حلوى المشكلة بالخطوات من مطبخ ام اماني

[ام اماني77]

السلام عليكم اخواتي
عملت حلوى المشكلة وصورت الخطوات لان الكثير من الاخوات كي طيبوها يخرج الحشو ويجي يابس لذلك نحاول نعطيكم نصائح لنجاح هذا الحلوى
مقادير العجينة:
3كيلات فرينة
كيلة الا ربع زبدة التوريق ذايبة وباردة
م ص فاني
ماء وماء الزهر نبلو به العجينة
مقادير الحشو:
2كيلات لوز مرحي رقيق
كيلة جوز مرحي رقيق
كيلة ناقصة شوية سكر
1م ص فاني
بيض على حسب كمية الحشو
التعسيل
كيلة شاربات
كيلة عسل اصطناعي
التزيين:
مكسرات
بياض بيض
الطريقة
نحضر العجينة بخلط المقادير السابقة لازم تكون طرية ومتماسكة كيما عجينة البقلاوة نغطيها بغلاف بلاستيكي ونخليها ترتاح 3 ساع\ات قبل الاستعمال
من جهة نحضر الحشو نخلط الجوز واللوز والفاني نخلط البيض وحده ونضيفو تدريجيا حتى نتحصل على عجينة ملساء لاتلتصق في اليدين وهذي خطوة مهمة تخلي الحشو ما يخرجش غطيه وخليه يرتاحساعات قبل الاستعمال

بعد ذلك نرش شوية ما يزينة ونمرر العجينة في الة العجين لازم تكون رقيقة تقريبا بسمك1مم
https://
نبسط الحشو بالحلال على ورق الزبدة بسمك 1 ونصف سم ونحط الحشو فوق العجينة المبسوطة
https://
ونغطي الحشو بعجينة اخرى مبسوطة
https://
بواسطة قطاعة نقطع دوائر انا استعملت قطاعة قطرها 4 ونصف سم
https://
ثم ننقشها بالنقاش لازم كل ما نعمل كمية ننقشها بسرعة لانك اذا طولتي تولي العجينة يابسة وكي تنقشيها تتقطع
https://
نغطس انواع المكسرات لي عندي في بياض البيض ونثبتهم في وسط الحلوى وممكن نعمل ازهار بالعجينة ونثبتها باللوز او الصنوبر

نحطها في بلاطو فوق ورق الزبدة ونغطيها ونخليها ترتاح 4ساعات اذا كانت درجة الحرارة عالية اما في الشتاء نخليها4ساعات
https://
بعد ذلك نطيبها في فرن على 150 درجة لازم تبقى بيضا من الاسفل ثم نشعل عليها من فوق غير شوية ما لازمش تحمار
بعد ذلك نحضر الشاربات بخلط كيلة سكر مع كيلة ونصف ماء نخليه يغلي على النار مدة15د لازم لون الشاربات يبقى ابيض ولما يطيبو نكيل كيلة شاربات وكيلة عسل اصطناعي ونحط حبات المشكلة فيهم ونحطها تقطر في الكسكاس
https://
بعد ذلك نحطها في لي كيسات
https://
وهذا شكلهم عن قرب
https://
لكن من الافضل ما تستعملوش اللي كيسات نتاع لي ناب لان الحلوى تلتصق انا انتبهت وحطيتهم في لي كيسات عادي
https://
نتمنى تعجبكم طريقتي وتنجحو في تحضير الحلوى لانها تجي هاااايلة
ولا تنسوني اخواتي من صالح دعائكن

[أم أبوبكر]

[IMG]http:/[/IMG]

[IMG]http:/[/IMG]


[IMG]http:/[/IMG]

[عطوفة]

حلوى را ئعة....شكرا

[ام ملاك.]

يعطيك الصحة خرجلك هايل وباينة بللي تعبتي عليه

[ام يوسف 2737]

يعطيك الصحة

[chardouna]

ya3tik saha jat thobol bsahatkom

[jackin]

[بشرى2008]

يعطيك الصحة

[حياتي نبع امل]

بارك الله فيك

[شيء من رجاء !]

ماشاء الله تبدو لذيذة وشهية ، منظرها يفتح النفس
سلمت يداكِ عزيزتي الشيف

[أم ياسين الزهراء]

بارك الله فيك بنتي دايما تقلي ديريهالي وانا نخاف منها تجيني يابسة بصح شرحك راهو وضحلي كلش شكرا جزيلا

[مملكة لينة]

يعطيك الصحة

[*أم كوثر*]

مجهود تشكرين عليه
+تقييم

[الوهرانية 1]

الله يبارك اختي الحبيبة

[/زهرة عصفور الجنة/]

بارك الله فيك