقة دائما

[بلسم السطايفية]

روعةدائما متالقةومبدعة

[أم غيلاس]

رائعة في انتظار الوصفة و شكرًا شكرًا شكرًا جعلها الله في ميزان حسناتك و ربي يفرحك بزوجك و أولادك

[saya chan]

ممممم ميامي تشهي

[nabila222]

الزين يا زين راني حكمتك والله تحفة يا مبدعة انتي ،يا جميل انت، امواااااااااااااااح ،والله راني قريب نولي محترفة بفعلك،بصح راني حابة نطلب منك طلب وحشمانة،ممكن المرة الجاية كي تصوري الحلويات انتاعك اسرقي صورة للمطبخ انتاعك راني غير نتخيل فيه من شدة إعجابي بيك،وربي يسلملك يديك يا الحنينة ويحفظلك وليداتك يا رب،،وعندي سوال اخر ممكن العجينة لي عملتيها في الحاشية نعملها بعجينة اللوز لي تتباع واي نصائح بخصوصها،

[ام اماني77]

المشاركة الأصلية كتبت بواسطة nabila222

الزين يا زين راني حكمتك والله تحفة يا مبدعة انتي ،يا جميل انت، امواااااااااااااااح ،والله راني قريب نولي محترفة بفعلك،بصح راني حابة نطلب منك طلب وحشمانة،ممكن المرة الجاية كي تصوري الحلويات انتاعك اسرقي صورة للمطبخ انتاعك راني غير نتخيل فيه من شدة إعجابي بيك،وربي يسلملك يديك يا الحنينة ويحفظلك وليداتك يا رب،،وعندي سوال اخر ممكن العجينة لي عملتيها في الحاشية نعملها بعجينة اللوز لي تتباع واي نصائح بخصوصها،

اهلا غاليتي نبيلة
شكرااا على الكلام الطيب

العجينة لي على الحواشي هي عجينة باللوز واذا ما عندكش اعمليها بالصطناعية اكن اكيد باللوز احسن

[أم غيلاس]

النتيجة أكثر من روعة و ربي يوفق أولادك في الإمتحانات و سائر أولاد المسلمين

[mimiflowers]

الله يعطيك الصحة النتيجة أكثر من روعة و ربي يوفق أولادك في الإمتحانات و سائر أولاد المسلمين ويخليك لينا تتحفينا بوصفاتك

[nidabaize]

بارك الله فيك على الوصفة الرائعة

[maryouma46]

فوووووووووووووور بلاصتك في سميرة تيفي انتهى

[ريتاج تيارتية]

امممممممممممممممممم تحفة يافنانة المنتدى دائما تبهرينا بحلوياتك الرائعة تبارك الله عليك ربي يبارك في صحتك وبارك الله فيك
ربي يوفق اولادك وينجحهم يارب ويارب يشفي الاخت الغالية دائمة الحمد ويشفي جميع المرضى يارب

[الواثقة بالله 23]

بارك الله فيك غاليتي تهبل الله يبارك

[جوهرة الغرب.]

ربي يحفظك ويحفظلك وليداتك وويفقهم وجميعت ابناء المسلمين انا تاني عندي اختي عندها الباك ربي ينجحها
وربي يشافي اختنا وجميع المسلمين
ممكن اختي نعوض عجينة اللوز بعجينة اخرى تكون اقل ثمن لانو راكي تعرفي اللوز غالي وا\ا درتها في مناسبة كبيرة رايحة تنسقام بزاف ولك كل الاحترام والتقدير